مطابق ایک آدمی سے اس کی نیکی کی وجہ سے محبت کرتاہے شاید یہ محبت کرنے والا تو نجات پاجائے جبکہ محبو ب (یعنی میں )نہیں جانتا کہ اس کا کیا حال ہوگا۔‘‘ پھر آپ رَحْمَۃُ اللہِ تَعَالٰی عَلَیْہِ  پھل فروشو ں کے پاس رُک کر پھل دیکھنے لگے میں نے پوچھا : ’’ شاید آپ کو پھلوں کی خواہش ہے ؟ ‘‘فرمایا :  ’’نہیں بلکہ میں تو یہ دیکھ رہا ہو ں کہ جباللہ عَزَّ وَجَلَّ اپنے نافرمان کو یہ نعمتیں کھلا رہا ہے تو اپنے فرمانبردار کو کیا کچھ نہیں کھلائے گا اورجنت میں اسے کیا کچھ کھلائے پلائے گا۔‘‘

{اللہ عَزَّ وَجَلَّ  کی اُن پر رحمت ہو۔۔ا ور۔۔ اُن کے صدقے ہماری مغفرت ہو۔اٰمِیْن بِجَاہِ النَّبِیِّ الْاَمِیْن صَلَّی اللہُ تَعَالٰی عَلَیْہِ وَاٰلہٖ وَسَلَّم }

          میرے  اسلامی بھائی! ہائے افسوس! اے غافل! کب تک سوتا رہے گا ؟ کیا گزرنے والے دن اور راتیں تجھے نہیں جگاتیں ؟ محلات اور خیموں کے مکین کہاں گئے ؟ خدا کی قسم ! موت کا پیالہ ان پر گھوم گیا اور موت نے انہیں اس طر ح اٹھالیا جس طرح کبوتر گندم کا دانہ اٹھاتا ہے ۔ مخلوق کو دنیا میں دوام نہیں ، صحیفے لپیٹ دیئے گئے اور قلم خشک ہوگئے ۔

چنداشعار

دَعُوْنِیْ عَلٰی نَفْسِیْ اَنُوْحُ وَاَنْدُبُ                                                                                                            بِدَمْعِِ غَزِیْرٍ وَّاکِفٍ یَّتَصَبَّبُ

دَعُوْنِیْ عَلٰی نَفْسِیْ اَنُوْحُ لِأَنَّنِیْ                                                                                                                                                اَخَافُ عَلٰی نَفْسِیْ الضَّعِیْفَۃِ تُعْطَبُ

فَمَنْ لِیْ اِذَا نَادٰی الْمُنَادِیْ بِمَنْ عَصٰی                                                                                                                                             اِلٰی اَیْنَ اَلْجَا اَمْ اِلٰی اَیْنَ اَذْھَبُ

فَیَا طُوْلَ حُزْنِیْ ثُمَّ یَاطُوْلَ حَسْرَتِیْ                                                                                                        اِذَا کُنْتُ فِیْ نَارِ الْجَحِیْمِ اُعَذَّبُ

وَقَدْظَھَرَتْ تِلْکَ الْقَبَائِحُ کُلُّھَا                                                                                                         وَقَدْ قُرِّبَ الْمِیْزَانُ وَالنَّارُ تَلْھَبُ

وَلٰکِنَّنِیْ اَرْجُوْ الْاِلٰہَ لَعَلَّہُ                                                                                                                                                           بِحُسْنِ رَجَائِیْ فِیْہِ لِیْ یَتَوَھَّبُ

وَیُدْخِلُنِیْ دَارَالْجِنَانِ بِفَضْلِہِ                                                                                                                               فَلَا عَمَلٌ اَرْجُوْ بِہِ أَتَقَرَّ بُ

سِوٰی حُبِّ طٰہَ الْھَاشَمِیِّ مُحَمَّدٍ                                                                                                                             وَاَصْحَابِہِ وَالْآلِ مَنْ قَدْ تَرَھَّبُوْا

ترجمہ : (۱)مجھے اپنی جان پرافسوس کرنے دواور تھوڑاتھوڑاکرکے بہت زیادہ آنسو بہانے والے کی طرح نادِم ہونے دو۔

            (۲) مجھے اپنے نفس پرافسوس کرنے دوکیونکہ میں اپنی کمزور جان کے ہلاکت میں ڈالے جانے سے ڈرتا ہوں۔

            (۳) جب منادِی گنہگاروں کوپکارے گااس وقت میرا کون ہوگا ؟میں کہاں پنا ہ لوں گا ، یامیں کس طرف بھاگوں گا؟

            (۴)ہائے ! میرا طویل غم اورپھرلمبی حسرت، جبکہ میں نارِدو زخ میں عذاب دیا جاؤں گا۔(والعیاذ باللہ عَزَّ وَجَلَّ )

            (۵) تمام برائیاں ظاہر ہوچکی ہیں ، میزان عمل بھی قریب کردیاگیا اور آگ بھڑک رہی ہے ۔

            (۶)مگر میں اللہ عَزَّ وَجَلَّ سے امیدکرتاہوں ، شاید وہ میرے  حسن ظن کے سبب مجھ پر کرم فرمائے ۔

            (۷)اور اپنے فضل سے مجھے جنت میں داخل فرمادے ، میرے  پاس تو کوئی حسنِ عمل ایسانہیں جس کے سبب قرب کی امید رکھوں۔

            (۸)بس طٰہٰ وہاشمی حضرت سیدنا محمدمصطفی صَلَّی اللہُ تَعَالٰی عَلَیْہِ وَاٰلہٖ وَسَلَّم اور آپ کی آل واصحاب کی محبت ہے جوحقیقی عبادت گزار تھے ۔

دِلا غافل نہ ہویکدم یہ دنیاچھوڑجاناہے                                                         باغیچے چھوڑکر خالی زمیں اندر سمانا ہے

ترانازک بدن بھائی جولیٹے سیج پھولوں پر                                      یہ ہوگاایک دن بے جاں اسے کیڑوں نے کھاناہے

تواپنی موت کو مت بھول کرسامان چلنے کا                                    زمیں کی خاک پرسوناہے اینٹوں کاسرہاناہے

نہ بیلی ہوسکے بھائی نہ بیٹاباپ تے مائی                                                          توکیوں پھرتاہے سودائی عمل نے کام آناہے

کہاں ہے زورِنمرودی کہاں ہے تختِ فرعونی                                                 گئے سب چھوڑیہ فانی اگرنادان داناہے

عزیزایادکرجس دن کہ عزرائیل آئیں گے                                  نہ جاوے کوئی تیرے سنگ اکیلاتونے جاناہے

جہاں کے شغل میں شاغل خداکے ذکرسے غافل                                              کرے دعوی کہ یہ دنیامیرادائم ٹھکانا ہے

غلام اک دم نہ کرغفلت حیاتی پرنہ ہوغرّہ                                   خداکی یادکرہردم کہ جس نے کام آناہے

حساب ِ دنیا :