30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 19 | فتاوی رضویہ جلد ۱۹
اور کسی اسامی کو اس میں کچھ عذر بھی نہیں ہوتا،(۳)اور گھاس بھی گاؤں کی زمیندار فروخت کرتاہے،اس کو بھی اپنا مملوکہ سمجھ رہا ہے،اور رواج بھی ہے،اس میں بھی کسی دوسرے گاؤں وغیرہ کی رعایا کو کچھ عذر نہیں ہوتا ہے بلکہ وہ خود خرید لیتے ہیں یہ درست ہے یا نہیں؟ بینوا توجروا
الجواب:
اللہم ھدایۃ الحق والصواب۔یہ سوال تین مسئلوں پر شامل ہے:
مسئلہ اولٰی: زمینداروں کا اپنے دیہات کے تالابوں سے مچھلیاں نصف پر صیدکرانا۔
اقول:وباﷲ التوفیق اس کے جواب میں اول تنقیح اس امر کی ضرور ہے کہ آیا وہ مچھلیاں زمینداروں کی مملوك ہیں یا نہیں، اس بارے میں حکم شرع یہ ہے کہ اگر زمینداروں نے وہ تالاب اس غرض کے لئے مہیا کئے ہیں کہ برسات کے پانی جو ندیوں سے مچھلیاں بہا کر لائیں ان میں فراہم ہو کر ہمارے ملك میں آئیں تو بلاشبہ جو مچھلیاں ان میں جمع ہوں گی ان زمینداروں کی ملك خاص ہوں گی،اور اگر تالاب اس لئے مہیا نہ کئے مگر جب پانی بہا کر لایا انھوں نے ان کی روك کرلی،کوئی مینڈھا وغیرہ ایسا باندھ دیا کہ اب مچھلیاں بہاؤمیں نہ نکل جائیں تو بھی وہ مچھلیوں کے مالك ہوگئے،ان دونوں صورتوں میں کسی کو بلااذن زمینداران ان مچھلیوں کا پکڑنا اور اپنے تصرف میں لاناجائز نہیں یہاں تك کہ اگر کوئی صید کرے تو زمیندار کہ شرعًا اس کا مالك ہے ایك ایك مچھلی اس سے واپس لے سکتاہے اور اگر ان صورتوں سے کچھ نہ تھا،نہ تالاب انھوں نے اس غرض کے لئے مہیا کئے نہ بعد مچھلیاں آنے کے ان کی روك کی،تو البتہ وہ مچھلیاں اپنی اباحت اصلیہ پر باقی ہیں کہ انھیں جو پکڑے گا مالك ہوجائے گا،اور زمیندار کو اس سے واپس لینا جائز نہ ہوگا کہ وہ کسی خاص شخص کی ملك نہیں،ردالمحتار وفتح القدیر وغیرہما میں ہے:
|
اذا دخل السمك فی خطیرۃ فاما ان یعدھا لذلك اولا ففی الاول یملکہ ولیس لاحد اخذہ ثم ان امکن اخذہ بلاحیلۃ جازبیعہ لانہ مملوك مقدور التسلیم والا لم یجز لعدم القدرۃ علی التسلیم،و |
جب مچھلی تالاب میں آجائے تو اگر جال اسی غرض سے لگایا گیا تھا تو مچھلی کا مالك ہوجائے گا،اس موقعہ پر دوسرے کو وہ مچھلی پکڑنے کا حق نہیں پھر اس حال میں وہ تالاب میں آئی مچھلی کوحیلہ سازی کے بغیر پکڑ سکتاہے،تو اس حالت میں اس مچھلی کو فروخت کرسکتاہے کیونکہ وہ اس کی ملك ہوچکی ہے جس پرقبضہ دینا ممکن نہیں ہے اور اگر حیلہ |
کتاب کا موضوع
کتاب کا موضوع
- اجمالی فہرست
- پیش لفظ
- انیسویں جلد
- فہرست مضامین مفصّل
- کتاب الوکالۃ (وکالت کا بیان)
- کتاب الاقرار
- (اقرار کا بیان)
- کتاب الصلحِ(صلح کا بیان)
- کتاب المضاربۃ
- (مضاربت کا بیان)
- کتاب الامانات
- (امانت کا بیان)
- کتاب العاریۃ
- (عاریت کا بیان)
- (ہبہ کا بیان)
- کتاب الھبۃ
- فتح الملیكفی حکم التملیك ۱۳۰۸ھ
- (بادشاہ کا اظہار تملیك کےحکم میں)
- کتابُ الاجارۃ
- (اجارہ کا بیان)
- اجود القرٰی لطالب الصحۃفی اجارۃ القرٰی۱۳۰۲ھ
- (دیہات کے ٹھیکہ کی صحت کے طلبگار کے لئے بہترین مہمانی)
- کتاب المنٰیوالدررلمن عمدمنی اٰرڈر۱۳۱۱ھ
- (خواہشات اورموتیوں کی فراہمی اس کےلئے جس نے منی آرڈر کا قصد کیا)
- کتاب الاکراہ
- (اکراہ کا بیان)
- کتاب الحجر
- (حجر کا بیان)
- کتاب الغصب
- (غصب کا بیان)
