یُعَجِّلْنَ الْمَسِیْرَ وَلَسْتُ اَدْرِیْ                                                                                                                                لِدَارِ الْفَوْزِ اَمْ دَارِالنَّکَالِ

یَبِیْدُ الْکُلُّ مِنَّادُوْنَ شَکٍّ                                                                                                                                                         وَیَبْقٰی اللہُ رَبِّیْ ذُوْالْجَلَالِ

ترجمہ : (۱)راتیں کسی کام کی وجہ سے بدلانہیں کرتیں ، پھربھی تُوبے کارکاموں میں مشغول ہے اورتجھے اس کی پرواہ بھی نہیں۔

            (۲)تُوآسودہ زندگی میں ، رات نعمتوں میں گزارتاہے اور نفسانی خواہشات میں مطمئن ہوکرصبح کرتاہے ۔

            (۳)پہاڑوں کی مثل تیرے کندھوں پرموجودگناہوں کابوجھ کیا تجھے نظرنہیں آتا۔

            (۴)جوچاہتاہے ، کمارہاہے اوراس چیزکی پرواہ نہیں کرتایہ حرام سے ہے یا حلال سے ۔

            (۵) اگرتُو دنیا میں صاحبِ نظرہوگا تو اپنے نفس کو گمراہی کے راستوں سے بچالے گا ۔

            (۶)سنو! سیدی حضرت ابو خلیل  علیہ رحمۃ اللہ  الجلیل  لمبی رات بھی سات بڑی سورتیں پڑھنے میں گزاردیاکرتے تھے ۔

            (۷)( ان سورتوں کو)پڑھتے وقت ان کادل مضطرب اورآنکھیں اَشکبارہوتی تھیں۔

            (۸)میں دیکھ رہاہوں کہ ایامِ زندگی ہمیں لمحہ بہ لمحہ تیزی کے ساتھ قبرو ں کی طر ف منتقل کررہے ہیں۔

            (۹)گندم کی جس مقدارسے زندگی باقی رہے میں اس پرقناعت کرکے اسے عمدہ پانی سے نرم کرلوں گا۔

          (۱۰)جب بالآخرمرناہی ہے تومیرااورعیش وعشرت والی زندگی کاکیاواسطہ ؟

        (۱۱)کیاچچااورماموں کی زمانے کے ہاتھوں ہلاکت میں میرے  لئے کوئی عبرت نہیں ہے ؟

            (۱۲)(مجھے سمجھناچاہئے )گویا میرے  بعدمیری عورتیں کھڑی کی کھڑی رہ گئیں اورمیرا جنازہ لوگوں کے کندھوں پرہے ۔

            (۱۳)مجھے جلدی جلدی(قبر کی طر ف)لے جارہے ہیں اورمیں نہیں جانتامیراٹھکانا جنت ہوگایادو زخ ۔

            (۱۴)بے شک ہم میں سے ہرایک فناہوجائے گا، فقط میرارب اللہ  ذوالجلال باقی رہے گا۔

عاجزی :

          حضرت داؤد طائی رَحْمَۃُ اللہِ تَعَالٰی عَلَیْہِ  کے ایک شاگر د کا بیان ہے ، ایک مرتبہ میں حضرت کی خدمت میں حاضر ہوا تو آپ رَحْمَۃُ اللہِ تَعَالٰی عَلَیْہِ  نے مجھ سے پوچھا :  ’’کیسے آنا ہوا؟‘‘ میں نے عرض کی  :  ’’زیارت کے لئے حاضر ہوا ہوں۔‘‘ تو آپ رَحْمَۃُ اللہِ تَعَالٰی عَلَیْہِ  نے فرمایا  :  تم مجھ سے ملنے آئے یہ اچھی بات ہے مگر یہ تودیکھو کہ تمہارا یہ کام میرے  لئے کتنا نقصان دہ ہے جب مجھ سے یہ کہا جائے گا   : ’’ تُو کون ہوتا ہے کہ تیری زیارت کی جاتی ، کیاتُو عبادت گزار تھا ؟کیا تُو دنیا میں زہدا ختیار کرنے والو ں میں سے تھا ؟ ‘‘ پھر آپ رَحْمَۃُ اللہِ تَعَالٰی عَلَیْہِ  اپنے نفس کوڈانٹتے ہوئے فرمانے لگے  :  ’’جوانی میں تو تُوبدکار تھا، اُدھیڑ عمری میں دھوکے باز ہوگیا اور جب بوڑھاہو اتو ریاکار بن گیا، خداعَزَّ وَجَلَّ کی قسم! ریاکار فاسق سے بھی بدتر ہے ۔‘‘ پھرآپ رَحْمَۃُ اللہِ تَعَالٰی عَلَیْہِ  دعا مانگنے لگے   : ’’ اے زمین وآسمان کے خدا عَزَّ وَجَلَّ ! اپنی طرف سے مجھے ایسی رحمت عطا فرماجو میری جوانی کی اصلاح کردے اور مجھے ہر برائی سے بچالے اور صالحین کے بلند مقامات میں میرا ٹھکانابلند کردے ۔‘‘

 {اللہ عَزَّ وَجَلَّ  کی اُن پر رحمت ہو۔۔ا ور۔۔ اُن کے صدقے ہماری مغفرت ہو۔اٰمِیْن بِجَاہِ النَّبِیِّ الْاَمِیْن صَلَّی اللہُ تَعَالٰی عَلَیْہِ وَاٰلہٖ وَسَلَّم }

میرے  پیارے اسلامی بھائیو !

            ان اولیاء کے مقامات اور ان کی کرامات سنو جنہیں مولا  عَزَّ وَجَلَّ  نے اپنے لئے خاص فرمایا اور اپنے فضل سے ڈھانپ لیا۔

شیر کی اطاعت :

            حضرت عبداللہ  بن عبدالرحمنرَحْمَۃُ اللہِ تَعَالٰی عَلَیْہِ فرماتے ہیں کہ’’ ایک مرتبہ حضرت سفیان ثوری رَحْمَۃُ اللہِ تَعَالٰی عَلَیْہِ  حضرت شیبان راعیرَحْمَۃُ اللہِ تَعَالٰی عَلَیْہِ  کے ساتھ حج کے ارادے سے نکلے ۔ راستے میں انہیں ایک شیر نظر آیا تو حضرت سفیانعلیہ رحمۃ اللہ  الحناّن ان سے کہنے لگے  : ’’ اس شیر کو دیکھو یہ ہمارا راستہ رو ک رہاہے اور لوگو ں کو ڈرا رہا ہے ۔‘‘ حضرت شیبان عَلَیْہِ رَحْمَۃُ المَنّان نے فرمایا : ’’ ڈر ومت ۔‘‘ جب شیر نے حضرت شیبان عَلَیْہِ رَحْمَۃُ المَنّان کا کلام سنا تو اپنی دم ہلا تا ہوا ان کے پاس آیا۔ حضرت شیبانعَلَیْہِ رَحْمَۃُ المَنّان نے اس کا کان پکڑ کر اسے مسلاتووہ اپنی دم ہلانے لگا اور پیٹھ پھیر کر بھاگ گیا ۔حضرت سفیان