مسجد میں  درس دینے والے  بن گئے۔اَلْحَمْدُ لِلّٰہ عَزَّ  وَجَلَّ اب وہ اسلامی بھائی   فلمیں  ڈرامے،گانے باجے، بدنگاہی وغیرہ گناہوں  کو چھوڑچکے ہیں اور اپنے گھر والوں  پر بھی انفرادی کوشش کرتے ہوئے انہیں بھی نمازی بنانے کی کوشش کر رہے ہیں ۔

اگر سُنّتیں سیکھنے کا ہے جذبہ                                                     تم آجاؤ دیگا سِکھا مدنی ماحول

بُری صحبتوں سے کَنارہ کَشی کر                                             کے اچھوں کے پاس آ کے پا مدنی ماحول

سَنور جائے گی آخرت اِنْ شَآءَ اللہ                                     تم اپنائے رکھو سَدا مدنی ماحول

گر آئے شرابی مٹے ہر خرابی                                               چڑھائے گا ایسا نشہ مدنی ماحول

دعا ہے یہ تجھ سے دل ایسا لگا دے                                       نہ چُھوٹے کبھی بھی خدا مدنی ماحول

گنہگارو آؤ، سِیَہ کارو آؤ                                                     گُناہوں کو دیگا چُھڑا مَدَنی ماحول

(وسائلِ بخشش مرمم،ص۶۴۶تا۶۴۸)

صَلُّوْا عَلَی الْحَبِیْب!                              صَلَّی اللّٰہُ تَعَالٰی عَلٰی مُحَمَّد

       میٹھےمیٹھےاسلامی بھائیو!حُسن و جمال اورخوبی وکمال میں حضورنبی آخرُالزّمان،رحمتِ عالمیان  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کاکوئی ثانی نہیں۔محدثینِ کرام  نے اپنے اپنے انداز سے آپصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے اعضائے شریفہ کےحُسن و جمال کوبیان کیا ہے۔ لیکن رَسُوْلُ اللہصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کےحُسن وجَمال اور اَوصاف و کمال کوکماحقہٗ بیان کرنا ہمارے بس کی بات نہیں،  مگراپنے دلوں میں  آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کاعشق بڑھانےاورآپ کےذکرِ خیر سے برکت (Blessing) پانے کیلئے آپ عَلَیْہِ الصَّلٰوۃُ وَالسَّلام کے چند اَعضائے شریفہ کےحُسن و جمال  کا تَذکرہ سُن کر اپنا نام ذکرِ مصطفےٰ کرنے والوں  کی فہرست میں تولکھوا سکتےہیں۔مثلاًآپ کا چہرہ ٔ انورکیساتھا ،آپ کی مبارک  آنکھیں کیسی تھیں ؟آپ کی پیشانی،آپ کے کان مبارک کیسے تھے،آپ کے رُخسار کیسے خوبصورت تھے ۔ آئیے! سب سے پہلے چہرۂ انور کے نورانی جلووں کی جھلک   ملاحظہ کرتے ہیں ۔