ہوں۔‘‘ اور ایک مرتبہ ارشاد فرمایا :  ’’مجھے کھونے سے پہلے ہی مجھ سے جو کچھ پوچھناچاہتے ہو پوچھ لو۔‘‘ پھر جب آپ رَضِیَ اللہُ تَعَالٰی عَنْہَا پنے دولت کدے کی طر ف لوٹے تواللہ عَزَّ وَجَلَّ نے ایک فرشتے کو آدمی کی صورت میں بھیجا، اس نے ان کے گھر کا دروازہ کھٹکھٹایا تو حضرت  سیدناعبداللہ  بن عباس رَضِیَ اللہُ تَعَالٰی عَنْہُمَا باہر تشریف لائے تو فر شتے نے کہا  : ’’ اے ابن عباس رَضِیَ اللہُ تَعَالٰی عَنْہ!چھوٹی سی چیونٹی کے بارے میں کیافرماتے ہیں کہ اس کی رو ح اس کے جسم کے اگلے حصے میں ہوتی ہے یا پچھلے حصے میں ؟‘‘ توآپ رَضِیَ اللہُ تَعَالٰی عَنْہکو ئی جواب نہ دے سکے پھر آپ رَضِیَ اللہُ تَعَالٰی عَنْہَا پنے گھر میں داخل ہوئے اور دروازہ بند کر کے اپنے نفس کو سمجھانے لگے کہ آئندہ کبھی علم کا دعوی نہ کرنا۔‘‘

بے شکاللہ عَزَّ وَجَلَّ فرماتا ہے  :

وَ فَوْقَ كُلِّ ذِیْ عِلْمٍ عَلِیْمٌ(۷۶) (پ۱۳، یوسف :  ۷۶)

ترجمۂ کنزالایمان : اورہرعلم والے سے اوپر ایک علم والاہے ۔

حسنِ کلام بہتر ہے یا حسنِ عمل ؟

             ایک نحوی حضرت ابن شمعون واعظ رَحْمَۃُ اللہِ تَعَالٰی عَلَیْہِ  کی مجلس میں حاضر ہوا۔ آپ رَحْمَۃُ اللہِ تَعَالٰی عَلَیْہِ تارکینِ دنیا میں سے تھے ۔ اس نحوی نے آپ رَحْمَۃُ اللہِ تَعَالٰی عَلَیْہِ  کی زبان وکلام میں لغت اور عربی قوانین کی کچھ غلطیاں پائیں تو اس نے آپ رَحْمَۃُ اللہِ تَعَالٰی عَلَیْہِ  کی مجلس میں آنا چھوڑ دیا ۔ آپ رَحْمَۃُ اللہِ تَعَالٰی عَلَیْہِ  نے اسے مکتو ب بھیجا :  ’’ میں تمہیں خود پسندی کا شکار پاتا ہوں تم دروازے سے پیچھے رہ جانے پر راضی ہوگئے ہو کیا تم نے کسی عارف کا ایک ادیب کو بھیجا ہوا یہ خط نہیں سنا جس میں انہوں نے لکھا تھا  :  جو اپنے اقوال کی مضبوطی پر اعتماد کرتا ہے وہ افعال میں غلطیاں کر بیٹھتا ہے ۔ تم اپنی ساری حاجتیںاللہ عَزَّ وَجَلَّ کی بارگاہ میں پیش کردیتے ، اپنی آواز کو برائیوں سے محفو ظ کرلیتے ، اپنے نفس کو بری خواہشات سے بچالیتے ، موت کے ترازو کو اپنے سامنے نصب کر لیتے کیاتم نہیں جانتے کہ بندے سے قیامت کے دن یہ نہیں پوچھا جائے گا :  تو بولنے میں فصیح وادیب کیوں نہ تھا ، بلکہ اس سے یہ کہا جائے گاکہ تو گناہ کیوں کرتا تھا ؟‘‘

پیارے اسلامی بھائی !

           کلام میں فصاحت وسلاست ہونا قابلِ فخر بات نہیں بلکہ اعمال میں تَسَلْسُل ہونا چاہئے ۔

اشعار

وَلَاحِنٍ فِیْ الْفِعَالِ ذُوْ زَلَلٍ                                                                                                          حَتَّی اِذَاجَائَ قَوْلُہُ وَزَنَہْ

قَالَ وَقَدْ اَکْسَبَہُ لَفْظُہُ                                                                                                                                                                       تِیْھًا وَّعَجَبًا اَخْطِئْنَ یَا لُحَنَہْ

قُلْتُ اَخْطَأَ الَّذِیْ یَقُوْمُ غَدًا                                                                                                                                               وَلَا یَرٰی فِیْ کِتَابِہِ حَسَنَہْ

            ترجمہ : (۱)اعمال میں کوتاہی کرنے والالغزش کررہاہے حتی کہ جب اس کی (اپنی)بات آتی ہے تواسے حتمی سمجھتاہے ۔

            (۲)ہائے !وہ جسے لفظوں کی جادوگری نے جکڑرکھاہے غروروخودپسندی میں آکر کہتا ہے :

 ’’اے خطاکار!اورغلطیاں کر۔‘‘

            (۳)میں کہتا ہوں وہ شخص بہت بڑاخطا کار ہے جو کل بروزقیامت اس حال میں کھڑاہوگا کہ اسے اپنے نامہ ٔ   اعمال میں نیکی دکھائی نہ دے گی ۔

عاجزی  :

           ایک شخص نے حضرت منصورسُلیمِی رَحْمَۃُ اللہِ تَعَالٰی عَلَیْہِ  کو لمبی نماز پڑھتے اور احسن  طریقے سے عبادت اداکرتے دیکھا جب آپ رَحْمَۃُ اللہِ تَعَالٰی عَلَیْہِ  نماز سے فارغ ہوئے تو اس سے فرمایا  : ’’ میری عبادت دیکھ کر دھوکا نہ کھانا کیونکہ ابلیس ملعون نے ہزاروں سالاللہ عَزَّ وَجَلَّ کی عبادت کی پھر بھی وہ مردود ہو گیا۔‘‘

          آدمی کی خوش بختی کی ایک علامت یہ بھی ہے کہ وہ عا جزی کااظہارکرے اور اپنے تمام افعال واقوال میں کوتاہی کا اقرار کرے ۔