(618) حضرت مولانا  حاجی محمد امیر جان جماعتی  مُدَّظِلُّہُ العَالِی

 (جامع مسجد نور ، محلہ جعفر آباد ، ملت چوک ، چکوال، پنجاب، پاکستان)

             مَدَنی   چینل  بَہُت ہی اچھا اِقدام ہے۔دُعاہے کہ اللہ تعالٰی  مَدَنی   چینل  کودن  دُونی رات چوگنی ترقی عطا فرما ئے ، آمین ۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

  (619) حضرت مولانا  حافظ محمد سجاد صدیقی    مُدَّظِلُّہُ العَالِی

 (خطیب جامع مسجد صلاح الدین،  راولپنڈی، پنجاب، پاکستان)

            بندۂ نا چیزکو  مَدَنی   چینل   کی نشریات دیکھنے کا 2008ء میں  موقع مُیسَّر آیا،  یہ ایک اچھی کاوش ہے ۔  مَدَنی   چینل   کا اِجرا فحاشی کے سدِّ باب کیلئے ایک عظیم کاوش ہے ۔ جس کے ذریعے سے  اَمْرٌبِالْمَعْرُوْفِ وَ نَھْیٌ عَنِ الْمُنْکَرِ (نیکی کی دعوت دینے اور بُرا ئی سے  منع کرنے ) کا کام اَحسَن طریقے سے  انجام دیا جا سکتا ہے۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (620) حضرت مولانا  حافظ محمد اظہر اقبال  مُدَّظِلُّہُ العَالِی

 (مدرس جامعہ رضویہ ضیاء العلوم ، راولپنڈی، پنجاب، پاکستان)

            بِحَمْدِاللہ تَعَالٰیجب مَیں  23جنوری2009ء کو فیضان مدینہ راولپنڈی میں حاضر ہوا توجامعۃ المدینہ کو دیکھ کرمجھے بڑی خوشی ہوئی ہے کہ وہاں  بڑا کام ہو رہا ہے ۔ اور اس کے علاوہ دعوت اسلامی نے جو  مَدَنی   چینل  کا آغاز کیا ہے وہ بھی ایک بہترین اور اچھا کام ہے ۔جس کے ذریعے کافی حد تک بے حیائی کا سدِّ باب ہورہا ہے کیونکہ  مَدَنی   چینل  کے ذریعے پوری دُنیا میں اپنا پیغام پہنچایا جا سکتا ہے۔

            اللہربُّ العزّت عَزَّوَجَلَّ سے  دُعا ہے کہ اللہ  تعالٰی ان کے اس اچھے کام کو تاقیامت قائم ودائم فرمائے اور اس میں  مزید ترقیاں  عطا فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (621) حضرت مولانا محمد رمضان سیالوی  مُدَّظِلُّہُ العَالِی

 (پرنسپل جامعہ نور الاسلام ، ملتان روڈ، مرکزالاولیاء لاہور، پاکستان)

            کسی بھی نظریہ کی بقاء عموماً دو طرح سے  ممکن ہوتی ہے:  (۱)  اُس نظریہ کی مؤثر تعلیم (۲)  اس نظریہ کے حامِل تربیت یافتہ افراد کی تیاری۔

            اہلسنَّت و جماعت کی نمائندہ عالمگیر غیر سیاسی تحریک دعوتِ اسلامی کے امیر،  چمنستان عُلَماء و صوفیاء کے قائد،  دینِ متین پر عمل اور عشقِ مصطفٰیصلَّی اللہ تعالٰی علیہ واٰلہٖ وسلَّممیں  لاکھوں  عُلَماء کیلئے نمونہ حضرت علامہ ابوبلال محمد الیاس عطارؔ قادری دامت برکاتہم العالیہ نے ایک طویل عرصہ تک دعوتِ اسلام کی فکر کے حاملین افراد کی تیاری پر خوب محنت فرمائی اور اللہ تعالٰی عَزَّوَجَلَّ نے نبی کریم صلَّی اللہ تعالٰی علیہ واٰلہٖ وسلَّمکے وسیلہ مبارکہ سے  اس میں  خوب بَرَکت ڈالی جس کا نتیجہ یہ ہے کہ آج دعوتِ اسلامی کاکام پوری دُنیا میں  پھیل رہا ہے اورہرطبقہ کے اَفراد اس سے  خوب خوب مُستَفِید ہورہے ہیں ۔بدقسمتی سے  اہلسنّت وجماعت کی تمام تنظیمات شخصیت پرستی کا شکا رہونے کے سبب ان کے قائدین کے رُخصت ہونے کے ساتھ ہی رُخصت ہوگئیں ۔

            چُنانچِہ مُتَعدَّد مرتبہ یہ وسوسہ دامن گیر ہوا کہ ہماری عظیم تحریک ’’  دعوتِ اسلامی  ‘‘  کے ساتھ بھی مَعَاذَ اللہ ایسا نہ ہو،  مگر امیر دعوتِ اسلامی مُدَّظِلُّہُ العَالِی کے خُلُوص کی بَرَکت سے  دعوتِ اسلامی میں  مختلف مجالس کے قیام او ر تقسیم کار سے  یہ شیطانی خیال دُور ہوگیا اور اللہ عَزَّوَجَلَّ کے بے پایاں  فضل سے  اُمید قوی ہے کہ اِنْ شَاءَ اللہعَزَّوَجَلَّدعوتِ اسلامی کا فیضان رہتی دُنیا تک جاری و ساری رہے گا اورظاہرہے مختلف مجالس کا قیام اس کام کے مناسب اَفراد کی تیاری کے بغیر ناممکن ہے۔

            ہمارے زمانے میں  تعلیم و تربیت کے مؤثر ذرائع میں  سرفہرست  الیکٹرانک میڈیا ہے۔ دعوتِ اسلامی نے بِحَمْدِ اللہ تَعَالٰی اوّل روز سے  ہی پرنٹ میڈیا میں  اپنے کام کو آگے بڑھایا جس کے نتیجہ میں  متعدد کُتُب و رَسائل منظر عام پر آئے اور اب تو تحقیق و تخریج و تراجم کا کام بین الاقوامی معیار کو چُھو رہا ہے،  جس کا نظارہ ماہ نومبر 2008ء میں  اپنی آنکھوں  سے  مرکز دعوتِ اسلامی کی زیارت کے موقع پر کیا۔ الیکٹرانک میڈیا میں  دعوتِ اسلامی کی ویب سائٹ بَہُت عرصہ سے  متعارف ہے مگر ایک مستقل  چینل  کا قیام ابھی باقی تھا۔ فی زمانہ اگرچہ یہ کام اِتنا آسان نہیں  مگر اللہ تعالٰی کی خُصُوصی مدد اور سرکارِ مدینہ  صلَّی اللہ تعالٰی علیہ واٰلہٖ وسلَّم کی خاص نظر عنایت سے  یہ عظیم کام بھی ہوگیا جو دعوتِ اسلامی کیلئے بالخصوص اور اہلسنّت و جماعت کیلئے بالعموم کسی اِنعام اور اعزاز سے  کم نہیں  ہے۔

            مجھے اُمید ہے کہ یہ  چینل  حقیقی معنوں  میں   مَدَنی   چینل   ثابت ہوگا اور بدعقیدگی کے طوفان کے سامنے مضبوط بندباندھنے کیلئے اپنا کردار ادا کرے گا۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد