اخراجات وغیرہ،قرآنِ کریم(حفظ وناظرہ) کی تعلیم میں مدد کرتے ہیں ،مسجد کے اِنتظامی اَخْراجات مثلاًبجلی اورسُوئی گیس کے بِل وغیرہ کی اَدائیگی کرتے یا اُس میں حصّہ لیتے ہیں۔دینِ اِسلام کی تروِیج و اِشاعت ،سُنَّتوں کے اِحیاء ،نیکی کی دعوت کو عام کرنے کیلئے خرچ کرتے ہیں۔ مثلاً مدنی قافلوں میں سفر کرنے والے غریب اسلامی بھائیوں کو زادِ سفر دے کر، سُنَّتوں بھرا دَرس دینے کی آرزُو رکھنے والے غریب اسلامی بھائیوں کو’’فیضانِ سُنَّت‘‘دِلا کر،اپنی دُکان، مارکیٹ،مسجد، محلّے،دَفْتر،کالج وغیرہ میں شیخِ طریقت،امیرِ اَہلسُنَّت دَامَتْ بَـرَکاتُہُمُ الْعَالِیَہ کےاِصلاحی رسائل یا،بیانات کی کیسٹیں (آڈیو،ویڈیو) تقسیم کر کے اپنی رقم راہِ خُدا میں خرچ کرتے ہیں،اللہتبارک وتعالیٰ اُس کے مال کو بڑھائے گااور اُس کا ثواب 700 گُنا تک بڑھائے گا اور اِسی پر بس نہیں، بلکہ ارشادفرمایا جاتا ہے۔ وَ اللّٰهُ یُضٰعِفُ لِمَنْ یَّشَآءُؕ-تَرْجَمَۂ کنز الایمان: اوراللہ اس سے بھی زیادہ بڑھائے جس کے لیے چاہے۔

آئیے! ترغیب کیلئے نبیِ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے جُود وعَطا کے مزید واقعات سُنتے ہیں تاکہ ہمیں بھی دِین کی تَرویج واِشاعت،مَساجدو مَدارس کی خدمت،مُسلمانوں کی مالی مدد اور راہِ خدا میں خرچ کرنے کی رغبت ہو۔چنانچہ

پیارے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے سخاوت کے واقعات 

غزوۂ حُنین میں نبیِ کریم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ نےاس قدرکثرت سے سَخاوت فرمائی جس کا اَندازہ نہیں لگایاجاسکتا۔آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ نے اَعراب (دیہات میں رہنے والوں ) میں بہت سوں کو سو سو(,100100) اُونٹ عطا فرمائے۔(بخاری،۳/۱۱۸،حدیث:۴۳۳۷)

حضرت صفوان بن اُمَیّہ رَضِیَ اللّٰہُ تَعَالٰی عَنْہُ نے(اسلام لانے سے پہلے غزوۂ حُنین کے موقع پر)بکریوں کا سُوال کیا،جن سے دوپہاڑ وں کا درمیانی جنگل بھراہوا تھا،آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ نے وہ سب ان