خود کو مقبول سمجھتا ہے یامردو د ؟ …وصال پانے والا سمجھتا ہے یا دھتکارا ہوا؟… کیا تو کل قیامت کے دن بہتر ین سواریوں پر سوار ہوگا یا منہ کے بل گھسیٹا جائے گا؟ … تُو خود کو جہنمیوں میں شمار کرتاہے یا جنت کی نعمتیں اور اس کے محلات پانے والوں میں ؟ … خدا عَزَّ وَجَلَّ  کی قسم! ہلکے پھلکے (گناہوں سے پاک) لوگ کامیاب ہوں گے اور بدکار لوگ نقصان اٹھائیں گے ، … بالآخرتمام امور اللہ عَزَّ وَجَلَّ ہی کی طرف لوٹنے والے ہیں۔

چند اشعار

مَالِیْ اَرَاکَ عَلٰی الذُّنُوْبِ مُوَاظِباً                                                                                                  أَ أَخَذْتَ مِنْ سُوْئِ الْحِسَابِ اَمَاناً

لَا تَغْفُلَنَّ کَاَنَّ یَوْمَکَ قَدْ اَتٰی                                                                                                     وَلَعَلَّ عُمْرَکَ قَدْدَنَا اَوْحَانَا

وَمَضٰی الْحَبِیْبُ لِحَفْرِ قَبْرِکَ مُسْرِعًا                                                                                                                                                 وَاَتٰی الصَّدِیْقُ فَاَنْذَرَ الْجِیْرَانَا

وَاَتَوْا بِغَسَّالٍ وَجَاؤُوْا نَحْوَہُ                                                                                                      وَبَدَا بِغَسْلِکَ مَیْتًاعُرْیَانًا

فَغُسِلْتَ ثُمَّ کُسِیْتَ ثَوْبًا لِلْبَلٰی                                                                                                        وَدَعَوْا لِحَمْلِ سَرِیْرِکَ الْاِخْوَانَا

وَاَتَاکَ اَھْلُکَ لِلْوَدَاعِ فَوَدَّعُوْا                                                                                                                 وَجَرَتْ عَلَیْکَ دُمُوْعُھُمْ غُدْرَانًا

فَخَفِ الْاِلٰہَ فَاِنَّہُ مَنْ خَافَہُ                                                                                                     سَکَنَ الْجِنَانَ مُجَاوِرًارِضْوَانًا

جَنَّاتِ عَدْنٍ لَایَبِیْدُنَعِیْمُھَا                                                                                                  اَبَدًا یُخَالِطُ رُوْحُہُ رَیْحَانًا

وَلِمَنْ عَصٰی نَارٌ یُقَالُ لَھَا :  لَظٰی                                                                                                    تَشْوِیْ الْوُجُوْہَ وَتُحْرِقُ الْاَبْدَانَا

نَبْکِیْ وَحَقَّ لَنَا الْبُکَا یَاقَوْمَنَا                                                                                                                                              کَیْلَا  یُؤَاخِذَنَا بِمَا قَدْکَانَا

ترجمہ : (۱) میں کیوں تجھے گناہوں میں ہی مشغول دیکھتا ہوں کیا تم نے برے حساب سے امان لے رکھی ہے ؟

            (۲) غفلت میں ہرگزمت رہنا(تصورکر)گویاکہ تیرا دن بھی آچکا ہے اورشاید تیری زندگی ختم ہونے ہی والی ہے ۔

            (۳)تیرا جگری دوست تیری قبرکھودنے جلدی سے چلاگیا اور (موت کی)تصدیق کرنے والاآیاتو اُس نے (موت کی خبردے کر) پڑوسیوں کوڈرا دیا۔

            (۴)اوروہ (دوست واحباب)غسال کو لے آئے ہیں اور اس کے پیچھے پیچھے آئے  ہیں اورغسال نے تیری لاش کابرہنہ حالت میں غسل شروع کردیا ۔

            (۵) پس تجھے غسل دے کر بوسیدہ وخراب ہونے کے لئے کفن پہنا دیاگیا، اور تیرا جنازہ اٹھانے کے لئے لوگو ں کو بلایالیاگیاہے ۔

            (۶)اورتیرے گھر والے تجھے الوداع کہنے آئے پھرانہوں نے تجھے رخصت کردیا ، اوران کے دھوکے کے آنسوتجھ پربہہ (کرختم ہو)گئے ۔

            (۷) اللہ عَزَّ وَجَلَّ سے ڈر کہ جو اس سے ڈرتاہے وہ جنت میں ( نگران فرشتے ) حضرت رضوان عَلَیْہِ السَّلَام  کاپڑوسی بن کر رہے گا ۔

            (۸)جنت عدن جس کی نعمتیں کبھی ختم نہ ہوں گی اُس میں رہے گا، اس کی رو ح خوشبو میں رہے گی ۔

            (۹)او رجونافرمانی کرے گااس کے لئے ایسی آگ ہے جس کولَظٰی(بھڑکتی آگ) کہا جاتاہے جو چہروں کو بھون دے گی اوربدن کوجلاڈالے گی ۔

            (۱۰) اے ہماری قوم! ہم رورہے ہیں اورہمیں روناہی چاہئے تاکہ ہم سے ہمارے کئے کی پوچھ گچھ نہ ہو۔

فرشتوں کی صدائیں  :

            نبیوں کے تاجور، حسنِ اخلاق کے پیکر، محبوب ربِّ اکبرصَلَّی اللہُ تَعَالٰی عَلَیْہِ وَاٰلِہٖ وَسَلَّمَکا فرمان عبرت نشان ہے کہ’’ جب آدمی پر نزع کا عالم طاری ہوتا ہے تو اللہ عَزَّ وَجَلَّ اس کی طر ف پانچ فر شتے بھیجتاہے ۔ پہلافر شۃ اس کے پاس اس وقت آتا ہے جب اس کی روح حلقوم(یعنی حلق) تک پہنچتی ہے ۔ وہ فرشتہ اسے پکار کر کہتا ہے : ’’اے ابن آدم ! تیرا طاقتوربدن کہاں گیا؟ آج یہ کتنا کمزور ہے ؟ تیری فصیح زبان کہاں گئی ؟آج  یہ کتنی خاموش ہے ؟ تیرے گھر والے اور عزیزواقرباء کہاں گئے ؟ تجھے کس نے تنہاکردیا۔‘‘

            پھر جب اس کی رو ح قبض کرلی جاتی ہے اور کفن پہنادیا جاتاہے تو دوسرا فرشۃ اس کے پاس آتا ہے او راسے پکار کر کہتا ہے  : ’’اے ابن آدم !تُو نے تنگدستی کے خوف سے جو مال واسباب جمع کیا تھا وہ کہاں گیا ؟تُونے تباہی وبربادی سے بچنے کے لئے جو گھربنائے تھے وہ کہاں گئے ؟ تُو نے تنہائی سے بچنے کے لیے جو اُنس تیار کیا تھا وہ کہاں گیا؟‘‘

          پھر جب اس کا جنازہ اٹھایا جاتاہے تو تیسرا فرشتہ اس کے پاس آتا ہے اور اسے پکا ر کر کہتا ہے : ’’ آج تُو ایک ایسے لمبے سفر کی طرف رواں دواں