بے ساختہ جُھوم جُھوم کر پڑھتے ہیں اور اُن پر ایک عجیب رِقّت طاری ہوجاتی ہے۔

اعلیٰ حضرترَحْمَۃُ اللّٰہ ِتَعَالٰی عَلَیْہ  نے اس سلام میں آقا و مولیٰ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَ کے دیگر فضائل و کمالات کے ساتھ ساتھ،آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمَکے مختلف اَعضائے مُبارکہ کی شان و شوکت بھی بہت عُمدہ انداز میں بیان فرمائی ہے۔جیسے دھوپ اورچاندنی میں سرکارصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے جسمِ اقدس کا سایہ نہیں تھا،آپ کے تاجِ نُبُوّت  کی یہ شان تھی  کہ بڑے بڑے سردار بھی  بارگاہ ِ رسالت میں سرجھکاتے ،آپ کے گوشِ مبارک  ایسے کہ   مِیلوں دُور کی آواز بھی سن لیا کرتے ، چشمانِ مبارک حَیا سے جھکی رہتیں ،مُبارک زبان ایسی  کہ جو کہہ دیا، ہوکر رہا۔ آپ کی حکومت  دونوں جہانوں  میں نافذ ہے ،آپ کی بارگاہ میں کوئی  غمزدہ یا پریشان حال حاضر ہوتا تو چہرہ انور کی مسکراہٹ کو دیکھ کر سب غم بھول جاتا،آپ کے مبارک  گلے سے دودھ اور شہد جیسی میٹھی خوبصورت آواز نکلتی۔ آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی سادگی  وقناعت کا یہ عالم تھا کہ  مالکِ کائنات ہونے کے باوجودانتہائی سادہ غذا  تناول فرماتے۔ آئیے! اس ضمن میں سلامِ رضا کے چند اَشْعار سُنئے اور عشق و محبت میں جُھومئے:

قَدِّ بے سایہ کے سایۂ مَرحمت                ظِلِّ مَمدُودِ رافَت پہ لاکھوں سلام

جس کے آگے سرِ سَرْوَراں خَم رہیں            اُس سرِ تاجِ رِفْعَت پہ لاکھوں سلام

لَیْلَۃُ الْقَدْر میں مَطْلَعِ الْفَجْر حق             مانگ کی اِستِقامت پہ لاکھوں سلام

دُور و نزدیک کے سُننے والے وہ کان            کانِ لَعلِ کَرامت پہ لاکھوں سلام

جن کے سجدے کو محرابِ کعبہ جُھکی           اُن بھَووں کی لَطافَت پہ لاکھوں سلام

نیچی آنکھوں کی شَرْم و حَیا پر دُرود              اُونچی بِینی کی رِفْعَت پہ لاکھوں سلام

وہ زباں جس کو سب کُن کی کُنْجی کہیں          اُس کی نافِذ حُکومت پہ لاکھوں سلام

جس کی تسکیں سے روتے ہوئے ہنس پڑیں      اُس تَبَسُّم کی عادت پہ لاکھوں سلام