Bad shuguni haram hay

Al Quran Books Madani Channel

Magazine Courses Media

اور نیک شُگُون لینا شرعاً مستحب ہے۔ تو برے شُگُون سے بچنے کیلئے نیک شُگُون لینے کی عادت بنائی جائے۔ مگر بدقسمتی سے نیک شُگُون کے بارے میں معلومات نہ ہونے کے سبب بہت سے وہ طریقے جن سے فال لیاجاتا ہے ناجائز ہونے کےباوجود لوگ انہیں جائز سمجھتے ہیں۔ جیسا کہ قرآن مجید کا کوئی بھی صفحہ کھول کر سب سے پہلی آیت کے ترجمے سے اپنے کام کے بارے میں خودساختہ مفہوم اَخذکرلینا ۔

قرآنی فال نکالنا ناجائز ہے

اس طرح فال نکالنا ناجائز ہے۔حدیقۂ ندیہ میں ہے :قرآنی فال اور اس طرح کی دیگر فال جو فی زمانہ نکالی جاتی ہیں نیک فالی میں نہیں آتیں۔ یہ ناجائز ہیں ۔ (حدیقہ ندیہ شرح طریقہ محمدیہ ، ۲/۲۶ملخصًا)جبکہ بریقۂ محمودیہ میں ہے : قرآن پاک سے بَدشُگُونی لینا مکروہِ تحریمی ہے۔(بریقہ محمودیہ شرح طریقہ محمدیہ، باب الخامس والعشرون ، ۲/ ۳۸۶)

نیک شُگُون مراد لینے کے جائز طریقوں میں سے ایک طریقہ استخارہ بھی ہے۔اوریہ ایسا عمل ہے کہ اس کی ترغیب احادیثِ مبارکہ میں بھی وارد ہوئی ہے۔ چنانچہ حضرتِ سیِّدُنا جابر بن عبداﷲرَضِیَ اللہُ تَعَالٰی عَنْہُمَاسے روایت ہے کہ رسولِ اکرم، نُورِ مُجَسَّمصَلَّی اللہُ تَعَالٰی عَلَیْہِ وَاٰلِہٖ وَسَلَّمہمیں تمام اُمور میں استخارہ تعلیم فرماتے جیسے قرآن کی سُورت تعلیم فرماتے تھے۔ (بُخارِی،کتاب التہجد،باب ما جاء فی التطوع مثنی مثنی،۱/۳۹۳،حدیث۱۱۶۲)

مفسر ِ شہیر ،حکیم الامت ،مفتی احمدیار خان عَلَیْہِ رَحمَۃُ الْحَنَّان اس حدیث پاک کے تحت فرماتے ہیں : یعنی نماز استخارہ ایسے اہتمام سے سکھاتے تھے جیسے قرآن مجید کی سورت۔ اِستخارہ کے معنی ہیں خیر مانگنا یا کسی سے بھلائی کا مشورہ کرنا،چونکہ اس (استخارہ کی ) دُعا و نماز میں بندہ اللہعَزَّ وَجَلَّ سے گویا مشورہ کرتا ہے کہ فلاں کام کروں یا نہ کروں اسی لئے اسے اِستخارہ کہتے ہیں۔(مراٰۃ المناجیح، ۲ / ۳۰۱ )

یا د رکھئیے ! استخارہ کے کچھ آداب ہیں جن کو پیش ِ نظر رکھنا ضروری ہے۔

Important

Mobile Apps

Contact Us