مَدَنی   چینل   سے  علمی وتحقیقی اندا ز میں  اِسلام کی تبلیغ و اِشاعت کا کام ہوگا ، اللہ ربُّ العزّت ہمارے اس خواب وتمناکو عملی جامہ پہنائے اور دین حبیب  علیٰ صاحبھا الصلوٰۃ والسلام  کو عُروج و اِرتقانصیب فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (55) حضرت مولانا حافظ اللہ بخش چشتی قادری  مُدَّظِلُّہُ العَالِی

 (خطیب مرکزی جامع مسجد دربار قادریہ،  ڈیرہ غازی خان ، پنجاب پاکستان)

            اَلْحَمْدُ لِلّٰہِعَزَّوَجَلَّ  مَدَنی   چینل  تو سونے پر سہاگے کا کام کررہا ہے۔ مولاناروم علیہ رحمۃ اللہ القیوم کا اِرشاد ہے:

آں  ہلاکِ امت پیش کہ بود

زانکہ بر جندل گمان بر دند عود

ترجَمہ: وہ جوگزشتہ اُمت کی ہلاکت تھی اس کی وجہ یہ تھی کہ انہوں  نے پتھرکوخوشبودارلکڑی سمجھ رکھاتھا۔

                گویا کہ  مَدَنی   چینل  نے حق و باطِل میں  خط اِمتیاز کھینچ لیا،  دُودھ کا دُودھ اور پانی کا پانی کردیا ہے۔ اِنْ شَاءَ اللہعَزَّوَجَلَّاس کے نتائج بہترسے  بہتر اور بہتر سے  بہترین ظاہر ہوتے جائیں  گے۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (56) حضرت مولانا محمد یوسف ضیائی صاحب مُدَّظِلُّہُ العَالِی

 (خطیب مرکزی سیرت کمیٹی،  مظفر آباد،  کشمیر)

            اَلْحَمْدُ لِلّٰہِعَزَّوَجَلَّ موجودہ دور میں   مَدَنی   چینل   بے حیائی و بے دِینی کا توڑ ہے،  اور اِصلاحی بیانات ہرمسلمان مردوعورت کے لئے مشعلِ نُور ہیں ۔ اور  مَدَنی   چینل   کا اِفتتاح یقیناً عوام اہلسنّت سمیت عالَم اِسلام کے لئے ہدایت کا ذریعہ بنے گا۔ مَیں  دعوتِ اسلامی اور  مَدَنی   چینل   کے ذِمَّہ داروں  کے لئے دُعا کرتا ہوں  کہ جس طریقہ سے  ایک دِینی کام کا آغاز کیا ہے اسے  مسلسل جاری رکھیں  تاکہ رحمت ِ دوعالم صلَّی اللہ تعالٰی علیہ واٰلہٖ وسلَّمکی محبت ، اہلِ بیت کی محبت اور صحابۂ کرامعلیہم الرضوان کی محبت لوگوں  کے دِلوں  میں  پیدا کی جائے ۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (57) حضرت مولانا محمد اقبال چشتی مُدَّظِلُّہُ العَالِی

 (خطیب مرکزی جامع مسجد غوثیہ،  اوکا ڑہ، پنجاب پاکستان)

            دعوتِ اسلامی جس نے اہلسنّت کے کام کو کم و بیش ہر شُعبہ میں  اَحسَن پیرایہ میں  کرنے کی مساعیٔ جمیلہ کا عزم بِالجزم کررکھا ہے۔ جس کا مُنہ بولتا ثبوت دعوتِ اسلامی کا 66 سے  زائد ممالک اور 36سے  زائد مختلف شعبہ جات میں  پھیلا ہوا مستحکم نیٹ ورک ہے۔ اور اب مَدَ نی  چینل  کے نام سے   ’’ شرعی تقاضوں  کے تحت   ‘‘  چلنے والے ٹی وی  چینل  کا آغاز کرکے تو دعوتِ اسلامی نے بہ بانگِ دُہُل یہ اِعلان کردیا ہے کہدعوتِ اسلامیآقائے نامدارصلَّی اللہ تعالٰی علیہ واٰلہٖ وسلَّمکے دینِ متین کے خلاف برسر پیکار ،  اَغیارِ ناہنجار کے عزائم و کردار سے  مکمل خبردار ہے اور فیشن و ترقی کے نام پر چمنِ سُننِ شاہِ زمن صلَّی اللہ تعالٰی علی ہ واٰلہٖ وسلَّممیں  موسِمِ خَزاں  لانے کے لئے اِستعمال ہونے والے میڈیا کے صحیح اوردُرُست شرعی اِستعمال سے  گلستان و گلزار سُنَّتِ شہِ ابرارصلَّی اللہ تعالٰی علیہ واٰلہٖ وسلَّممیں  بہار لانے کیلئے اِنتہائی مَتانت سے  سرگرم عمل ہے۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (58)  حضرت مولانا مفتی ابوا لظفر احمد یارمُدَّظِلُّہُ العَالِی

 (صدر مدرس دارالعلوم اشرف المدارس ، اوکاڑہ، پنجاب پاکستان)

وائے ناکامی متاعِ کارواں  جاتا رہا

کارواں  کے دِل سے  احساسِ زِیاں  جاتا رہا

          اِن حالات میں  امیر اہلسنّت حضرت مولانا محمد الیاس عطارؔقادری رضوی دامت برکاتہم العالیہ کا دعوتِ اسلامی کے دیگر شعبہ جات کو اَحسَن انداز سے  ترقی کی شاہراہ پر گامزن رکھنے کے ساتھ ساتھ  مَدَنی   چینل   کے کام سے  ٹی وی نشریات کا آغازکرنا لائقِ صد تحسین و آفرین عمل ہے جس پر اِنہیں  جتنا بھی ہدیۂ  تبریک پیش کیا جائے وہ کم ہے کیونکہ انہوں  نے دور اَندیشی سے  کام لیتے ہوئے اُمتِ نَبَوی علیٰ صاحبھا الصلوٰۃ والسلام  پر کمال مہربانی کی ہے اور بلندہمت اور بلند بخت ہیں  وہ احباب جنہوں  نے  مَدَنی   چینل   کے قیام کو عمل میں  لانے کیلئے دامے دَرمے قدمے سُخنے حصہ لیا۔