30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 19 | فتاوی رضویہ جلد ۱۹
مسئلہ ۷۹: از جالندھرمحلہ راستہ مرسلہ منشی محمد احمد صاحب ۲۵ ربیع الآخر شریف ۱۳۱۶ھ
کیا فرماتے ہیں علمائے دین ومفتیان شرع متین کہ ایك شخص ملازم جب عرصہ سہ سال میں مرشد سے سلوك باطنی نقشبندیہ مجددیہ طے کرچکا تو ایك روز مرشد نے اس سے کہا کہ جناب رسول مقبول صلی اﷲ تعالٰی علیہ وسلم سے حکم ہوا کہ اس سے کوئی ایسی چیز اﷲ واسطے خرچ کرائی جائے کہ جو اس کے دل کو چبھے،صبح کو مرشد نے اس ارشاد عالی کے بموجب اس سے کہا کہ تو ایك تنخواہ وغیرہ اﷲ واسطے خرچ کر،وہ مرید گھر میں جاکر ایك زیور طلائی لے آیا جس کی قیمت مبلغ(معہ ۸/)تھی اور اس کی تنخواہ مبلغ(صہ سہ)روپیہ تھی اس نے مرشد سے کہا میں آپ کو یہ زیور اﷲ واسطے دیتاہوں آپ منظور فرمالیں،تو مرشد نے کہا ایك تنخواہ کاحکم ہوا ہے زیو ر کا نہیں،اس نے کہا اگر میں اس کو بازار میں فروخت کروں تو مجھ کو شرم آتی ہے اب میں لاچکا ہوں آپ اﷲ واسطے یہی قبول فرمالیں،مرشد نے وہ زیور بدیں اصرار منظور کرلیا اور وہ زیور مرشد نے اپنے گھر کے خرچ میں صرف کرلیا اور اس میں سے کچھ اﷲ واسطے خرچ نہ کیا،کچھ عرصہ کے بعد اس کو دستار خلافت بھی دے دی گئی،تھوڑی مدت کے بعد اس نے مرشد سے کہا کہ مجھ کو یقین نہیں ہے کہ جناب رسول مقبول صلی اﷲ تعالٰی علیہ وسلم نے ایسا فرمایا ہو اور نیز آپ نے اُس میں سے کچھ اﷲ واسطے خیرات نہیں کی اس واسطے میرا اعتقاد آپ سے فسخ ہوگیا ہے میرا زیور وہ آپ واپس کردو،اس پر مرشد نے اس کے بدلے زیور دوسرا سیم و طلائی گھر سے اس کو دے دیا اور مرید نے یہ عبارت ایك پرچہ کاغذ پر اپنے قلم سے لکھ دی جو کہ میں نے پیر کو یہ زیور اﷲ واسطے دیا تھا مجھ کو اس کے دینے کی برداشت نہیں ہوئی اب میں نے ان سے واپس لے لیا اور اس بزرگ نے اس کو عاق بھی کردیا ہے۔
(۱)آیا اب یہ مرید عاق ہوا بھی یا نہیں،اور بصورت عقوق اس پر کوئی تنبیہ شرعی وارد ہوتی ہے یانہیں؟
(۲)اﷲ واسطے وہ زیور دے کر واپس لینا درست ہے یانہیں؟
(۳)اگر وہ زیور ایك جگہ اﷲ واسطے دے کر پھر وہاں سے واپس لے کر دوسری جگہ اﷲ واسطے یا اپنے گھر میں صرف کرسکتاہے یانہیں،اگر کرسکتاہے تو پہلے سے واپس کرنے کے گناہ سے بَری ہوسکتاہے یانہیں؟
(۴)مرشد نے اس مال سے کچھ اﷲ واسطے نہیں دیا آیا مرشد اس میں خطا وار ہے یانہیں؟
(۵)اگر مرشد کی اس میں خطا ہے تو مرید اس مال کے واپس کرنے کا حقدار ہے یانہیں؟
کتاب کا موضوع
کتاب کا موضوع
- اجمالی فہرست
- پیش لفظ
- انیسویں جلد
- فہرست مضامین مفصّل
- کتاب الوکالۃ (وکالت کا بیان)
- کتاب الاقرار
- (اقرار کا بیان)
- کتاب الصلحِ(صلح کا بیان)
- کتاب المضاربۃ
- (مضاربت کا بیان)
- کتاب الامانات
- (امانت کا بیان)
- کتاب العاریۃ
- (عاریت کا بیان)
- (ہبہ کا بیان)
- کتاب الھبۃ
- فتح الملیكفی حکم التملیك ۱۳۰۸ھ
- (بادشاہ کا اظہار تملیك کےحکم میں)
- کتابُ الاجارۃ
- (اجارہ کا بیان)
- اجود القرٰی لطالب الصحۃفی اجارۃ القرٰی۱۳۰۲ھ
- (دیہات کے ٹھیکہ کی صحت کے طلبگار کے لئے بہترین مہمانی)
- کتاب المنٰیوالدررلمن عمدمنی اٰرڈر۱۳۱۱ھ
- (خواہشات اورموتیوں کی فراہمی اس کےلئے جس نے منی آرڈر کا قصد کیا)
- کتاب الاکراہ
- (اکراہ کا بیان)
- کتاب الحجر
- (حجر کا بیان)
- کتاب الغصب
- (غصب کا بیان)
