{اللہ عَزَّ وَجَلَّ  کی اُن پر رحمت ہو۔۔ا ور۔۔ اُن کے صدقے ہماری مغفرت ہو۔اٰمِیْن بِجَاہِ النَّبِیِّ الْاَمِیْن صَلَّی اللہُ تَعَالٰی عَلَیْہِ وَاٰلہٖ وَسَلَّم }

٭… ٭… ٭… ٭… ٭…  ٭… ٭… ٭…

عبادت کی پاکیزگی اور مینارِ تقویٰ

          اے وہ شخص! جس کا سفر دنیاکی طلب میں تیزی سے کٹ رہاہے ، … تودنیا کی جھوٹی امیدوں سے کب چھٹکارا پائے گا؟…یاد رکھ !تجھے چھٹکارا اسی وقت ملے گا جب توُدنیا سے کٹے گا، …اگر توآخر ت کا طلب گار ہے توسست رفتار ہوتے ہوئے نفع کس طرح پائے گا؟… تعجب ہے کہ تُو فنا ہوجانے والی دنیا کی تلاش میں توسفر کی تیاری خوب کرتا ہے ، حالانکہ اس راستے میں تو بہت سے رہزن بھی ہیں ، … تیری زندگی ایک امانت ہے جس کی جو انی تُو نے خیانت میں گزاردی ، ادھیڑ عمری بیکار کاموں میں ضائع کردی اور اب بڑھاپے میں رو رہاہے اور یہ کہہ رہا ہے کہ ’’ہائے ! میری عمر ضائع ہوگئی۔‘‘ … خرید وفرو خت میں بد دیانتی کرنے والا بھلاکیسے کامیاب ہوسکتا ہے ؟… دنیا کی طلب میں تو تیرا جسم بڑا چاک وچوبند رہا اوراب طلب ِآخرت میں تجھے مختلف تکالیف ہونے لگی ہیں ، … کب تک راہِ تقویٰ پر چلنے میں سستی کرے گا ، … اے غفلت کی تاریکی میں زندگی بسر کرنے والے ! بڑھاپے کا سورج طلوع ہوچکا ، مرنے سے پہلے تو بہ کرنے والوں کی رفاقت اختیارکرلے ۔ارشادباری تعالیٰ ہے :

وَ مَا مِنْ غَآىٕبَةٍ فِی السَّمَآءِ وَ الْاَرْضِ اِلَّا فِیْ كِتٰبٍ مُّبِیْنٍ(۷۵) (پ ۲۰، النمل : ۷۵)

ترجمہ کنز الایمان  : اور جتنے غیب ہیں آسمانوں اور زمین کے سب ایک بتانے والی کتاب میں ہیں۔

چند اشعار

اِذَا اَنَا لَمْ اَصْبِرْ عَلٰی مَنْ أُحِبُّہٗ                                                                                                                             وَاِنْ حَالَ عَنْ وَصْلِیْ فَمَا اَنَا صَانِعُ

اَاَتْرُکُہُ وَالْقَلْبُ مِنْ فَرْطِ حُبِّہِ                                                                                                          اَسِیْرٌبِمَا  تَطْوِیْ عَلَیْہِ الْاَضَالِعُ

اَاَسْمَعُ فِیْہِ الْعَذْلَ وَالْوَجْدُ حَاکِمٌ                                                                                                           فَمَا یُغْنِیْنِیْ بِالْعَذْلِ َمااَنَاسَامِعُ

اَاَسْلُوْہُ وَالشَّوْقُ یَمْنَعُ سَلْوَتِیْ                                                                                                            وَاَکْتُمُ مَاقَدْ اَظْھَرَتْہُ الْمَدَامِعُ

وَیَعْتِبُنِیْ قَلْبِیْ اِذَا زَادَ وَجْدُہُ                                                                                                        فَاَضْرِبُ صَفْحًادُوْنَہُ وَاُمَانِعُ

وَاِنْ زَادَ بِیْ اَشْتَکِیْہِ، فَحَسْبُہُ                                                                                                                             عَلٰی کُلِّ حَالٍ عِنْدَ شَکْوَایَ شَافِعُ

فَلَاعِیْشَۃٌ تَصْفُوْوَلَامَوْعِدٌیَّفِیْ                                                                                                        وَلَانَظَرٌ یُّسْلِیْ وَلَا الصَّبْرُ نَافِعُ

اَرٰی الدَّھْرَ یَمْضِیْ بُرْھَۃً بَعْدَبُرْھَۃٍ                                                                                                         وَلَمْ اُلْفِ مَامَالَتْ ِالَیْہِ الْمَطَامِعُ

فَاِنْ ضِقْتُ ذَرْعًابِالَّذِیْ قَدْلَقِیْتُہُ                                                   فَکُلُّ مَضِیْقٍ فَھُوَ فِیْ الْحُبِّ وَاسِعُ

ترجمہ : (۱)محبوب سے جدا ہونے کے باوجوداگرمیں اس کی اذیتوں پرصبرنہ کروں جب تومیں اس سے محبت کرنے والاہی نہ ہوا۔

            (۲)تو کیا میں اس کاخیال چھوڑدوں جس کے عشق میں دل ایساگرفتارہے جس طرح وہ (دل) پسلیوں کی قیدمیں ہے ۔

            (۳)کیامیں اس معاملہ (محبت)میں ملامت کوسنتارہوں حالانکہ محبت حاکم ہے پس ملامت مجھے محبت سے نہیں روک سکتی اورنہ ہی میں اس کوسننے والاہوں۔

            (۴)کیامیں (اپنے )دل کودِلاسہ دوں ؟ حالانکہ شو ق میر ے دِلَاسے کوروکتا ہے کیامیں اسے چھپادوں جس کو آنسوؤں نے ظاہر کردیا۔

            (۵)جب اس کی محبت بڑھتی ہے تو میرا دل مجھے ملامت کرتا ہے ، کیااس کے مخالف کی طرف رخ کرلوں اور اس کی حمایت کرو ں ؟

            (۶)اور اگر میرا دردِمحبت بڑھ جاتاہے تو میں اسی محبوب سے التجاء کرتاہوں تووہ مجھے ہرحال میں کافی ہے ، مصیبتوں کے وقت و ہی سہارادینے والاہے ۔

            (۷)نہ زندگی پاکیزہ گزررہی ہے ، نہ وعدہ پورا ہوپارہاہے ، نہ اس شے کاانتظارہے جو غم کودورکردے ، اورنہ ہی صبرنفع دے رہا ہے ۔

            (۸)میں دیکھ رہاہوں کہ زمانہ لمحہ بہ لمحہ گزر رہاہے اورجس کی طرف (آخرت کے ) حریص مائل ہیں میں اس کی تیاری نہ کرسکا۔

            (۹) اگرمیں اپنے محبوب سے بالشت برابردوری اختیارکروں تویہ انتہادرجہ کی دوری ہوگی کہ محبت میں یہ (بالشت برابردوری)بھی بڑی ہوتی ہے ۔

نیک خاتون :

            حضرت ِ سیِّدُنا ذوالنون مصری عَلَیْہِ رَحْمَۃُ اللہِ القَوِی فرماتے ہیں کہ’’ میں نے ایک عبادت گزار عورت کو دیکھا ۔جب میں اس کے قریب پہنچا تو اس نے مجھے سلام کیا، میں نے سلام کا جواب دیا تو اس نے پوچھا  :  ’’آپ کہاں سے آرہے ہیں ؟ ‘‘میں نے کہا کہ’’ اس حکمت والے کے پاس سے جس کی مثل کوئی