صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (32)   حضرت مولانا مفتی عبدالحمید چشتی مُدَّظِلُّہُ العَالِی

 (صدر مدرس دار العلوم غوثیہ جامع العلوم خانیوال)

            پوری دنیا پر یہ بات روزِ روشن کی طر ح عیاں  ہے کہ اس پرفتن دور اور فرقہ پرستی کے زمانہ میں  اپنی بصیرت افروز مؤمنانہ فراست سے  جس شخصیت نے اہلِ سنت کو کامل سہارا دیا وہ حضرت علامہ مولانا محمد الیاس قادری دامت برکاتہم العالیہ ہیں  جو صلٰوۃ و سنت کی عالمگیر تحریک  ’’  دعوتِ اسلامی  ‘‘  کے بانی اور امیر بھی ہیں ۔حضرتِ موصوف نہ صرف وراثتِ رسول کے امین باتمکین ہیں  بلکہ ان کے تزکیہ نفسوس وتربیتِ رِجال کا زمانہ معترِف و شاہد ہے۔ جس فیضانِ نظر سے  انہوں  نے ننھے سروں  پر کیف آور زلفیں  اور نورانی دستاریں  اور اس کے ساتھ مزید نوجوان چہروں  پر سنت کے مطابق داڑھیاں  سجوائیں  اور قول و فعل میں  سنتوں  کے دئیے روشن کیے وہ انہیں  کا اس دور میں  خاصہ ہے۔

اِیْں  سعادت بَزَورِ بازو نَیْست                                                                                                تا  نہ  بَخْشَد خدائے بَخْشِنْدَہ

            انہوں  نے لاکھوں  طالبانِ حق کے دلوں  میں  … تقویٰ و طہارت کا نور … اخلاص و وفا کی روشنی… حبِ رسول کی حلاوت … سجدوں  اور تلاوتِ قرآن کی شیرینی … نعتوں  کے ترانے … درود و سلام کی وجد آفریں  ایسی خوشبوئیں  مہکائیں  کہ ہر شخص امیرِ کارواں  کے ایک ایک پاکیزہ سانس اور معطر لمحات کو اجابت آمیز دعائیں  دے رہا ہے… کون امیرِ کارواں ؟ … جن کی خلوت و جلوت قابلِ تقلید و قابلِ رشک… جو اسلافِ صالحین کے علم و عمل کے پیکرِ نور… جن کا تفقہ فی الدین میں  اعلیٰ مقام … دین کی روح اور مذہب کی تقدیس کا ہر وقت احترام … آدابِ شریعت میں  ید طولیٰ اور کامل دسترس … عرفان خدا عَزَّوَجَلَّ اور عشقِ مصطفی صلّی اللہ تعالٰی علیہ واٰلہٖ وسلّم کی وہ جیتی جاگتی نورانی تصویر …جو کہ نہ صرف خضرِ راہِ عشق ہیں  بلکہ سالار کاروان اہلِ سنّت و سنّیت بھی ہیں ۔

            جن کے بیان کی چاشنی… تقریر کا اعجاز … عزم کی پختگی… کردار کی بلندی… فکر کی جولانی … حلم وتواضع کی رَعنائی … اخلاق کی دل کشی… علم و فضل کی شوکت و جلالت … فقر و معرفت کی نورانیت … خطابت کا جلال … رشد و ہدایت کا جمال … تصنیف کی پختہ کاری … حق و صداقت کی حمایت … اعلاء کلمۃ اللہ کی جرأ ت قابلِ ستائش ہے،  غرضیکہ حضرت موصوف بزرگانِ دین کے فیض اور خوبیوں  کا مجموعہ ہیں ،  بقول شاعر

لَیْسَ عَلَی اللہ بِمُسْتَنْکر                    اَنْ یَّجْمَعَ العَالَمَ فِیْ وَاحِد

یعنی اللہ تعالٰی کی قدرت سے  یہ بعید نہیں  کہ تمام جہانوں  کو ایک شخصیت میں  جمع کردے۔

