- Home
- Al Madina Library
- Nisab-ul-Mantiq
- Page 54
30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Nisab-ul-Mantiq | نصاب المنطق
یہاں زید پر چوری کا حکم ’’ظنِ غالب‘‘ کی وجہ سے لگایاگیا ہے یقین کی وجہ سے نہیں ۔
وہ قضایا کہ جن کی وجہ سے ذہن میں رغبت یا نفرت پیدا ہوتی ہو ۔ جیسے : اَلْعَسَلُ حُلْوَۃٌ (شہد میٹھا ہے ) ۔
وہ قضایا جن میں محض صورۃً مشابہت کی بناء پر حکم لگایا جاتاہے ۔ جیسے : گھوڑے کی تصویر دیکھ کر کہا ھٰذَا فَرَسٌ ۔
وہ جھوٹے قضیے جس میں وہم ، غیر محسوس کو محسوس قیاس کرنے لگے ۔ جیسے : اَلْعَقْلُ مُشَارٌاِلَیْہٖ ۔
٭٭٭٭٭
اس سے مراد وہ آٹھ چیزیں ہیں جن کو متقدمین اپنی کتابوں کے شروع میں کسی علم کو مکمل طور پر سمجھنے اور طلباء میں شوق ورغبت بڑھانے کیلئے ذکر کرتے ہیں ۔
(۱)…غرض علم : یعنی علت غائیہ : تاکہ بے کار چیز کو حاصل کرنا لازم نہ آئے ۔
(۲)…منفعت علم : تاکہ علم کے حصو ل میں مشقتوں کا برداشت کرنا سہل ہوجائے ۔
(۳)…وجہ تسمیہ : یعنی اس علم کا نام رکھنے کی وجہ مثلایہ بیان کرنا کہ علم منطق کو منطق کیوں کہاجاتاہے یا نحو کو نحو کیوں کہا جاتاہے ۔
(۴)…مؤلف : یعنی کسی کتاب کی ابتداء میں اس کتاب کے مؤلف کاذکر کرنا تاکہ طالب علم اس کی شان و عظمت کی وجہ سے مطمئن ہوجائے ۔
(۵)…مرتبہ علم : تاکہ معلوم ہوجائے کہ اس علم کو کس علم سے پہلے اور کس علم کے بعد پڑھا جائے ۔
(۶)…جنس علم : یعنی یہ علم علوم عقلیہ میں سے ہے یا نقلیہ میں سے ، اصول سے ہے یا فروع سے ، تاکہ طالب علم وہی مسائل اس علم میں طلب کرے جو اس علم کے لائق ہے ۔
(۷)…ابواب کتاب یا ابواب علم : یعنی کسی علم میں کتاب کی تقسیم اور ابواب بندی ۔
(۸)…تعلیم کے طریقے : یہ تقسیم، تحلیل، تحدیداور برہان کا نام ہیں ، تاکہ طالب علم جان سکے کہ کتاب ان طریقوں پر مشتمل ہے یا بعض طریقوں پر ۔
تـــــــــــــــمـــــــــــــــتـــــــــــــــ
{المدینۃ العلمیۃ کی کتابیں } (شعبہ درسی کتب)
