30 سے زائد لینگوئجز میں 5000 سے زائد اسلامی کتب کا خزانہ آن لائن پڑھیں اور ڈاؤن لوڈ کریں
Fatawa Razawiyya jild 19 | فتاوی رضویہ جلد ۱۹
رضا دی،اس صورت میں اس باقی کے ۵ سہام ہوکر ایك زوجہ اور چار دختر کو ملیں۔
(۲)یہ قرار پایا کہ اس بقیہ سے زوجہ اپنا کل مہر لے لے جو بچے زن ودختر میں وراثۃ تقسیم ہو اس صورت میں بقیہ سے پانچ ہزار مہر کے زوجہ لے گی اور دوایك روپے کی جو مالیت بچی زن ودختر میں انھیں پانچ سہام پر تقسیم ہوجائیگی لیکن اس تقدیر پر دختر کا وقت فیصلہ بالغہ اور اس معنی پر راضی ہونا ضرور ہوگا۔
(۳)یہ ٹھہرا کہ باقی مذکور مہر وحصہ زوجہ وحصہ دختر سب پر حصہ رسد منقسم ہو،اس صورت میں مکان و زر بقیہ سب کے ۸۵۹۵ سہام ہوکر ۵۷۱۹ زوجہ کو ملیں اور ۲۸۷۶ دختر کو ملیں۔والله تعالٰی اعلم۔
مسئلہ ۱۷: از ریاست رامپور پیش کردہ مفتی
عبدالقادر خان صاحب حاکم ریاست ۱۹ ربیع الاول شریف ۱۳۳۳ھ
کیا فرماتے ہیں علمائے دین اس مسئلہ میں کہ زید کا انتقال ہوا اس کی دو زوجہ ہندہ اور زبیدہ تھیں۔زبیدہ کا انتقال اس کی زندگی میں ہوگیا تھا مگر چنداوالادیں اس کے بطن سے تھیں اور ہندہ اسکی بیوہ اب تك موجود ہے اور اس سے بھی چند اولادیں ہیں۔زبیدہ اور ہندہ کی اولادوں میں بعض بالغ ہیں اور بعض نابالغ،پس بعد فوت زید کے اس کی بیوہ نے بوجہ نااتفاقی جملہ وارثان کے اپنے دین مہر کی نالش دائر کرکے عدالت سے متروکہ زید پر ڈگری حاصل کرلی،لیکن ابھی تك ڈگری کا اجراء نہیں ہوا تھا کہ جملہ وارثان میں اتفاق ہوگیا اور ہندہ نے ایك اقرار نامہ متروکہ زید کے بابت رجسٹری میں تصدیق کرادیا جس کی نقل شامل سوال ھذا ہے،اس کے بموجب عملدرآمد ہوگیا اور اپنے تین سہام میں سے ہندہ نے دو سہام بدست بکر کے بالعوض ڈھائی سو روپیہ کے رہن بھی کردیئے،اس کے ایك سال کے بعد اب ہندہ اسی متروکہ پر جس کے بابت اقرارنامہ تصدیق کراکر رجسٹری کراچکی ہے اور عمل درآمد بھی ہوچکا ہے اپنی وہی ڈگری دین مہر کی جاری کرانا چاہتی ہے جس میں سراسر حق تلفی نابالغان متصور ہے اور خلاف اس اقرار نامہ کے اس متروکہ پر اس کا اثر پڑتاہے،دیافت طلب یہ امر ہے کہ ایسے حالت میں ہندہ کو یہ حق حاصل ہے کہ ڈگری جس کا تصفیہ کرچکی ہے جاری کراکر اسی متروکہ کو نیلام کراکے نابالغان کی جائداد کو نقصان پہنچائے یانہیں؟ بینوا توجروا
الجواب:
چند ہفتے ہوئے یہ سوال اور اس پر محبنا مولوی نواب سلطان احمد خاں صاحب کالکھا ہوا جواب سائل نے پیش کیا اس کے ساتھ کوئی نقل اقرار نامہ نہ تھی عبارت سوال سے کہ اسی متروکہ کو نیلام کراکے نابالغان کی جائداد کو نقصان پہنچائے واضح تھا کہ متروکہ جائداد ہے سائل سے مقدار مہر ڈگری شدہ ومقدار جائداد متروکہ دریافت کی،اس نے بیان کی اس کے بیان کے حوالہ سے یہ عبارت اس جواب پر لکھ دی گئی۔
کتاب کا موضوع
کتاب کا موضوع
- اجمالی فہرست
- پیش لفظ
- انیسویں جلد
- فہرست مضامین مفصّل
- کتاب الوکالۃ (وکالت کا بیان)
- کتاب الاقرار
- (اقرار کا بیان)
- کتاب الصلحِ(صلح کا بیان)
- کتاب المضاربۃ
- (مضاربت کا بیان)
- کتاب الامانات
- (امانت کا بیان)
- کتاب العاریۃ
- (عاریت کا بیان)
- (ہبہ کا بیان)
- کتاب الھبۃ
- فتح الملیكفی حکم التملیك ۱۳۰۸ھ
- (بادشاہ کا اظہار تملیك کےحکم میں)
- کتابُ الاجارۃ
- (اجارہ کا بیان)
- اجود القرٰی لطالب الصحۃفی اجارۃ القرٰی۱۳۰۲ھ
- (دیہات کے ٹھیکہ کی صحت کے طلبگار کے لئے بہترین مہمانی)
- کتاب المنٰیوالدررلمن عمدمنی اٰرڈر۱۳۱۱ھ
- (خواہشات اورموتیوں کی فراہمی اس کےلئے جس نے منی آرڈر کا قصد کیا)
- کتاب الاکراہ
- (اکراہ کا بیان)
- کتاب الحجر
- (حجر کا بیان)
- کتاب الغصب
- (غصب کا بیان)
