مذہبی  چینل  ہے جو قرآن و  سُنَّت کے مطابق لوگوں  کی تربیت کے لیے کوشاں  ہے۔ اللہ تعالٰی امیراہلسنّت دامت برکاتہم العالیہ کو اِس کے اِجراء پر اپنی بے پایاں  رحمت سے  نوازے ، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (748) حضرت مولانا قاری سیِّد احمد فریدی  مُدَّظِلُّہُ العَالِی

 (مہتمم مدرسہ جامعہ نوریہ رحیمیہ ، شفقت بلاک 27 والا روڈ ، اوکاڑہ ، پنجاب،  پاکستان)

            اللہ تعالٰی  اپنے عظیم خزانوں  سے  بے پنا ہ کرم نوازی فرمائے امیر اہلسنّت ،  بانیٔ دعوتِ اسلامی حضرت علامہ مولانا محمد الیاس عطارؔ قادری زید مجدہ ٗ پر جنہوں  نے دورِ حاضر کے مسلمانوں   کو  مَدَنی   چینل   کا تُحفہ نافِعہ عطا فرمایا۔ اَلْحَمْدُلِلّٰہ عَزَّوَجَلَّ اِس سے  ہمارے بچے ، بچیاں  گھر بیٹھے بڑی آسانی سے  علمِ دین کی دولت سے  اپنی خالی جھولیاں  بھررہے ہیں  اور گمراہوں  کی اِصلاح ہورہی ہے۔

            اللہ تعالٰی  مَدَنی   چینل  کو حاسدین کے حسد،  شریروں  کے شر اور ہر طرح کی نظر بدسے  محفوظ رکھے۔اِس کی اِنتظامیہ کو مزید دولتِ اِخلاص سے  مالا مال فرمائے،  آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (749) حضرت مولانا قاری عاشق حسین القادری  مُدَّظِلُّہُ العَالِی

 (ناظم اعلیٰ ، مدرسہ برکات القرآن،  اوکاڑہ ، پنجاب،  پاکستان)

             مَدَنی   چینل  کااِجراء بے شک دعوتِ اسلامی کی طرف سے  دین اِسلام اور مَسلکِ حق اہلسنّت و جماعت کی اَحسَن اَنداز میں  اشاعت اور نوجوانوں  ،  بچوں اور بوڑھوں  کی صحیح اِسلامی تربیت کا اِنتہائی مُخلِصانہ اِقدام ہے ۔اس کی جتنی بھی تعریف کی جائے کم ہے۔ مولیٰ کریم اس کو مزید نافعِ خلائق بنائے اور امیردعوتِ اسلامی حضرت علامہ مولانا ابوبلال محمد الیاس عطار ؔقادری دامت برکا تہم العالیہکو اس اِقدام پر بے پناہ اَجر سے  نوازے،  آمین ۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (750) حضرت مولانا قاری محمد عبدالغفار نقشبندی  مُدَّظِلُّہُ العَالِی

 (y- 70-6نیو ملتان شریف ، پنجاب،  پاکستان)

            اِس پُرفِتَن دور میں  جب کہ ہر طرف سے  لادینیّت اور عقائدِ باطِلہ کی یلغار ہے اور دین کا نام لے کر اہلِ ایمان کو اصل دین یعنی نبی کریم  صلَّی اللہ تعالٰی علیہ واٰلہٖ وسلَّمکی محبت سے  دُور کیا جارہا ہے۔  مَدَنی   چینل   ایسے  وقت میں  ٹھنڈی ہوا کے جھونکے کا درجہ رکھتا ہے۔ جس طرح دعوتِ اسلامی نے آقا صلَّی اللہ تعالٰی علیہ واٰلہٖ وسلَّمکی سُنَّتوں  اور سرکار ِ دوعالمصلَّی اللہ تعالٰی علیہ واٰلہٖ وسلَّمکی نعتوں  کے ذریعے اہلِ ایمان کے دِلوں  کو جِلا بخشی ہے اِسی طرح  مَدَنی   چینل   دعوتِ اسلامی کے اِس مؤثر انداز ِ تبلیغ کو عام اور آسان کرنے میں  معاون ثابت ہوگا۔دعوتِ اسلامی کو صدہا مبارک باد کہ ایک ایسے   چینل  کا اِجراء کیا جس کی اَشدّ ضرور ت تھی۔ اللہ تعالٰی اپنے محبوب صلَّی اللہ تعالٰی علیہ واٰلہٖ وسلَّمکے طفیل  مَدَنی   چینل   کے اَربابِ بست وکشاد کو اَجرِ عظیم اور اس ادارے کو دِن دُونی رات چوگنی ترقی عطا فرمائے ، آمین۔

منشاء یہی ہے سلسلۂ قیل و قال کی

ہوتی رہے ثناء تیرے حسن و جمال کی

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                           صلَّی اللہ تعالٰی علٰی مُحمَّد

 (751) حضرت مولانا منظور احمد قادری  مُدَّظِلُّہُ العَالِی

 (چک نمبر55 / 2.L، اوکاڑہ ، پنجاب ، پاکستان)

            بفضلہ تعالیٰ ہمیں  مَدَنی   چینل   کے ذریعے بیک وقت حمد و نعت کے ساتھ ساتھ اَمْرٌ بِالْمَعْرُوْفِ وَنَہْیٌ عَنِ الْمُنْکَرِ  (نیکی کی دعوت دینے اور بُرائی سے  منع کرنے ) کی خوشبوؤں  سے  مالا مال  مَدَنی  سِلسلوں  سے  لہلاتے گلشن دِلرُبا کی سیر بھی ہوجاتی ہے۔ ناگفتہ بہ حالات میں  سچ تو یہ ہے کہ  مَدَنی   چینل   ہی وہ مُجلّٰی ومُصَفّٰی اِسلامی  چینل  ہے جو شب و روز خوفِ خُدا عَزَّوَجَلَّ ، عشقِ مصطفٰے  صلَّی اللہ تعالٰی علیہ واٰلہٖ وسلَّم، فیضانِ اَنبیائ،  فیضانِ صحابہ اور فیضانِ اَولیاء و عُلَماء  (علیہم الصلوٰۃ والسلام ورضی اللہ عنہم ورحمہم اللہ تعالٰی)  کوہر فرد تک پَہُنچانے کے لئے اَنتھک کوششیں  کررہا ہے اور یقیناً اِن چیزوں  کا حُصُول ہی ہماری حقیقی کامیابی کی علامت ہے ۔

            دُعا ہے کہ ہم بھی بے دِینی و بے حیائی کے طوفانِ بدتمیزی کی بپھری موجوں  سے  بچنے کے لیے دعوتِ اسلامی کے بیڑہ میں  سوار رہیں  اور اِس بیڑے کے ناخدا پیکر صِدق و صفا سراپا خُلُوص و وفا،  یادگارِ علماء و صُلَحا حضرت علامہ مولانا ابوبلال محمد الیاس عطارؔ قادری رضوی دامت فیوضہم العالیہ کی جُملہ مساعیٔ جمیلہ بشمول  مَدَنی   چینل  کو شرفِ قَبولیت و درجہ مَقبُولیت و مرتبۂ محبوبیت عطا فرمائے ،  آمین۔