نبـىِّ كريم  رَءُوْفٌ رَّحِيْم صَلَّى اللهُ عَلَيْهِ وَاٰلِهٖ وَسَلَّم اِرشاد فرمائيلے دے: ټولو نه مخكښې به د قيامت په ورځ د بنده نه د هغه د لـمانځه حساب اخستلے كيږي، كه هغه كامِل وو نو كامِل به اوليكلے شي او كه مكمل نه وو نو الله پاك به فرښتو ته اوفرمائي: آيا زما د بنده سره څه نفل شته؟ كه هغه سره نفلونه وو نو الله رَبُّ الْعِزَّت به فرمائي: د ده فرائض د نوافِلو په ذريعه پوره كړئ. بيا به هُم دغسے د زكوٰة او نورو اعمالو حساب اخستلے كيږي. (ابوداود،کتاب الصلاة،باب قول النبی کل صلاة۔۔۔الخ،۱/۳۲۹،حدیث: ۸۶۴، ۸۶۶)

      حَكِيمُ الاُمَّت حضرت مُفتي احمد يار خان رَحْمَةُ اللهِ عَلَيْه د حديثِ پاك د دے حِصَّے ” فرائض د نوافِلو په ذريعه پوره كړئ “ په شرح كښې فرمائي: دلته د كمي نه په ادا كښې كمي مُراد نه ده بلكه د ادا كولو په طريقه كښې كمي مُراد ده يعني كه چا فرائض په ناقِصه طريقه ادا كړي وي نو هغه كمي به په نفلونو پوره كړے شي. دا مطلب نه دے چه هغه بنده فرض لـمونځ نه كوي او نفلونه كوي او هلته نفلونو نه فرض جوړ شي. (مِراٰةُ الْمَنَاجِيح ج ٢  ص٣٠٧ )

د مدني مذاكرو ترغيب

      خوږو او مُحترمو اسلامي ورونړو! كه مونږه د دعوتِ اسلامي مَدَني ماحول كښې شامل شو نو نفلونه ادا كول، نفلي روژے نيول، عِلمِ دِين زده كول او ځان هميشه په عبادت كښې مصروف ساتل به زمونږ د پاره ډير زيات آسان شي. اوس مونږه د رَبِيعُ الْآخِر په مياشت كښې د نفلونو ادا كولو او د نورو نفلي عبادتونو مُتَعَلِّق واوريدل. اَلْحَمْدُ لِلّٰه! د دے