کو پروان چڑھا رہی تھی اللہ  عَزَّوَجَلَّ کے فضل وکرم سے  اُسی اسکرین سے  اللہ عَزَّوَجَلَّاور اس کے رسُول صلَّی اللہ تعالٰی علیہ واٰلہٖ وسلَّمکا ذکر عام ہو رہا ہے ۔ دُعا ہے کہ اللہ  تعالٰی اپنے حبیب صلَّی اللہ تعالٰی علیہ واٰلہٖ وسلَّمکے طفیل  مَدَنی   چینل   کو ترقی عطا فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (672) حضرت مولانا قاری احمد نواز چشتی مُدَّظِلُّہُ العَالِی

 (مدرس ادارہ معین الاسلام بیربل شریف،  تحصیل شاہ پورگلزارطیبہ (سرگودھا)  پنجاب،  پاکستان)

            یہود و نصاریٰ جو کہ مسلمانوں   کے اَزلی دُشمن ہیں ۔ انہوں  نے میڈیا کے ذریعے نوجوان نسل کو تباہ کرنے اور اُن سے  اِیمان کی دولت چھیننے کی مذموم کوشش کی۔ جس کی وجہ سے  مسلمان نوجوان گمراہی کی دلدل میں  پھنستے جارہے تھے۔

            اَلْحَمْدُلِلّٰہِعَزَّوَجَلَّ مَدَنی   چینل   جو کہ مکمل اِسلامی  چینل  ہے اس کے ذریعے بھٹکے ہوئے آہُوکا پھر حرم سے  رابطہ ہوجائے گا۔ اللہ تعالٰی مولانا الیاس عطارؔ قادری صاحب کو عمرِ خضر عطا فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (673) حضرت مولانامفتی پیر سیِّد علی اکبر شاہ نقوی  مُدَّظِلُّہُ العَالِی

 (سجادہ نشین آستانہ عالیہ نورالھدی فیض آباد، مفتی ومدرس جامعہ امینیہ رضویہ سردارآباد  (فیصل آباد)  پنجاب،  پاکستان)

            اَلْحَمْدُلِلّٰہِ عَزَّوَجَلَّجب سے  قرآن و سُنَّت کی عالمگیر غیر سیاسی تحریک دعوتِ اسلامی قائم ہوئی،  تب سے  نبی ٔکریم صلَّی اللہ تعالٰی علیہ واٰلہٖ وسلَّمکی سُنَّت مُبارَکہ کی میٹھی میٹھی خوشبوئیں  اہلِ اِیمان کے قُلُوب و اذہان اور ماحول کو مُعطَّر کرتی چلی آرہی ہیں ۔ اگرچہ بعض حاسدین نے دعوتِ اسلامی کے مُبلِّغِین کو جاہِل وغیرہ کے طعنے دے کر ان کے حوصلوں  کو پَست کرنے کی ناکام کوشش کی لیکن اللہ عَزَّوَجَلَّکے فضل و کرم اور نبی اکرم صلَّی اللہ تعالٰی علیہ واٰلہٖ وسلَّمکے نعلینِ مُقدّس کے طفیل دعوتِ اسلامی کے عُلَماء اور مُبلِّغِین کے علمی وتحقیقی کام کے سامنے وہ طِفل ناتواں  نظر آتے ہیں  اوردعوتِ اسلامی کے تحقیقی کام نے اہلِ علم و قلم کو وَرطۂ حیرت میں  ڈال دیا۔

