کردیا ہے۔اللہ تعالٰی اپنے محبوبِ کریم صلَّی اللہ تعالٰی علیہ واٰلہٖ وسلَّمکے صدقے سے   مَدَنی   چینل  ، دعوتِ اسلامی اور اہلسنّت و جماعت کی ہر تحریک کو دن دُونی اوررات چوگنی ترقی عطا فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (676) حضرت مولانا حافظ محمد ارشد رضوی مُدَّظِلُّہُ العَالِی

 (مہتمم دارالعلوم جامعہ رضویہ،  شاہدرہ ، مرکزالاولیاء لاہور)

            اَلْحَمْدُلِلّٰہِعَزَّوَجَلَّ تبلیغِ قرآن و سُنَّت کی غیر سیاسی عالمگیر تحریک دعوتِ اسلامی نے جہاں  بَہُت سے  شعبوں  میں  گرانقدر خدمات سر انجام دی ہیں ۔ وہاں  اُن کا اہلسنّت پر ایک عظیم اِحسان  مَدَنی   چینل   کی صورت میں  ہے ۔اس وقت معاشرے میں  جو دِین سے  دُوری ، بدعقیدگی ،  فحاشی و عُریانی کی یلغار ہے۔ اس کے تدارک میں  یہ  چینل  ایک سیسہ پلائی ہوئی دِیوار کی حیثیت رکھتا ہے۔ خاص طور پر اس وقت فکرِ اعلیٰ حضرت مولانا شاہ امام احمد رضا خان علیہ رحمۃ الرحمن کو عام کرنے کی ضرورت ہے اور موجودہ دور میں خالصتاً شرعی  چینل  کوئی نہیں  ہے۔ ان دونوں  کاموں  کے لیے  مَدَنی   چینل   کا منظر عام پر آنا اہلسنّت و جماعت کے لیے کسی خوشی سے  کم نہیں  ہے۔ دُعا ہے کہ اللہ ربُّ العزّت عَزَّوَجَلَّ مکی  مَدَنی  حبیب صلَّی اللہ تعالٰی علیہ واٰلہٖ وسلَّمکے صدقے دعوتِ اسلامی و بانیٔ دعوتِ اسلامی کی خیر فرمائے،  آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (677) جگر گوشۂ خلیفہ محدِّث اعظم پاکستان حضرت مولانا عطاء الرسول رضوی  مُدَّظِلُّہُ العَالِی

 (دارالعلوم جامعہ نوریہ رضویہ انوارالقرآن،  اندرون بوہڑ گیٹ، مَدِینَۃُ الاولیاء ملتان ،  پنجاب،  پاکستان)

            اَلْحَمْدُلِلّٰہِعَزَّوَجَلَّ  مَدَنی   چینل   دیکھنے کا کئی بار اِتِّفاق ہوا،  اوراس  چینل  کو ہم نے خوب سے  خوب تر پایا۔ اس پُرفِتَن دور میں  الیکٹرانک میڈیا کی یَلغار اور یہود و ہنود کے ناپاک پروگرامز اور دیگر حضرات جو اِسلام کا لبادہ اَوڑھ کر اِسلام کے خلاف زہر اُگل رہے ہیں ۔ ان کا سدِّباب کرنے کے لیے اور مَسلکِ رضا کی تعلیمات کو عام کرنے کے لئے قبلہ امیر اہلسنّت ابوبلال علامہ مولانا محمد الیاس عطارؔ ؔقادری دامت برکاتہم العالیہ نے  مَدَنی   چینل   کا اِجراء فرمایا ہے۔ قابلِ تحسین عمل ہے۔

            فقیر اللہ عَزَّوَجَلَّ کی بارگاہ میں  دُعا گو ہے کہ اس  مَدَنی   چینل   کے فیضان کو تا قیامت جاری فرمائے اور اس کاوِش پر مرکزی مجلس شوریٰ کو بھی اللہ تعالٰی اَجرِ عظیم عطا فرمائے ، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (678) حضرت مولانا محمد یار رضوی مُدَّظِلُّہُ العَالِی

 (خطیب جامع مسجد المدینہ ، مہتمم مدرسہ و جامعہ انوار حبیب،  بستی ملوک، مَدِینَۃُ الاولیاء ملتان،  پنجاب،  پاکستان)

            اَلْحَمْدُلِلّٰہِعَزَّوَجَلَّ نیک اَعمال کی ترغیب دینے والی قرآن وسُنَّت کی عالمگیر غیر سیاسی تحریک دعوتِ اسلامی کے ایک اور تبلیغی اِ قدام  مَدَنی   چینل  کے عالم وُجُود میں  آنے کی خبر سن کر اِنتہائی مَسرَّت ہوئی۔ اللہ تعالٰی دعوتِ اسلامی کے اس اِقدام کو بھی کامیابی وکامرانی سے  ہمکنار فرمائے۔دعوتِ اسلامی والوں  نے  مَدَنی   چینل   شروع کرکے اُمت مُسلِمہ پر اِحسان فرمایا ہے۔

             مَدَنی   چینل   وہ واحد  چینل  ہے جس کو دیکھ کر آنکھیں  بے حیائی سے  محفوظ رہتی ہیں ۔ یہ  چینل  موجودہ دور کی علمی ضروریات کو پورا کررہا ہے۔ شیخ طریقت امیر اہلسنّت حضرت علامہ مولانا محمد الیاس عطارؔقادری دامت برکاتہم العالیہ وقت کے  تقاضوں  کے عین مطابق اہلِ اسلام اور اہلِ ایمان کی رہنمائی فرمارہے ہیں ۔  مَدَنی   چینل   اس پُرفِتَن دور میں  عریانی،  فحاشی اور بے حیائی کے خلاف بَہُت بڑا جہاد ہیمیری دِلی دُعا ہے کہ اللہ عَزَّوَجَلَّ  مَدَنی   چینل   کو تاقیامت جاری رکھے اور ہر مسلمان کو  مَدَنی   چینل  دیکھنے کی عادت پڑ جائے،  آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (679) حضرت مولانا قاری محمد سلیمان مُدَّظِلُّہُ العَالِی

 (خطیب علی مسجد ، علی پارک،  ضلع اوکاڑہ،  پنجاب،  پاکستان)

            جس طرح دین اِسلام کو صفحۂ ہستی سے  مٹانے کی ناپاک جسارت کرنے والوں  کی کسی بھی دور میں کمی نہیں  پائی گئی ۔بالکل اِسی طرح اِن ناپاک جسارت کرنے والوں  کا مقابلہ کرنے والے غلامانِ مصطفٰے صلَّی اللہ تعالٰی علیہ واٰلہٖ وسلَّم کے وُجُود مَسعُود سے  بھی کوئی دور خالی نہیں  رہا۔ چُنانچِہ اُن بندگانِ عالیشان میں  سے  دورِ حاضر کی معروف ومتقی شخصیت بانی ٔدعوتِ اسلامی حضرت شیخ طریقت،  امیراہلسنّت حضرت علامہ مولانا محمد الیاس عطارؔ قادری رضوی دامت برکاتہم العالیہ بھی ہیں  جنہوں  نے اپنی مختصر سی زندگی میں  دین اِسلام کی بِلاشک و شُبہ بے پناہ خدمت کی ہے اور بڑے اَحسَن اَنداز میں  دعوتِ اسلامی کو مختلف شُعبوں  میں  تقسیم کرکے اُن کو دوام بخشا ہے۔  مَدَنی   چینل   بھی اپنی اَہمیت کے لحاظ سے  تمام شعبوں  پر فوقیت رکھتا ہے ۔