اشعار

مَاالذَّنْبُ لِیْ فِیْمَا مَضٰی سَالِفًا                                                                                                                                            الذَّنْبُ لِلدَّھْرِ وَسُوْئِ الْقَضَا

فَامْنُنْ وَجُدْ بِالصَّفْحِ عَنْ مُذْنِبٍ                                                                                                                                              مُعْتَرِ فٍ بِالذَّنْبِ فِیْمَا مَضٰی

قَدْ ظَلَّ مِنْ خَوْفِکَ فِیْ حَیْرَۃٍ                                                                                                           فِیْ قَلْبِہِ مِنْکَ لَھِیْبُ الْفَضَا

اِنْ کَانَ لِیْ ذَنْبٌ فَلِیْ حُرْمَۃٌ                                                                                                            تُوْجِبُ لِیْ مِنْکَ جَمِیْلَ الرِّضَا

ترجمہ : (۱)ایام گزشتہ میں میرا کوئی گناہ نہیں یہ سب (حالاتِ) زمانہ کی کوتا ہی اور سوئے قضاء ہے ۔

            (۲)یاالٰہی عَزَّ وَجَلَّ ! تواپنافضل فرما اورگناہوں کومٹاکراس گناہگارکوستھراکردے جو پچھلے تمام گناہوں کااقرارکرتاہے ۔

            (۳)یہ بندہ ہمیشہ تیرے خوف (کے تصور)سے عالم حیرت میں ہے ، (اور)اس کے دل کی ساری فضاء تیری خشیت سے شعلہ زن ہے ۔

            (۴)اگر چہ میں قصوروارہوں لیکن (ایمان کی وجہ سے )میری حرمت بھی توہے جو تیری ذات سے بہترین رضا کی طلب گارہے ۔

ایک عورت کی نصیحت :

            حضرت سیدنا اصمعی رَحْمَۃُ اللہِ تَعَالٰی عَلَیْہِ  فرماتے ہیں کہ ’’میں ایک بیابان سے گزررہا تھا کہ اچانک مجھے ایک چاند کی طرح چمکتے ہوئے چہرے والی عورت نظر آئی ۔ میں اس کے قریب گیا اور سلام کیا تو اس نے اچھے اندا ز میں سلام کا جواب دیا میں نے کہا :  ’’اے لڑکی ! میرا تن من تیری طر ف متو جہ ہے ۔‘‘ وہ فورا بولی : ’’ لیکن میں تیری طرف بالکل متو جہ نہیں ، اگر تجھے میرا حسن بھاگیا ہے تو پیچھے دیکھو تمہیں مجھ سے زیادہ حسین عورت نظر آئے گی ۔‘‘ جب میں نے پیچھے مڑ کر دیکھا تو مجھے کوئی نظر نہ آیا ۔ وہ مجھے ڈانٹ کر بو لی : ’’ اے جھوٹے ! مجھ سے دور ہوجا ، جب میں نے دور سے تجھے دیکھا تھا تو سمجھی تھی کہ تو کوئی عارف ہے اور جب تو نے کلام کیا تو میں سمجھی کہ تو کوئی عاشق ہے اور اب پتہ چلا کہ تو نہ عار ف ہے نہ ہی عا شق ہے کہ تُو میری محبت کا دعوی بھی کرتا ہے اور میری قربت پائے بغیر میرے  علاوہ کسی کی طر ف دیکھتا بھی ہے ۔‘‘ پھر وہ مجھ سے دور چلی گئی اور نظر بھر کے آسمان کی طرف دیکھنے کے بعد بلند آواز سے کہنے لگی کہ’’ آہ ! آہ!یا الہٰی عَزَّ وَجَلَّ  ! وصال کی چاہت نے مجھے لوگوں سے غیر مانوس کردیا ، افسوس ! جدائی کے خوف نے مجھے بے قرار کردیا ، آہ! وصال سے پہلے جدائی پر افسوس!‘‘ پھر وہ یہ اشعار پڑھنے لگی :

حُبِّیْ فِیْ ذِیْ الْقِفَارِ شَرَّدَنِیْ                                                                                                                                                             آہْ مِنَ الْحُبِّ ثُمَّ آہْ

خَوْفُ فِرَاقِ الْحَبِیْبِ اَزْعَجَنِیْ                                                                                                                                                                                     آہْ مِنَ الْخَوْفِ ثُمَّ آہْ

شَبَّہَ حَالِیْ بِتَاجِرٍغَرِ قٍ                                                                                                                                                                                                                         نَجَامِنَ الْبَحْرِ ثُمَّ تَاہْ

ترجمہ : (۱)مجھے بیابانوں کے مالک کی محبت نے بکھیرکر رکھ دیا، آہ! محبت میں پھر آہ۔

 (۲) مجھے محبوب کی جدائی کے خوف نے بے چین کررکھاہے ، اس خوف سے آہ پھرآہ۔

 (۳)میراحال اس ڈوبنے والے تاجر کی طرح ہے جو سمند ر (کی تکالیف)سے بچ تو گیاپھربھی حیران وپریشان رہا۔

ایک دیوانہ  :

           حضرت ِ سیِّدُنا سالم رَحْمَۃُ اللہِ تَعَالٰی عَلَیْہِ  فرماتے ہیں کہ’’ میں حضرت ِ سیِّدُنا ذوالنون مصری عَلَیْہِ رَحْمَۃُ اللہِ الوالی کے ساتھ لبنان کے ایک پہاڑ پر سے گزررہاتھا کہ اچانک آپ رَحْمَۃُ اللہِ تَعَالٰی عَلَیْہِ نے مجھ سے فرمایا کہ’’ اے سالم ! میرے  لوٹنے تک اسی جگہ کھڑے رہنا۔‘‘ پھر آپ رَحْمَۃُ اللہِ تَعَالٰی عَلَیْہِ  تین دن تک مجھ سے جدا رہے ۔جب مجھے بھوک لگتی تو میں جھاڑیاں اور پودے کھالیتا اور تالاب کا پانی پی لیتا ۔جب تین دن گزر گئے تو آپ رَحْمَۃُ اللہِ تَعَالٰی عَلَیْہِ  میرے  پاس تشریف لائے ۔ آپ رَحْمَۃُ اللہِ تَعَالٰی عَلَیْہِ  کا رنگ بدلاہواتھااور آپ رَحْمَۃُ اللہِ تَعَالٰی عَلَیْہِ پربے خودی کی کیفیت طاری تھی میں نے عرض کی : ’’ اے ابو الفیض ! کیا درندو ں نے آپ رَحْمَۃُ اللہِ تَعَالٰی عَلَیْہِ  کو روک لیا تھا؟‘‘ فرمایا : ’’ مجھ سے انسانی خوف کی بات نہ کرو، میں اس پہاڑ کے ایک غار میں داخل ہوا تو میں نے اس میں ایک شخص کو دیکھا اس کے سراور داڑھی کے بال سفید اور پرا گندہ تھے ۔ ایسالگ رہا تھا جیسے وہ قبر سے نکل کر آیا ہو۔ وہ نماز پڑھ رہا تھا ۔میں نے اسے سلام کیا تو اس نے مجھے سلام کا جواب دیا اور کہا کہ’’ نماز پڑھ لو۔‘‘ پھر وہ نماز کے لئے کھڑا ہوگیا