مراد یہ ہے کہ جب اسے شراب میسر ہو تو وہ پی لے اوراللہ عَزَّ وَجَلَّ کے خوف کی وجہ سے شراب پینے سے باز نہ آئے اسی طر ح جب اسے زنا کا موقع ملے تو اس سے تو بہ نہ کرے اور نہ ہی اپنے نفس کو اس بر ی خواہش کی تکمیل سے روکے ۔ بے شک ایسے لوگو ں کا ٹھکاناجہنم ہی ہے ۔

نکاح کی پیش کش :

          حضرت ِ سَیِّدُنا ابن عباس رَضِیَ اللہُ تَعَالٰی عَنْہُمَا اپنے بچو ں سے فرمایا کرتے تھے :  ’’جب تم نکاح کرنا چاہوتو تمہارا نکاح کرادوں گا کیونکہ بندہ جب زنا کرتا ہے تو اس کے دل سے ایمان نکل جاتاہے اور اس کا ایمان باقی نہیں رہتا ۔‘‘

زنا کی ابتداء اور انتہاء :

          حضرت ِ سَیِّدُنا لقمان حکیم رَضِیَ اللہُ تَعَالٰی عَنْہنے اپنے بیٹے سے فرمایا :  ’’بیٹا ! زنا سے بچ کر رہنا کیونکہ اس کی ابتداء خوف اور انتہاء ندامت ہے او راس کا انجام جہنم کی وادی آثام ہے ۔‘‘

اشعار

یَامَنْ خَلَا بِمَعَاصِیْ اللہِ فِیْ الظُّلَمِ                                                                                                                   فِیْ اللَّوْحِ یُکْتَبُ فِعْلُ السُّوْئِ بِالْقَلَمِ

بِھَا خَلَوْتَ وَعَیْنُ اللہِ نَاظِرَۃٌ                                                                                                                                                وَاَنْتَ بِالْاِثْمِ مِنْہُ غَیْرُمُکَتَتِمِ

فَھَلْ اَمِنْتَ مِنَ الْمَوْلٰی عُقُوْبَتَہُ                                                                                                         یَامَنْ عَصٰی اللہَ بَعْدَ الشَّیْبِ وَالْھَرَمِ

ترجمہ : (۱)اے وہ شخص کہ اندھیرے میں چھپ کر اللہ عَزَّ وَجَلَّ کی نافرمانیاں کرتاہے ، قلم ِقدرت سے نامۂ اعمال میں براعمل لکھا جارہاہے ۔

            (۲)خَلْوَتیں نافرمانیوں میں گزاررہا ہے حالانکہ اللہ عَزَّ وَجَلَّ کی ذات دیکھ رہی ہے ، توگناہ کرتے وقت اس سے چھپ نہیں سکتا ۔

            (۳)اے جوانی اور بڑھاپا گزارنے کے بعدبھی اللہ عَزَّ وَجَلَّ کی نافرمانی کرنے والے ! کیا تو اللہ عَزَّ وَجَلَّ کے عذاب سے بے خوف ہوگیاہے ۔

زنا سے بچنے والا :

           بنی اسرائیل کے ایک شخص نے کسی دو سرے شہر کی عورت سے نکاح کیا اور اسے اپنے پاس بلانے کے لئے اپنے قابلِ اعتماد ساتھی کو اس کی طر ف بھیجا۔تو اس شخص کو اس کے نفس نے ورغلایا اور اس نے عورت سے بدکاری کی خواہش ظاہر کی تو اس وقت اس نے اپنے نفس کو دھمکایا اوراللہ عَزَّ وَجَلَّ سے پناہ مانگی تواللہ عَزَّ وَجَلَّ نے اسے نفسانی خواہش ترک کر نے کی توفیق عطا فرمائی ۔

اشعار

تَوَقَّ نَفْسَکَ لَا تَاْمَنْ غَوَائِلَھَا                                    فَالنَّفْسُ اَخْبَثُ مِنْ سَبْعِیْنَ شَیْطَانًا

ترجمہ : خودکواپنے نفس سے بچا، اس کی ہلاکتوں سے بے پرواہ نہ ہونا ، کیونکہ نفس سَتّر شیاطین سے زیادہ خطرناک ہے ۔

پچاس ہزار حوروں سے نکاح :

          حضرت ِ سَیِّدُنا ابن عباس رَضِیَ اللہُ تَعَالٰی عَنْہُمَا اورحضرت ِ سَیِّدُنا کعب الاحبار رَضِیَ اللہُ تَعَالٰی عَنْہسے روایت ہے  :  بنی اسرائیل میں ایک عبادت گزارشخص تھا جو لوگو ں سے الگ رہ کر عبادت کیا کرتا تھا۔ وہ ایک طویل مدت تک اپنی عبادت گاہ میں عبادت کرتا رہا ۔ بادشاہ صبح شام اس کے پاس حاضر ہوتا اور اس سے حاجت وغیرہ پوچھتا تو وہ جواب میں کہتا کہ’’اللہ عَزَّ وَجَلَّ میری حاجت کو زیادہ جانتا ہے ۔‘‘اللہ   عَزَّ وَجَلَّ  نے اس کی عبادت گاہ پر انگور کی ایک بیل اُگادی جس پر روزانہ انگور لگتے ۔ جب اس عا بد کو پیاس لگتی تو وہ اپنا ہاتھ بڑھاتا تواس سے پانی بہہ نکلتا وہ اسے پی لیا کرتا۔

           کچھ عرصے کے بعد مغرب کے وقت ایک حسین وجمیل عورت اس عا بد کے قریب سے گزری تو اسے پکارنے لگی ’’اے اللہ عَزَّ وَجَلَّ کے بندے !‘‘عابدنے جواب میں لبیک کہا توعورت نے پوچھا  : ’’کیا تجھے تیرا رب دیکھ رہا ہے ؟ ‘‘عا بد نے کہا  :  ’’ھُوَ اللہُ الْوَاحِدُالْقَھَّارُ اَلْحَیُّ الْقَیُّوْمُ اَلْعَالِمُ بِمَا فِی الصُّدُوْرِ وَبَاعِثُ مَنْ فِیْ الْقُبُوْرِیعنی میرا رب اللہ عَزَّ وَجَلَّ ہے وہ قہار ہے یکتا ہے حی وقیوم ہے دلوں کے بھیدجانتا ہے اور قبروں میں مدفون لوگو ں کو اٹھانے والا ہے ۔‘‘عورت نے کہا  : ’’ شہر مجھ سے دور ہے (یعنی مجھے پناہ دے دو)۔‘‘ عا بد نے کہا : ’’ اوپر آجاؤ ۔‘‘جب وہ عورت عبادت گاہ میں