صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

سُوال: عشق بازی سے پیچھا چُھڑانے کیلئے کوئی وظیفہ بھی بتا دیجئے۔

جواب:گزشتہ سُوال کے جواب کی ابتداءمیں جو مَدَنی پھول پیش کئے اِس کے ساتھ ساتھ بے شک قراٰنی آیات پر مشتمل یہ ” عمل“ بھی کر لیا جائے:

بِسْمِ اللّٰهِ الرَّحْمٰنِ الرَّحِیْمِ0 لَّاۤ اِلٰهَ اِلَّاۤ اَنْتَ سُبْحٰنَكَ ﳓ اِنِّیْ كُنْتُ مِنَ الظّٰلِمِیْنَۚۖ(۸۷) اَللّٰهُ نُوْرُ السَّمٰوٰتِ وَ الْاَرْضِؕ- لَا تَاْخُذُهٗ سِنَةٌ وَّ لَا نَوْمٌؕ-

 باوضو تین،3بارپڑھ کر(اوّل وآخرایک بار دُرُود شریف )پانی پر دم کر کے پی لے۔یہ عمل 40 دن تک کرے۔

اوراد  و  وظائف:

میٹھے میٹھے اسلامی بھائیو!نفس کی بُری خواہشات سے چھٹکارا،نفسِ امّارہ کی قید سے رِہائی  اورگناہوں سے مغفرت پانے کے لیے وقتاًفوقتاً اِن اَوْراد کی برکتیں حاصل کرتے رہئے، چنانچہ

·      جوکوئی اس اسمائے مبارکہ"یَاغَفَّارُ" کو ہمیشہ پڑھا کرے گا،اِنْ شَاءَللہعَزَّ  وَجَلَّ نفس کی بُری خواہشات سے چھٹکارا پائے گا۔(مدنی پنج سورہ،ص248)

·      جوکوئی نفسِ اَمّارہ کے ہاتھ گرفتارہو تو ہرروز"یَاخَبِیرُ"کاوظیفہ کر لیاکرے،اِنْ شَاءَللہعَزَّ  وَجَلَّ نجات پائے گا۔(مدنی پنج سورہ،ص250)

·       جس کے گناہ بہت ہوں،وہ اِس اِسمِ پاک "یَاعَفُوُّ"کی کثرت کرے،اللہتَعالیٰ اپنے فضل سے اس کے تمام گُناہ بخش دے گا۔(مدنی پنج سورہ،ص257)