(822)  حضرت مولانامحمد حنیف عباسی   مُدَّظِلُّہُ العَالِی

 (جامع مسجدصدیق اکبر، علی ٹاؤن ساؤتھ،  اڈیالہ روڈ، راولپنڈی، پنجاب، پاکستان)

           مَدَنی   چینل  اس میڈیاکے دورمیں  ایک اہم ضرورت کے طور پرمحسوس کیاجارہاتھا ، اس میں  عملی طور پرایک بَہُت بڑی کامیابی ہے۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (823)  حضرت مولاناقاری محمد شفاقت چشتی   مُدَّظِلُّہُ العَالِی

 (جامع مسجدعمر،  ہل ویو لائن ، اڈیالہ روڈ، راولپنڈی، پنجاب، پاکستان)

          الیکٹرانک میڈیا کے اِس دور میں   مَدَنی   چینل   کامنظرِعام پرآنایقیناًخوش آئند ہے اوربالخصوص نوجوان نسل کوراہِ راست پرلا کران کے دِلوں  کے اَندر عشقِ رسُولصلَّی اللہ تعالٰی علیہ واٰلہٖ وسلَّم پیدا کرنے کا ایک اَھم ذریعہ ہے۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (824)  مناظراہلسنّت حضرت مولاناافتخارحبیبی نقشبندی شہید علیہ رحمۃ اللہ القدیر

 (مدرس جامعہ اسلامیہ نوریہ ٹرسٹ،  منو جان روڈ ، ہدہ کوئٹہ ، بلو چستان ، پاکستان)

            اَلْحَمْدُ لِلّٰہِ عَلٰی اِحْسَانِہٖ ! دعوت اِسلامی کا میڈیا پر آنا بَہُت ہی مثبت اِقدام ہے،  اس سے  پوری اُمتِ مُسلِمہ کو اِسلامی تعلیمات سیکھنے کاموقع مَیسَّرآئے گا۔ اگر مَدَنی   چینل   میں  اُردوزبان کے ساتھ ملک کی مقامی زبانوں میں  بھی مُبلِّغِین کے بیانات کاسلسلہ شروع کیا جائے توہمارے ملک کے وہ لوگ جوگاؤں ،  دیہات اورقصبوں میں رہتے ہیں اُن کوبھی علمِ دِین سیکھنے کابھرپورموقع ملے گا۔

             مَدَنی   چینل   کے اِجراء سے  قرآن وسُنَّت کا پیغام گھر گھر پَہُنچے گا۔اللہ تعالٰی دعوتِ اسلامی اور مَدَنی   چینل   کو تر قّیاں  عطا فرمائے، آمین ۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

  (825)  حضرت مولانامفتی خلیل احمد قادری   مُدَّظِلُّہُ العَالِی

 (امام و خطیب جامع مسجدغوثیہ،  غوثیہ کالونی،   K بلاک ،  ماڈل ٹاون مرکزالاولیاء لاہور)  

            رمضان المبارک کے مُقدّس و بابَرَکت مہینے میں اِسلامی بھائیوں  کی وساطت سے  پیارے آقا جناب محمد مصطفٰیصلَّی اللہ تعالٰی علیہ واٰلہٖ وسلَّمکی پیاری پیاری سُنَّتوں  کا پرچار کرنے والی عالمگیر غیر سیاسی تحریک دعوت اسلامی کے زیرِ اِہتمام  مَدَنی   چینل   کے اِجراء کی اِطلاع موصول ہوئی،  بندہ زیارت کیلئے حاضر ہوا اور خوشی محسوس ہوئی۔ بندۂ ناچیز دعوتِ اسلامی کی اس کاوش کو خوب خوب سراہتے ہوئے اِعتراف کرتا ہے کہ اہلسنّت و جماعت کے جُملہ طبقات میں  جس طرح تبلیغ و سُنَّت کے باقاعدہ نظام کے قیام کا سہرا دعوتِ اسلامی کے سر ہے۔ بعینہٖ میڈیا کے اس دور میں  جدید نسل کی قرآن وسُنَّت سے  آگاہی کیلئے  مَدَنی   چینل   کا آغاز کرنے کی سعادت بھی دعوتِ اسلامی کو حاصل ہوئی ہے۔بندہ ناصرف دعوتِ اسلامی کی اس کارکردگی پر آفرین کہتا ہے بلکہ نوجوان نسل کی تربّیت و اِصلاح کے اس حسین اَنداز پر تمام اراکینِ  مَدَنی   چینل   کا مشکور بھی ہے۔

            اُمید ِ واثق ہے کہ  مَدَنی   چینل   کے ذریعے بے شمار لوگ قرآن و سُنَّت کے شیدائی بن جائیں  گے اور نازیبا پروگراموں  کی بجائے قرآن و سُنَّت کے پیغامات سے  سرخرو ہوں گے۔ اللہ تعالٰی تمام دُنیا میں اِسلام کا بول بالا فرمائے اور ہم سب کو اپنے حبیب جناب محمد مصطفٰے صلَّی اللہ تعالٰی علیہ واٰلہٖ وسلَّم کا سچا و پکا عاشق بنائے،  آمین ۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (826)  حضرت مولاناقاری محمد عرفان قادری  مُدَّظِلُّہُ العَالِی

 (امام و خطیب جامع مسجدخدیجہ الکبریٰ، PCSIR سوسائٹی،  کالج روڈ مرکزالاولیاء لاہور)  

            ہر وہ ذریعہ جو دِین کی اِشاعت اور تبلیغ کیلئے معاون ثابت ہو اس کو اِستعمال میں  لانا جائز ہے۔  مَدَنی   چینل   دِین کی اِشاعت اور دِلوں  میں محبت رسُول صلَّی اللہ تعالٰی علیہ واٰلہٖ وسلَّم پیدا کرنے کا ایک مؤثر ذریعہ ہے لہٰذا اسے  جاری رکھا جائے۔   بیہودہ کلچر اور بے حیائی کے سبب لوگوں  کے اِیمان کمزور ہورہے ہیں ۔  مَدَنی   چینل   اُن کے اِیمان کی بقاء کا ضامن ہے۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (827)  حضرت مولانابشیر احمد رحیمی   مُدَّظِلُّہُ العَالِی

 (مہتمم دارالعلوم غوثیہ رضویہ،  امام وخطیب جامع مسجد غوثیہ رضویہ،  کراچی روڈ ، خضدار، بلوچستان، پاکستان)

            اللہ عَزَّوَجَلَّ کا شکر ہے کہ ہمیں  مسلمان سُنّی گھرانے میں  پیدا فرمایا اور اُس کا لاکھ لاکھ ا ِحسان ہے کہ ُاس نے ہمیں اعلیٰ حضرت،  امام اہلسنّت مولانا شاہ امام احمد رضا خان علیہ رحمۃ