Meraj kay Jannati Mushahidat

Al Quran Books Madani Channel

Magazine Courses Media

اپنے نیک بندوں کے لئے ایسے ایسے اِنْعَامات تیار کر رکھے ہیں جنہیں کسی آنکھ نے دیکھا نہ کسی کان نے سُنا اور نہ کسی انسان کے دِل میں اس کا خَیَال گزرا۔⁽¹⁾

جنت کا انوکھا پھل!

میٹھے میٹھے اسلامی بھائیو!جنّت کی ان نعمتوں سے لُطف اُٹھانے کا ایک طریقہ یہ بھی ہے کہ ہم دیگر فرائض وواجبات کے ساتھ ساتھ مالکِ کوثر و جنّت،محبوبِ ربُّ العزتصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی ذاتِ طیِّبہ پر دُرُودِ پاک پڑھنے کی بھی عادت بنائیں اَمِیرُالْمُؤمِنِین حضرتِ مولائے کائنات، علیُّ المُرتَضٰی شیرِ خداکَرَّمَ اللّٰہُ تَعَالٰی وَجْہَہُ الْکَرِیْمسے رِوایت ہے کہ اللہ عَزَّ وَجَلَّ نے جَنَّت میں ایک دَرخت پیدا فرمایا ہے جس کا پَھل سیب سے بڑا، اَنار سے چھوٹا،مَکھن سے نرم ، شہد سے بھی میٹھااورمُشک سے زِیادہ خُوشْبُودار ہے۔ اس دَرخت کی شاخیں تر موتیوں کی، تنے سونے کے اور پَتے زَبَرجَد کے ہیں ۔لَا یَاْکُلُ مِنْہَا اِلَّا مَنْ اَکْثَرَ مِنَ الصَّلَاۃِ عَلٰی مُحَمَّدٍاس دَرخت کا پَھل صِرف وہی کھا سکے گاجومحمدصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ پر کثرت سے دُرُودِپاک پڑھے گا۔ (الحاوی للفتاوٰی للسیوطی، ۲/۴۸) دُرُودِپاک ایسی پیاری عبادت ہےکہ بروزِمحشر سخت گرمی کے عالَم میں محبوبِ رَبِّ اکبر،شافعِ محشر صَلَّی اللّٰہُ تَعَالٰی عَلَیْہِ واٰلِہٖ وَسَلَّمَدُرُودِپاک کی کثرت کرنے والےخُوش نصیبوں کوحوضِ کوثر پرپہچان لیں گے۔

فرمانِ مصطفےٰصَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ہے:حوضِ کوثر پرکچھ لوگ آئیں گے جنہیں میں کثرتِ دُرُود کے سبب پہچان لوں گا۔‘‘(القول البدیع،الباب الثانی فی ثواب الصلاۃ …الخ،ص ۲۶۴)

یا الٰہی جب پڑے محشر میں شورِ دارو گیر		اَمْن دینے والے پیارے پیشوا کا ساتھ ہو
یا الٰہی جب زبانیں باہر آئیں پیاس سے		صاحبِ کوثر شہِ جُود و عطا کا ساتھ ہو
یا الٰہی سرد مُہری پر ہو جب خورشیدِ حشر		سیّدِ بے سایہ کے ظِلّ لوِا کا ساتھ ہو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

1...دلائل النبوة للبيهقى، جماع ابواب المبعث، باب الدليل...بالافق الاعلٰى، ٢/٣٩٤ملتقطاً

Important

Mobile Apps

Contact Us