(658) حضرت مولانا خالد جلالی مُدَّظِلُّہُ العَالِی

 (مدرسہ مرکز العلم ، مدینہ کالونی ، جناح روڈ ، گوجرانوالہ ،  پنجاب،  پاکستان)

            اللہ عَزَّوَجَلَّ کے فضل و کرم سے  دعوتِ اسلامی پہلے بھی پوری دُنیا میں 36 مختلف شعبوں  میں  مصروفِ عمل ہے۔ اب جب کہ مختلف  چینل  عُریانی اور فحاشی پھیلا رہے ہیں ۔ تو وقت کی ضرورت کے مطابق  مَدَنی   چینل   نے پیغامِ حق دیا ہے۔میری دُعا ہے اللہ تعالٰی اسے  تا قیامت پیغامِ حق سُنانے کی توفیق عطا فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (659) حضرت مولاناسیِّد علی عابد مشہدی مُدَّظِلُّہُ العَالِی

 (خطیب جامع مسجد مدینہ ، زیرانتظام جامعہ تنظیم الاسلام،  پیپلز کالونی ، گوجرانوالہ ،  پنجاب،  پاکستان)

            آج کے پُرفِتَن دور میں  اورنفسا نفسی کے عالَم میں  اِسلامی تعلیمات کو فروغ دینے کے لیے دعوتِ اسلامی نے ایک  مَدَنی   چینل   کا آغاز کیا ہے ۔ جس  سے  نہ صرف اِسلامی نظریات کو فروغ ملا بلکہ اِنسان کی رُوحانی اور لسانی پہلوؤں  کی بھی تشفی ہوئی۔ہم اِنتہائی وثوق سے  کہہ سکتے ہیں  کہ یہ کفر کے مقابلے میں  ایک ننگی تلوار کا کام کرے گا۔ہماری دُعا ہے کہ اللہ  تعالٰی ایسے  پروگراموں  کو جاری و ساری رکھے تاکہ اِسلام کاپرچم دُنیا میں  بلند رہے،  آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (660) حضرت مولانا محمد انور سعید مجددی مُدَّظِلُّہُ العَالِی

 (جامعہ تنظیم الاسلام،  3 / 4زیڈ بلاک ،  پیپلز کالونی،  گوجرانوالہ،  پنجاب،  پاکستان)

ضرورت جتنی جتنی بڑھ رہی ہے روزِ روشن کی

اَندھیرا اور گہرا اور گہرا ہوتا جاتا ہے

            موجودہ پُرفِتَن دور میں  اِسلامی تعلیمات کی ضرورت جتنی زیادہ ہے،  اُسے  اِتنا ہی پسِ پشت ڈالا جارہا ہے۔دین اِسلام کی تَرویج و ترقی کے لیے اور مسلمانوں   کے قُلُوب و اَذھان کی طَہارت کے لیے میڈیا کے اس دَور میں   مَدَنی   چینل   کا آغاز ایک عظیم کاوِش ہے، اللہ تعالٰی اس کاوِش کو قبول فرمائے اور تمام مسلمانوں    کو اس سے  اِستِفادہ کرنے کی توفیق عطا فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (661) حضرت مولانا حافظ محمد فاضل جامی مُدَّظِلُّہُ العَالِی

 (خطیب جامع مسجد بلال رسُول،  ڈسکہ، ضیاء کوٹ ( سیالکوٹ)  پنجاب،  پاکستان)

            اَلْحَمْدُلِلّٰہِعَزَّوَجَلََّ مَدَنی   چینل   کی خبر سُنتے ہی میری خوشی کی اِنتہا نہ رہی جیسے  کسی کو اِنعام ملے تو خوشی ہوتی ہے۔اہلسنّت و جماعت کی عظیم دِینی و تبلیغی غیر سیاسی تحریک دعوتِ اسلامی نے جو  مَدَنی   چینل   کا سلسلہ شروع کیا ہے،  یہ بَہُت عظیم کارنامہ ہے۔خلقِ خُداَّ اس سے  بَہُت فائدہ اُٹھاررہی ہے،  جب سے   مَدَنی   چینل   آیا ہے ناچیز نے اپنے حلقۂ اَحباب کو اِس کے دیکھنے اور  سُننے کی تلقین کی ہے اور کررہا ہے۔ کئی ملحد خیال  مَدَنی   چینل   کو دیکھنے سے  محبت سرکار صلَّی اللہ تعالٰی علیہ واٰلہٖ وسلَّممیں  سرشار نظر آرہے ہیں  اور بیشک  مَدَنی   چینل   عقائد میں  پختگی اور عمل میں  اِضافے کا سبب بن رہا ہے۔

             مَدَنی   چینل   میں مختلف موضوعات پر بَہُت مُفیدگفتگو ہوتی ہے۔ اوراہلسنّت وجماعت کو  مَدَنی   چینل   نے نئی تازگی اور ولولہ دیا ہے۔  مَدَنی   چینل  کے تمام اراکین ومعاونین خُصُوصاً ولی ٔکامِل عاشقِ رسُول امیر دعوتِ اسلامی حضرت مولانا محمد الیاس عطارؔ قادری دامت برکا تہم العالیہ  کو اللہ تعالٰی بطفیل  مصطفٰے صلَّی اللہ تعالٰی علیہ واٰلہٖ وسلَّمنظر بد سے  محفوظ فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

  (662) حضرت مولانا سیِّد محمد آصف نعیم گیلانی مُدَّظِلُّہُ العَالِی

 (خطیب جامع مسجد فیض رسُول،  محلہ اسلام پورہ،  ڈسکہ ضیاء کوٹ (سیالکوٹ )  پنجاب،  پاکستان)

            عصرحاضر الیکٹرانک میڈیا کا دور ہے۔ نسلِ نو کے ذِہنوں  کو پرا گندہ کرنے کے لیے اس میڈیا نے اَہم کردار ادا کیا ہے۔ ضرورت اس ا مر کی تھی کہ میڈیا کے ذریعے ان مُنکرات کے سامنے بند باندھا جائے اوراَلْحَمْدُلِلّٰہِعَزَّوَجَلَََّّدعوتِ اسلامی نے آج اِس ضرورت کو پورا کر دیا ہے۔ امیر اہلسنّت دامت برکاتہم العالیہ نے  مَدَنی   چینل  کے ذریعے قرآن وسُنَّت کی ترویج و اِشاعت کا بیڑا اُٹھایا ہے ۔ اللہ تعالٰی امیر اہلسنّت  مُدَّظِلُّہُ العَالِی کا سایہ اہلسنّت پر تادیر قائم رکھے، آمین۔