            اب چند ماہ پہلے امیر اہلسنّت ، حقیقی عاشقِ رسُول ، پیر طریقت،  رہبر شریعت حضرت علامہ مولانا ابوبلال محمد الیاس عطارؔ قادری رضوی دامت برکاتہم العالیہ نے تبلیغِ دین متین اور اِحیائے سُنَّت کیلئے  مَدَنی   چینل  کا اِفتتاح کرکے ان حاسدین کے لیے جلتی پر تیل کاکام کیا اور مَیں  سمجھتا ہوں  کہ حضرت امیر اہلسنّت دامت برکاتہم العالیہ نے  مَدَنی   چینل   شروع فرما کر کوئی حرام یا غلط کام نہیں  کیا بلکہ بے حیائی ،  فحاشی ،  عُریانی اور میڈیا پر چھائے ہوئے مذاہبِ باطِلہ کے خلاف اعلانِ جہاد کیا ہے اور مجھے اُمید بھی حضرت امیر اہلسنّت دامت برکاتہم العالیہ سے  تھی کہ میڈیا پر آکر ایسی بُرائیوں  کے سامنے بند باندھنے کی طاقت و صلاحیت اگر کسی میں  ہے تو وہ حضرت امیر اہلسنّت زید مجدہٗ کی ذات گرامی میں  ہے۔ اس لیے کہ بُرائیوں  سے  نفرت اور سُنّتوں  سے  محبت کی  مَدَنی  صلاحیتیں  اللہ تعالٰی جلَّ شانہٗ نے بچپن ہی سے  امیراہلسنّت دامت برکاتہم العالیہ کی  ذات میں  ودیعت کررکھی ہیں ۔

            لہٰذا امیراہلسنّت دامت برکاتہم العالیہ کی خدمت میں  میری  مَدَنی  التجا ہے کہ اس  مَدَنی   چینل   کو مزید بہتر بنا کر خوب خوب دینِ متین کی خدمت کریں  تاکہ بے حیائی و فحاشی اور مذاہبِ باطِلہ کا قلع قمع ہو۔ میری اور میرے دوست ،  احباب کی طرف سے  آپ دامت برکاتہم العالیہکو اور آپ کے ساتھیوں  کو  مَدَنی   چینل  شروع کرنے پر دِل کی اَتھا ہ گہرائیوں  سے  مبارک باد قبول ہو۔ اللہ تعالٰی عَزَّوَجَلَّ آپ کا اور آپ کے معاونین کا حامی و ناصر ہو ، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (674) حضرت مولانا قاری سیِّد افتخار علی شاہ مُدَّظِلُّہُ العَالِی

 (خطیب جامع مسجد مصطفائی،  پیپلزکالونی نمبر ۲ ، غوثیہ چوک ، سردارآباد (فیصل آباد)  پنجاب،  پاکستان)

            اَلْحَمْدُلِلّٰہِعَزَّوَجَلّ اہلسنّت و جماعت کی عالمگیر غیر سیاسی تحریک دعوتِ اسلامی کا اِسلامی  چینل  جس کا نام  مَدَنی   چینل  ہے دیکھ کر بَہُت زیادہ خوشی ہوئی۔ اللہ تعالٰی سے  دُعا ہے کہ اپنے پیارے حبیب صلَّی اللہ تعالٰی علیہ واٰلہٖ وسلَّمکے صدقے آپ کو اسی طرح مزید ترقّیاں  عطا فرمائے،  آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (675) حضرت مولانا صاحبزادہ منعم حسنین صدیقی مُدَّظِلُّہُ العَالِی

 (مہتمم دارالعلوم کریمیہ رضویہ وصدرتنظیم العلماء اہلسنّت وجماعت دارالسلام ( ٹوبہ)  پنجاب،  پاکستان)

            میڈیا کی دُنیا میں   مَدَنی   چینل   و ہ روشن چراغ ہے جو گناہ اور بد اَعمالیوں  کے اندھیروں  کو اپنی  مَدَنی  کِرنوں  سے  ہمیشہ کے لیے ختم کر رہا ہے۔یہ اہلِ علم اور عوام النّاس کے لیے یکساں  مُفید ہے۔یہ امیر اہلسنّت دامت برکاتہم العالیہ ہی کی کرامت ہے کہ جنہوں  نے بے راہ روی کی شکار نوجوان نسل کے دِلوں  کو عشقِ مصطفٰے صلَّی اللہ تعالٰی علیہ واٰلہٖ وسلَّم  کے نُور سے  مالا مال