کا قیام خوش آئند اور حوصلہ اَفزا ہے۔ بے شک یہ روشنی کی ایک کِرن ہے۔  مَدَنی   چینل   ایک نعمتِ غیر مُترَقَّبہ  (ایسی نعمت جس کی اُمید نہ ہو) ہے۔اِنْ شَآ ءَ اللہ عَزَّوَجَلَّ یہ تبلیغ کا ایک مؤثر ذریعہ ثابت ہوگا اور اسے  شہرت عام اور بقائے دوام حاصل ہوگا۔اللہعَزَّوَجَلَّاپنے محبوب حضرت احمد مجتبیٰ محمد مصطفیٰ  صلَّی اللہ تعالٰی علیہ واٰلہٖ وسلَّمکے طفیل اہلِ سُنَّت کی عالمگیر تحریک دعوتِ اسلامی کو سلامت باکرامت رکھے اور کامیابی و کامرانی عطا فرمائے ، آمین ۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (341) حضرت مولانامفتی محمد عمران حنفیمُدَّظِلُّہُ العَالِی

 (مفتی دارالعلوم جامعہ نعیمیہ، مرکزالاولیاء لاہور، پاکستان)

            عالمگیرغیر سیاسی تبلیغی تحریک دعوتِ اسلامی کے زیرِ اِہتمام  مَدَنی   چینل  کا اِجرا واقعی اَحسَن عمل ہے ۔اور اُمید واثِق ہے کہ  مَدَنی   چینل   بدعقیدگی اور فَحاشی عُریانی کے طوفان کو روکنے میں  اَہم کردار ادا کرے گااوراس سے  عُمدہ نتائج برآمد ہوں  گے۔میری دلی دُعا ہے کہ اللہعَزَّوَجَل  اپنے حبیب کریم صلَّی اللہ تعالٰی علیہ واٰلہٖ وسلَّمکے تَوسُّل سے  دعوتِ اسلامی کو مزید عُروج عطا فرمائے اور مُتعلِّقین و مُحبّین و معاونین کو عزّتیں  راحتیں  عطا فرمائے،  آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (342) حضرت مولانا غلام درویش القادریمُدَّظِلُّہُ العَالِی

 ( سنیئر خطیب محکمۂ اوقاف،  تحصیل لیاقت پور،  ضلع رحیم یار خان ، پاکستان)

            آج اس وقت اُمتِ مُسلِمہ بے راہ راوی کا شکار ہوچکی ہے اور بے حیائی کا طوفان میڈیا کے ذریعے تیزی سے  پھیلا جا رہا ہے ۔اس فتنہ کے خاتِمہ کیلئے دعوتِ اسلامی کا  مَدَنی   چینل   بَہُت ہی مؤثر ثابت ہوگا اور مُبلِّغین کے اصلاحی اور تحقیقی بیانات سے  اُمتِ مُسلِمہ کی اِصلاح کا ساماں  ہو گااوراس  مَدَنی   چینل   کے ذریعے اِنْ شَآ ءَ اللہ عَزَّوَجَلَّ بَہُت بڑی کامیابی حاصل ہوگی۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (343) حضرت مولانا حافظ محمد سردار احمد بارویمُدَّظِلُّہُ العَالِی

 (مہتمم مدرسہ جامعہ بارویہ شمس المدارس،  کالا کالونی،  تحصیل و ضلع ڈیرہ غازی خان، پاکستان )

            سب سے  قبل آپ کو اور آپ کی تمام ٹیم کو اور خُصُوصاً امیر اہلسنّت دامت برکاتہم العالیہ کو ملتان شریف میں  سالانہ سنتوں  بھرے اجتماع کی کامیابی اور خیرو عافیت کے ساتھ مُنعَقِد ہونے پر مبارکباد پیش کرتاہوں  اور اِس کے علاوہ  مَدَنی   چینل   قائم کرنے کی مُبارکباد ۔ اس وقت کُفر اور منافقت اور بداِعتقادی اور بداعمالی کاہر طرف اندھیرہے۔اس کے مقابلے میں   مَدَنی   چینل   کا قیام بَہُت اچھا اقدام ہے۔ اللہ عَزَّوَجَلَّنے دعوتِ اسلامی کو اس کا اعزاز بخشا ۔

            دُعا ہے کہ اللہ عَزَّوَجَلَّ اپنے محبوب پاک  صلَّی اللہ تعالٰی علیہ واٰلہٖ وسلَّمکے وسیلۂ جلیلہ سے  دعوتِ اسلامی کو مزید تَرقّیاں  نصیب فرمائے اور دِینِ مَتین کی خدمت کی اور زیادہ توفیق نصیب فرمائے اورقبلہ امیر اہلسنّت مدظلہ العالٰی کی عمر میں  مزید بَرَکتیں  عنایت فرمائے اور اُن کا سایہ ہم پر تادیر قائم فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

  (344) اُستاذالعُلَماء حضرت مولانا ملک محمد بوستانمُدَّظِلُّہُ العَالِی

 (صدرمدرس دارلعلوم محمدیہ غوثیہ ، گلزارطیبہ ، سرگودھا ، پاکستان)

                ایک روز  مَدَنی   چینل   کو دیکھنے کاخُصُوصی وقت نکالا،  دیکھ کر طبیعت خوش ہوئی کہ آپ کے ادارہ نے اس دور میں  مؤثر تَرین ذریعہ سے  پیغامِ حق پَہُنچانے کا اِہتمام کیا ہے۔ اس میں  کوئی شک نہیں  کہ یہ اِنتہائی کٹھن کام ہے اور اس کے ضروریات کو پورا کرنا بھی جوئے شِیرلانے کے مُترادِف ہے۔ تاہم عزمِ مُصَمَّم اور اِخلاص جیسی نعمت نصیب ہوجائے تو اللہ عَزَّوَجَلَّ انسان کی تمام مشکلوں  کو آسان کردیتا ہے۔دعوتِ اسلامی کا کام کیونکہ پوری دُنیا میں  متعارف ہوچکا ہے اس لیے اس  چینل  کو یہ اَمر بھی مدِّنظر رکھنا ہوگا۔ تاہم ابتدائی طورپر پاکستان میں  موجود تمام افراد کے لیے بہتر سے  بہتر رہنمائی کو مقصود و مطلوب بنانا اوّلین ترجیح ہونی چاہیے۔ میں  بار دِگر  مَدَنی   چینل  کے شروع کرنے پر دعوتِ اسلامی اور اس  چینل  کی کامیابی کے لیے اللہ عَزَّوَجَلَّکے حُضُور دُعا گو ہوں  اور اس کی بارگاہ میں  عرض کناں  ہوں  کہ وہ اپنے حبیبِ لبیب  صلَّی اللہ تعالٰی علیہ واٰلہٖ وسلَّم کے طفیل کامرانی سے  نوازے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (345) حضرت مولانا سید محمد طاہر شاہ اُویسیمُدَّظِلُّہُ العَالِی

 (خطیب ریزیڈینسی جامع مسجد امدایہ،  سیکٹر 15 / C، بنگلہ بازار،  اورنگی ٹاؤن،  باب المدینہ کراچی )