اِنَّ اللّٰهَ وَ مَلٰٓىٕكَتَهٗ یُصَلُّوْنَ عَلَى النَّبِیِّؕ-یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا تَسْلِیْمًا(۵۶)

                                                                                      (پ۲۲، الاحزاب:۵۶)                                          

ترجَمۂ کنزُالایمان:بےشک اللہ اور اس کے فرشتے درود بھیجتے ہیں اس غیب بتانے والے (نبی) پر اے ایمان والو ان پر درود اور خوب سلام بھیجو

اے عاشقانِ رسول:پتہ چلا کہ٭ اللہ پاک اور اُس کے فرشتے نبی صَلَّی اللہُ عَلَیْہِ وَاٰلِہٖ وَسَلَّم پر دُرودبھیجتے ہیں۔٭ یہ آیت ِمبارکہ سیّد المرسَلین صَلَّی اللہُ عَلَیْہِ وَاٰلِہٖ وَسَلَّم کی صریح نعت ہے۔٭یہ بھی پتہ چلا کہ اللہ پاک اپنے حبیبصَلَّی اللہُ عَلَیْہِ وَاٰلِہٖ وَسَلَّم پررحمت نازل فرماتا ہے اور فرشتے بھی آپ صَلَّی اللہ عَلَیْہِ وَاٰلِہٖ وَسَلَّمَ کے حق میںدُعائے رحمت کرتے ہیں۔٭اِس  آیت میں اِیمان والوں کو پیارے مصطفیٰصَلَّی اللہُ عَلَیْہِ وَاٰلِہٖ وَسَلَّمپردُرُود و سلام بھیجنے کا حُکم دیا گیا ہے۔٭یہ بھی معلوم ہوا کہ اگرکوئی کام ایسا ہے جواللّٰہ پاک کابھی ہو،مَلائکہ بھی کرتے ہوں اور مسلمانوں کو بھی اُسکا حُکم دیا گیا ہوتو وہ صِرف اورصرف آقائے دوجہانصَلَّی اللہُ عَلَیْہِ وَاٰلِہٖ وَسَلَّمپردُرُودبھیجنا ہے۔ 

مومنو پڑھتے  نہیں کیوں اپنے آقا پر دُرُود                    ہے فِرشتوں کا وظیفہ اَلصَّلٰوۃُ وَالسَّلَام

(قبالۂ بخشش، ص۹۴)

صَلُّوْا عَلَی الْحَبِیْب!                            صَلَّی اللّٰہُ عَلٰی مُحَمَّد

پیارے پیارے اسلامی بھائیو!آئیے! اللہ پاک کی رضا پانے اورثواب کمانے کے لئے پہلے اَچّھی اَچّھی نیّتیں کرلیں۔فَرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘ مُسَلمان کی نِیَّت اُس کے عمل سے بہتر ہے۔(معجم الکبیر ،۶ / ۱۸۵ ،حدیث:۵۹۴۲)

مسئلہ: نیک اور جائز کام  میں جِتنی اَچّھی نیّتیں زِیادہ،اُتنا ثواب بھی زِیادہ۔