گناہوں کی میل کو آنسوؤں کا پانی ہی دھوسکتا ہے ، … گناہوں کی دلدل سے وہی نکل سکتاہے جو گھڑی بھر کے لئے اپنے دل کو متوجہ کر کے دیکھ لے شاید وہ نصیحت کے اثر سے لوٹ آئے ، … میں کب تک تیرے سامنے نصیحت کے صحیفے پڑھوں حالانکہ میں تجھے اس پر کان دھرنے والا نہیں سمجھتا، …مگر گناہوں کا دن کتنا منحوس ہے اور فرمانبرداری کا دن کتنا پسندیدہ ہے اور ہر سعادت کی گھڑی میں تو بہ کرنے والوں کی رفاقت طلب کراپنے محبو ب رب عَزَّ وَجَلَّ  کی رضا کے لئے نیکیوں کے تازہ پیغا م بھیج اور ان کے مقبول ہونے کی تمنا کرکیونکہ تقویٰ کاچراغ ہی راستہ کی راہنمائی کرتاہے ، … کتنے لوگ غفلت کے اندھیروں میں بھٹک چکے ہیں اورتیرا حال کتنابراہے ، لہٰذااپنی مردہ دلی، بصیرت کے اندھے پن اور رکاوٹو ں کی کثرت پر رو، …کہ جب زمانے ، بڑھاپے اور کمزوری کی نصیحت تجھ پر اثر انداز نہیں ہوتی تو تُو کیا کرے گا ؟

            میرے  اسلامی بھائیو!اللہ عَزَّ وَجَلَّ کی قسم !جلد از جلد تو بہ کرلو اور حساب کے دن سے پہلے ہی خود کو سیدھے راستے پر لے آؤ۔

چنداشعار

مَااعْتِذَارِیْ وَاَمْرَ رَبِّیْ عَصَیْتُ                                                                                                          حِیْنَ تُبْدٰیْ صَحَائِفِیْ مَااَتَیْتُ

مَااعْتِذَارِیْ اِذَاوَقَفْتُ ذَلِیْلًا                                                                                                                                     قَدْنَھَانِیْ مَا اَرَانِیْ انْتَھَیْتُ

یَاغَنِیًّا عَنِ الْعِبَادِ جَمِیْعًا                                                                                                                                                            وَعَلِیْمًابِکُلِّ مَاقَدْ سَعَیْتُ

لَیْسَ لِیْ حُجَّۃٌ وَلَا لِیْ عُذْرٌ                                                                                                                                     فَاعْفُ عَنْ زَلَّتِیْ وَمَا قَدْ جَنَیْتُ

ترجمہ : (۱)میں اپنے رب عَزَّ وَجَلَّ  کے حکم کی نافرمانی کرچکا ، جب نامہ اعمال میرے  کرتوتوں کوظاہرکردے گااس وقت میرے  پاس کوئی عذرنہ ہوگا۔

            (۲)میرے  پاس کوئی عذرنہ ہوگاجب میں ذلت ورسوائی کے عالم میں کھڑاہوں گا بے شک اُس (رب عَزَّ وَجَلَّ)نے مجھے ان کاموں سے منع کیاتھا(مگر)میں بازنہ آیا۔

            (۳)اے تمام بندو ں سے بے نیاز! اورمیرے  تمام کاموں کاعلم رکھنے والے ۔

            (۴)میرے  پاس نہ توکوئی حجت ہے اورنہ عذر، تومیری لغزشوں اورگناہوں سے درگزرفرما ۔

معافی کے طلب گار :

          حضرت ِ سیِّدُنا علی بن یحییٰ رَحْمَۃُ اللہِ تَعَالٰی عَلَیْہِ فرماتے ہیں کہ ’’میں نے کچھ عرصہ شہر عسقلان کے ایک ایسے بزرگ کی صحبت میں گزاراجو بہت زیادہ روتے ، عبادتِ الٰہی عَزَّ وَجَلَّ  کثرت سے بجالاتے ، کامل ادب کرنے والے تھے ، رات میں تہجد اور دن میں نیک اعمال میں مشغول رہتے ۔میں انہیں اکثر دعاؤں میں (عبادت میں کوتاہی پر) عذر پیش کرتے اور استغفار کرتے سنتاتھا۔ آپ رَحْمَۃُ اللہِ تَعَالٰی عَلَیْہِ  ایک دن لکام پہاڑ کے ایک غار میں داخل ہوئے ۔ میں نے دیکھا کہ شام کواس پہاڑ کے باشندے اور خانقا ہوں  سے متعلق لوگ ان کے پاس آئے اور ان سے دعائیں کرواتے رہے ۔ صبح کے وقت جب آپ ر حمۃ اللہ  تعالیٰ علیہ نے اس غارسے واپسی کا ارادہ کیا تو ان لوگوں میں سے ایک شخص نے کھڑے ہوکر عرض کیا :  ’’حضور ! مجھے کوئی نصیحت فرمائیے ؟ ‘‘فرمایا : ’’ اللہ عَزَّ وَجَلَّ کی بارگاہ میں عذر پیش کیاکر کیونکہ اگر اللہ عَزَّ وَجَلَّ نے تیرا عذر قبول فرما لیا توتُو مغفرت کی کامیابی حاصل کرے گا اور تجھے جنت کے اعلیٰ درجات کی طرف لے جائے گا جہاں تو اپنی خواہشات اور آرزوؤں کے مطابق رہ سکے گا ۔‘‘پھر آپ رَحْمَۃُ اللہِ تَعَالٰی عَلَیْہِ  رونے لگے اور ایک چیخ مار کر وہاں سے نکل آئے ۔ اس کے بعد آپ رَحْمَۃُ اللہِ تَعَالٰی عَلَیْہِ  کچھ دن زندہ رہے پھر آپ رَحْمَۃُ اللہِ تَعَالٰی عَلَیْہِ  کا انتقال ہوگیا۔ ایک رات میں نے انہیں خواب میں دیکھا تو پوچھا کہ’’ مَافَعَلَ اللہُ بِکَ؟یعنی اللہ عَزَّ وَجَلَّ نے آپ کے ساتھ کیا معاملہ فرمایا ؟‘‘ تو آپ نے فرمایا کہ’’ میرا محبوب عَزَّ وَجَلَّ  اس بات سے پا ک ہے کہ کوئی گنہگار اس کی بارگاہ میں عذر پیش کر کے مغفرت چاہے اور وہ اسے نامراد لوٹا دے اور اس کاعذر قبول نہ فرمائے ، اللہ عَزَّ وَجَلَّ نے میرا عذر قبول فرمالیا اور میرے  گناہ بخش دیئے اور لکام پہاڑوالوں کے حق میں میری شفاعت قبول فرمالی۔‘‘

{اللہ عَزَّ وَجَلَّ  کی اُن پر رحمت ہو۔۔ا ور۔۔ اُن کے صدقے ہماری مغفرت ہو۔اٰمِیْن بِجَاہِ النَّبِیِّ الْاَمِیْن صَلَّی اللہُ تَعَالٰی عَلَیْہِ وَاٰلہٖ وَسَلَّم }

اشعار

لَاشَیْیَٔ اَعْظَمُ مِنْ ذَنْبِیْ سِوٰی اَمَلِیْ                                                                                                         فِیْ حُسْنِ عَفْوِکَ عَنْ جُرْمِیْ وَعَنْ عَمَلِیْ