الیکٹرانک میڈیا پر غلبہ حاصل کرکے آج اہلِ مغرب نے اِسلامی اقدار کو ناقابلِ تلافی نقصان پَہُنچایا ہے۔ لہٰذا اِس کے اِزالے کے لیے الیکٹرانک میڈیا کا اِستعمال وقت کی ضرورت بن چکا ہے۔ عالمگیر غیرسیاسی اِسلامی تحریک دعوتِ اسلامی کی  مَدَنی   چینل   کی صورت میں  یہ کاوِش  ’’ دِیرآید دُرُست آید  ‘‘  کا مِصْداق ہے۔اِس کے ذریعے دعوت و تبلیغ کو گھر گھر تک پَہُنچایا جارہا ہے جو کہ مغرب زدہ معاشرے کے لیے اِنتہائی ضروری ہے۔  مَدَنی   چینل  بے حیائی اور فحاشی کے خلاف عملی جہاد ہے۔

اللہ  کرے  ہم  کو  راہِ  رسُول  پہ  چلنا  نصیب  ہو

کب سے  گِرے پڑے ہیں  سنبھلنا نصیب ہو

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

  (654) حضرت مولانا قاری بشیر احمد اشرفی قادری مُدَّظِلُّہُ العَالِی

 (مہتمم جامعہ حنفیہ،  محلہ احمد آباد،  اوکاڑہ ،  پنجاب،  پاکستان)

            آپ کا  مَدَنی   چینل   تمام دُنیا اورخُصُوصاً اہلِ اسلام نے بَہُت پسند کیا اور اس سے  بُزُرگوں  ،  نوجوانوں ،  بچوں  اور بالخصوص اِسلامی بہنوں  کو دِین کے مسائل سمجھنے میں  آسانی ہوگئی ہے ۔ اللہ تعالٰی امیر اہلسنّت دامت برکاتہم العالیہ کی عمر دراز فرمائے اوراِن کے علم و عمل میں  اور زیادہ بَرَکتیں  عطا فرمائے اور اہلسنّت کا مزید کام کرنے کی توفیق عطا فرمائے،  اللہ تعالٰی حاسدین کے حسد سے  سدا بچائے اور  مَدَنی   چینل  کو مزید ترقی عطا فرمائے اوراس کو ہمیشہ جاری رکھنے کی توفیق عطا فرمائے ، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (655) خلیفہ محدِّث اعظم پاکستان حضرت مولانا محمد شریف رضوی مُدَّظِلُّہُ العَالِی

 (مہتمم جامعہ سعیدیہ رضویہ انوارالحدیث ، حافظ آباد،  پنجاب،  پاکستان)

             مَدَنی   چینل   جناب حضرت مولانا الیاس عطارؔ قادری مُدَّظِلُّہُ العَالِی کی تحریک دعوتِ اسلامی کا ایک مُستَحسَن اِقدام ہے۔ اِنْ شَاءَ اللہ عَزَّوَجَلَّ  دعوتِ اسلامی کا پاکیزہ مدنی ماحول اس  مَدَنی   چینل   کے ذریعے مسلمانوں   میں  اِصلاحِ احوال کا موجب بنے گا۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (656) جگرگوشۂ خلیفہ محدِّث اعظم حضرت مولانا احمدسعید مُدَّظِلُّہُ العَالِی

 (مدرس دارالعلوم جامعہ سعیدیہ رضویہ انوارالحدیث،  حافظ آباد ،  پنجاب،  پاکستان)

            یورپ نے الیکٹرانک میڈیا کے ذریعے بھی جنگ شروع کررکھی ہے اور وہ اپنے تمام ترسازوسامان کے ساتھ اِسلام کے خلاف صف آراء ہوچکا ہے اور اِسلامی تہذیب وتَمدُّن اور اَخلاقیات کی پُر شکوہ عمارت کو مُنہدِم کرنے کی ناپاک جسارت کررہا ہے۔مگر افسوس اِس بات کا ہے کہ اپنے بھی چند لوگ دُشمنوں  کی صف میں  کھڑے نظر آتے ہیں  کچھ تو مغربی تہذیب کے دِلدادہ ہیں  اور بعض مذہبی لبادہ اوڑھ کر اِسلامی رِوایات اور سلفِ صالحین کے طریقوں  پر آگ بگولا دِکھائی دیتے ہیں ۔یہ بات طے شُدہ ہے کہ آنکھیں  بند کرلینے سے  خطرات نہیں  ٹلتے،  دُشمن کیلئے میدان خالی چھوڑ دیا جائے اور ہلاکت خیز طوفانوں  کے سامنے بند نہ باندھے جائیں  تو بستیاں  اُجڑنے میں  دیر نہیں  لگتی۔اِن حالات میں  اگر کوئی زاہِد شب زندہ دار گوشۂ عافیت میں  جا بیٹھے اور اَفراد ِ ملّت کو ڈوبنے کے لیے خونیں  لہروں  کے حوالے کردے تو یہ غلامانِ مصطفٰے صلَّی اللہ تعالٰی علیہ واٰلہٖ وسلَّمکا شیوہ نہیں  بلکہ وہ تو ڈوبتوں  کو سہارا دیتے ہیں  اوربچے ہوؤں  کو محفوظ تر بنا تے ہیں  ۔

             مَدَنی   چینل   میڈیا کے حیا سوز ماحول میں  بادِ نسیم کا ایک جھونکا ہے،  جس سے  نوجوانوں  کو عشقِ رسُول صلَّی اللہ تعالٰی علیہ واٰلہٖ وسلَّمکا درس مل رہا ہے،  آنکھوں  کو رُونا نصیب ہورہا ہے،  خیالوں میں  پاکیزگی آرہی ہے،  جبینیں  سجدہ ریز ہورہی ہیں ،  زبانیں  نعت سرا ہیں  اور سماعتوں  میں  عشقِ مصطفٰے صلَّی اللہ تعالٰی علیہ واٰلہٖ وسلَّمکے نغمے گونج رہے ہیں ۔

            اللہ تعالٰی حضرت مولانا محمدالیاس عطارؔقادری دامت برکاتہم العالیہ کی اِن کاوِشوں  کو شرف ِ قَبُولیت عطا فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (657) حضرت مولانا حافظ محمد سعید احمد چشتی مُدَّظِلُّہُ العَالِی

 (مدرس جامعہ چشتیہ ضیاء القرآن راہوالی،  و خطیب مرکزی جامع مسجد خضراء ، گوجرانوالہ ،  پنجاب،  پاکستان )

            دُعا ہے کہ اللہ  تعالٰی اپنے حبیبِ لبیب صلَّی اللہ تعالٰی علیہ واٰلہٖ وسلَّمکے صدقے سے  اس  مَدَنی   چینل   کو لوگوں  کے لیے ذریعہ ہدایت بنائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد