اورانہیں بُرے کاموں میں استعمال ہونے سے بچاکر رَبّ تَعَالٰی کے شکر گزار بندوں میں شامل ہوجائیں۔ یقیناً یہ سب اسی صورت میں ممکن ہے کہ جب ہم صحیح معنیٰ میں نعمتوں کی قدر کرنے والے بن جائیں گے۔تو نعمتوں کی  قدر کا جذبہ بڑھانے اور شکرکے فضائل وفوائد سے فیضیاب ہونےکے لئے مکتبۃُ المدینہ کی مطبوعہ کتاب”شکر کے فضائل“ کامُطالعہ کرنا نہایت مفیدہے۔اَلْحَمْدُ لِلّٰہعَزَّ  وَجَلَّاس کتاب میں بُزرگوں کے اندازِ شکر،اَدائے شکر کے طریقے،شکر گزاروں کی حکایات،نعمت میں اضافے کے اسباب،مختلف دعائیں،شکر ادا کرنےکے فضائل اور نہ کرنے کی وعیدیں اور اس کے علاوہ کئی ایمان افروز مدنی پھول شکر بجالانے کی ترغیب دلارہے ہیں،لہٰذا آج ہی اِس انمول کتاب کو مکتبۃُ المدینہ کے بستے سے ھَدِیَّۃً طَلَب فرما کر خُود بھی اِس کا مُطالَعہ فرمائیے اور دوسروں کو بھی پڑھنے کی ترغیب دِلائیے۔ دعوتِ اسلامی کی ويب سائٹ www.dawateislami.net سے اِس کتاب کو پڑھاجاسکتا ہے جبکہ ڈاؤن لوڈ(Download)اور پرنٹ آؤٹ(Print Out)بھی کِیا جا سکتا ہے۔

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو!بِلا شُبہ ہمارے بزرگوں کی پاکیزہ زندگیاں ہمارے لئے مشعلِ راہ ہیں، ناشکری کا لفظ تو گویا ان کی ڈکشنری میں کبھی شامل ہی نہیں ہوا کیونکہ یہ حضرات نعمتوں کے حقیقی معنیٰ میں قدر دان(Appreciators)تھے،یہ اللہ والے خدائے حنان و منان عَزَّ  وَجَلَّ کی عطا کردہ نعمتوں کو یاد رکھنے اور ان  کا شکر بجالانے سےکبھی غافل نہیں ہوتے  ،ان حضرات کا اندازِ شکر اتنا حسین تھا کہ  جب کھاتے پیتے،لباس پہنتے  یا کوئی بھی کام کرتے تو ربِّ کائنات عَزَّ  وَجَلَّکی نعمتوں کا چرچا کرتے بسا اوقات تو اپنے پروردگارعَزَّ  وَجَلَّ کے  احسانات کو شمار کرتے کرتے ان کی  راتیں کٹ جاتیں حتّٰی کہ یہ سلسلہ صبح تک  یونہی جاری رہتا۔آئیے! بطورِ ترغیب چند بزرگوں کا اندازِ شکر ملاحظہ کیجئے اور اللہ عَزَّ  وَجَلَّ  کی نعمتوں پراس کا شکر  بجالانےکی عادت بنائیے،چنانچہ