فرمایا:’’اَفَلَا اَكُوْنُ عَبْدًا شَكُوْرَا‘‘کیامیںاللہ پاک کا شکرگزار بندہ بننا پسند نہ کروں۔(مسلم ،  کتاب صفۃ القیامۃ    الخ، باب اکثار الاعمال    الخ، ص ۱۱۶۰، حدیث:۷۱۲۶)

روتا ہے جو راتوں کو اُمّت کی محبّت میں                            وہ شافعِ محشر ہے سردار مدینے کا

راتوں کو جو روتا ہے اور خاک پہ سوتا ہے                          غم خوار ہے، سادہ ہے مختار مدینے کا

(وسائل بخشش مرمم،ص۱۸۰)

صَلُّو ْا عَلَی الْحَبِیْب!                                                                                               صَلَّی اللہُ عَلٰی مُحَمَّد

       پىاری پىاری اسلامى بہنو! یہی حال رسولِ پاک صَلَّی اللّٰہُ عَلَیْہِ واٰلِہٖ وَسَلَّمَ کے صحابہ  کا تھا۔ وہ حضرات پکے جنتی ہونے کے باوجود خوفِ خدا سے معمور ہوتے، ہر وقت عبادت میں مگن  رہتے، نیکی کرنے کا کوئی بھی موقع ہاتھ سے جانے نہ دیتے۔ انہی حضرات میں سے ایک اَمِیْرُالمؤمنین حَضرتِ سَیِّدُنا مولیٰ علی کَرَّمَ اللہُ وَجْہَہُ الْکَرِیْم  بھی ہیں ۔ ان کے بارے میں آتا ہے کہ جب یہ بیت المال کی صفائی کر اتے ، پھر اس میں اِس امید پرنماز ادا فرماتے کہ بروزِ قیامت وہ جگہ جہاں نفل پڑھے ان کے حق میں گواہی دے۔“(الاستیعاب فی معرفۃ الاصحاب ، الرقم۱۸۷۵علی بن ابی طالب ،  ۳/ ۲۱۱،  بتغیرٍ)

صَلُّو ْا عَلَی الْحَبِیْب!                                                                                               صَلَّی اللہُ عَلٰی مُحَمَّد

تذکرۂ شیرِ خدا

      پىاری پىاری اسلامى بہنو! غور کیجئے! حضرت مولیٰ علی کَرَّمَ اللہُ وَجْہَہُ الْکَرِیْم کیسے خوفِ خدا رکھنے والے بزرگ تھے کہ بیت المال میں اس لیے نفل پڑھتے تاکہ یہ بروزِ قیامت ان کے حق میں گواہی دے۔ اللہ پاک ہمیں بھی ان جیسی سوچ اور تقویٰ نصیب فرمائے۔ اسی ماہ یعنی رمضان المبارک