جب پردہ ڈالے۔

            ان آیات میں چاشت اور رات کی تاریکی سےکیا مراد ہے،اس بارے میں مفسرین  اورعلمائے کرام کے مختلف اقوال ہیں۔

  حضرت سَیِّدنا  امام فخر الدین رازی  رَحْمَۃُ اللہِ عَلَیْہ"تفسیرِ کبیر" میں فرماتے ہیں:  ’’وَالضُّحٰی‘‘سےمراد ہے مُصطَفٰے عَلَیْہِ الصَّلٰوۃُ وَالسَّلَام  کے روشن چہرے کی قسم اور ”وَالَّیْل“ سے مراد ہے آپ عَلَیْہِ السَّلَامکی سیاہ زلفوں کی قسم۔  (تفسیر کبیر، ۱۱/۱۹۱ماخوذاً)  

صَلُّو ْا عَلَی الْحَبِیْب!                                           صَلَّی اللہُ عَلٰی مُحَمَّد

        پیارے پیارے اسلامی بھائیو!غورکیجیے!اللہ  پاک نےکیسے پیارےانداز میں اپنے پیارےمحبوب صَلَّی اللہُ عَلَیْہِ وَاٰلِہٖ وَسَلَّم کےروشن چہرےاورخوبصورت زُلفوں کی قسم بیان فرمائی،صرف یہی نہیں بلکہ اللہ پاک نے قرآنِ کریم میں اپنے محبوب صَلَّی اللّٰہُ عَلَیْہِ واٰلِہٖ وَسَلَّمَ کی اداؤں اور آپ سے تعلق  رکھنے والی مختلف چیزوں کی قسم بھی یاد فرمائی ہے۔آئیے! ملاحظہ کیجئے۔

       اللہ پاک نے اپنے محبوبِِ کریم،صاحبِ خُلقِ عظیمصَلَّی اللّٰہُ عَلَیْہِ واٰلِہٖ وَسَلَّمَ کی مُبَارَک گفتگو کی قسم یاد فرماتے ہوئے ارشادفرمایا: وَ قِیْلِهٖ یٰرَبِّ اِنَّ هٰۤؤُلَآءِ قَوْمٌ لَّا یُؤْمِنُوْنَۘ(۸۸) (پ۲۵،الزخرف:۸۸)

تَرْجَمَۂ کنز الایمان:مجھے رسول کے اس کہنے کی قسم کہ اے میرے ربّ یہ لوگ ایمان نہیں لاتے۔         

               اللہ پاک نے اپنے محبوبِِ کریم صَلَّی اللّٰہُ عَلَیْہِ واٰلِہٖ وَسَلَّمَ کی مبارک عمر کی قسم یاد فرماتے ہوئے ارشاد فرمایا:( لَعَمْرُكَ اِنَّهُمْ لَفِیْ سَكْرَتِهِمْ یَعْمَهُوْنَ(۷۲) (پ۱۴،الحجر:۷۲)تَرْجَمَۂ کنز الایمان :اے محبوب تمہاری جان کی قسم بے شک وہ اپنے نشہ  میں بھٹک رہے ہیں۔ )

اللہ كريم نے اپنے محبوبِِ کریم صَلَّی اللّٰہُ عَلَیْہِ واٰلِہٖ وَسَلَّمَ کے مقدس شہر کی قسم یاد فرمائی اور ارشاد