            حضرتِ موصوف کی مختلف مذہبی،  اخلاقی ،  روحانی ،  عملی فکری،  فقہی ،  حمدیہ و نعتیہ موضوعات پر تصانیف کثیرہ و کیسٹ،  اہل سنت کے لیے علم و ادب کا سرمایۂ اعزاز بھی ہیں  اور ہدایت کا مینارئہ نور بھی۔اللہ تعالٰی اپنے محبوب صلّی اللہ تعالٰی علیہ واٰلہٖ وسلّم کے طفیلِ امیر اہل سنت اور دعوتِ اسلامی کو مزید شرفِ قبولیت سے  نوازے۔آمین ثم آمین

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (33)   حضرت علامہ مولانا شیر محمد مُدَّظِلُّہُ العَالِی

 (خطیب جامع مسجد غلہ منڈی پاک پتن شریف)

             اَحَبُّ الْمَجْد وَالْجَاہ ،  فیض درجت فیض رساں  ،  عمیم الجود والا حسان ،  حامی سنت،  عاشقِ مدینہ،  کشتہ درِ عشق رسول اللہ صلّی اللہ تعالٰی علیہ واٰلہٖ وسلّم حضرت علامہ الحاج مولانا محمد الیاس صاحب قادری رضوی ضیائی  لا زالت شموس رفعتھم امت مصطفی میں  یکتا مقام رکھتے ہیں ،  سلف صالحین کی طرح آپ نے دین متین کے لیے بہت سی خدمات پیش کی ہیں  اور کررہے ہیں ۔ آپ کی شاہکار تصنیف عظیم و ضخیم کتاب مستطاب  ’’  فیضانِ سنت  ‘‘  اور دیگر رسائل اور مسلکِ حقہ اہل سنت و جماعت کی شب و روز تبلیغ اور احیائے سنتِ رسول ِاکرم صلّی اللہ تعالٰی علیہ واٰلہٖ وسلّم کی اَن تھک کوشش یہ سب کچھ مولانا موصوف کا عمل بن چکا ہے،  حضرتِ موصوف ہمارے لیے گراں  قدر سرمایہ ہیں ۔ اللہ تعالٰی جناب محترم،  رہبرِ

شریعت و طریقت ،  عمدۃ الواصلین ،  عاشقِ رسول ابو المعالی مولانا محمد الیاس صاحب قادری رضوی امیر دعوتِ اسلامی کی سعیٔ بلیغہ کو قبول فرمائے اور ان کے ساتھ پورا تعاون کرنے کی توفیق عطا فرمائے۔

            بندئہ ناچیز کو دعوتِ اسلامی سے  زیادہ میل جول نہیں  تھا،  اتفاقاً ہماری جامع مسجد غلہ منڈی پاک پتن شریف میں  دعوتِ اسلامی کے دوست رمضان شریف کے آخری عشرہ میں  برائے اعتکاف تشریف لائے۔ اسی رات خواب میں  مجھے حضرت موصوف مولانا محمد الیاس صاحب قادری کی زیارت ہوئی اور آپ نے مجھے اپنی کتاب فیضانِ سنت عطا فرمائی۔یہ معاملہ خواب کا تھا،  اس کا نتیجہ یہ نکلا کہ دعوتِ اسلامی کے دوستوں  نے مجھے ِمن و َعن کتاب  ’’  فیضانِ سنت  ‘‘  عطا فرمائی تو مجھے یقین ہوگیا کہ یہ لوگ اللہ تعالٰی کی طرف سے  بھیجے ہوئے ہیں  اور یقیناً کامیاب ہوں  گے۔ اس دن سے  مجھے  ’’ دعوتِ اسلامی سے  پیار ہوگیا۔  ‘‘ اللہ تعالٰی اپنے کرم و فضل سے  دعوتِ اسلامی سے  پور اپورا تعاون کرنے کی توفیق بخشے،  آمین ثم آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (34)   حضرت مولانا حافظ محمد عبدالستار سعیدی مُدَّظِلُّہُ العَالِی

 (شیخ الحدیث و ناظم تعلیمات جامعہ نظامیہ مرکز الاولیاء لاہور)

          اللہ کے فضل وکرم سے  پاکستان اور بیرون ملک دعوتِ اسلامی کی سرگرمیاں  نبی پاک کی سنتوں  کو عام کرنے اور تحقیقی مسائل پر مبنی چھوٹی اور بڑی کتابیں  شائع کرنے میں