وَلوَلۂ تبلیغ کی قوتِ لازوال عطا فرمائے،  آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

  (438)  حضرت مولانا محمدشبیر ہزاروی مُدَّظِلُّہُ العَالِی

 (خطیب مرکزی جامع مسجد ڈسٹرکٹ ہیڈ کوارٹر پولیس ،  اسلام آباد، پاکستان)

             مَدَنی   چینل     اللہ عَزَّوَجَلَّ  اور حُبِ رسُول صلَّی اللہ تعالٰی علیہ واٰلہٖ وسلَّمسے  معمور دِینیمسائل کی اِشاعت اور عقائد اہلسنّت کی حفاظت کا بہترین ذریعہ ہے،  اللہ عَزَّوَجَلَّ بحرمتِ نبی ِمختارصلَّی اللہ تعالٰی علیہ واٰلہٖ وسلَّم  اہلسنّت کے فیضان کو جاری و ساری رکھے۔ اور جتنے مُخلِص اس عظیم تحریک میں  سعی کررہے ہیں  بلکہ جمیع اہلسنّت کی دِینی تحریکوں  کو اللہ عَزَّوَجَلَّ کامیابی سے  ہَمکنار فرمائے۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (439)  حضرت مولانا مفتی محمد سلیمان رضوی مُدَّظِلُّہُ العَالِی

 (مہتمم دارالعلوم انوارِ رضا ، منگٹال ٹاؤن ، راولپنڈی،  پاکستان)

             مَدَنی   چینل  بِلاشُبہ (وَ اَعِدُّوْا لَهُمْ مَّا اسْتَطَعْتُمْ مِّنْ قُوَّةٍ  (پ۱۰ الانفال ۶۰) ترجَمۂ کنزالایمان : اور ان کے لئے تیار رکھو جو قوت تمہیں  بَن پڑے) کاتقاضا اِنتہائی ضروری تھا جو ضرورت آپ نے پوری کی۔ اہلسنّت کے لیے دعوتِ اسلامی کی خدمات قابلِ ستائش و تشکّر ہیں ۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (440)  حضرت مولانا حافظ محمد حق نواز جدون مُدَّظِلُّہُ العَالِی

 (جامعہ نظامیہ رضویہ گاؤں  چک ماجیہ گلی،  تحصیل و ضلع ایبٹ آبادخیبرپختونخواہ پاکستان)

             مَدَنی   چینل     اس پُرفِتَن دور میں  صبح کو ستارہ ثابت ہوگا۔ اس وقت جہاں  پروگرامز اور فلموں  میں  بے حیائی اور فحاشی دِکھا کر دُنیا کو گمراہ کیا جارہا ہے اور ہر کوئی اس میں  ایک دوسرے سے  آگے نکل جانا چاہتا ہے۔ وہاں  ایسے  پروگرامز اور  چینل  نہایت ضروری ہیں ۔ جہاں  پر اِیمان اَفروز پروگرام اِیمان کو جِلا بخشنے والے مقامات مثلاً مدینہ

 طیّبہ ،  مکہ مکرّمہ زَادَھُمَا اللہ شَرفًاوَّ تَعظِیًماً  سرکار دوعالم صلَّی اللہ تعالٰی علیہ واٰلہٖ وسلَّم  کا مزار اقدس،  حُضُور غوثِ اعظم ،  حُضُور سیِّدی اعلیٰ حضرت اور دیگر مشائخ اولیاء کرام کے مزارات جو ہر مؤمن کے دِل میں  ایمان کی جِلا بخشتے ہیں ۔ مگرہر کو ئی اِن تک رسائی نہیں  رکھتا کہ دیکھ کرہی اپنی پیاس بجھالے۔اللہ عَزَّوَجَلَّ آپ کو اپنے حِفظ و امان میں  رکھے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

 (441)  حضرت مولانا سیدمومن شاہ جیلانی مُدَّظِلُّہُ العَالِی

 (مہتمم جامعہ اسلامیہ مدینۃ العلوم،  لیوز تھانہ روڈ وارڈ نمبر۲ ، خاران ، پاکستان)

            خاران بلوچستان میں ایران کے باڈر پرہے۔ اَلْحَمْدُ لِلّٰہعَزَّوَجَلَّ ابھی کچھ مہینے سے  ہمیں   مَدَنی   چینل     بھی ٹی وی پر نظرآنا شروع ہوگیا ہے۔ ملتان اجتماع براہِ راست ہم نے یہاں  دیکھا اور مختلف پروگرام،  ہم خود اور ہمارے بچے دوست احباب کو بھی  مَدَنی   چینل     کی ترغیب دے رہے ہیں ۔ مَدَنی   چینل     چلنے کی وجہ سے  کافی لوگوں  کی اِصلاح ہوئی ہے۔ ہمیں  بڑی خوشی ہے کہ اِس دور میں  میڈیا کا بڑا رول ہوتا ہے،   مَدَنی   چینل     کو کافی لوگ دیکھ رہے ہیں  اور اس سے  اِستفادہ کررہے ہیں ۔اللہ عَزَّوَجَلَّ  دعوتِ اسلامی  کو دن دُونی رات چوگنی ترقی عطا فرمائے، آمین۔

اللہ عَزَّ وَجَلَّ کی علمائے اہلسنّت پر رَحمت ہو اوران کے صد قے ہما ری بے حسا ب مغفِرت ہو

صَلُّوا عَلَی الْحَبِیب !                                                                                     صلَّی اللہ تعالٰی علٰی مُحمَّد

  (442)  حضرت مولانا محمد نور احمد ریاض مُدَّظِلُّہُ العَالِی

 ( سجادہ نشین خلیفۂ اوّل علامہ کاظمی مولانا عبدالقادر سعیدی رحمۃ اللہ علیہما،  نشیمن کالونی،  مدینۃ الاولیاء  (ملتان شریف ) )

             مَدَنی   چینل  ایک عظیم روحانی درسگاہ کی صورت میں  اہلسنّت و جماعت پر احسان کریم ہوا جو روحانی تربیت گاہ کے علاوہ مسائل دینیہ کا ایک انسائیکلوپیڈیا کی صورت میں  منصہ شہود پر آیا۔ دِینی لحاظ سے  جو بھی نعمت  مَدَنی   چینل    سے  ملتی ہے وہ اہلسنّت و جماعت کے لیے سیاہ رات کی تاریکیوں  میں  ایک بدرِکامل ہے۔ اَمیر اہلِ سُنَّت مدظلہ  کے حضور کیاہدیۂ تبریک پیش کیا جائے ۔یہ اہلسنّت کی قلبی دِینی روحانی کیفیّات کو اپنے مکاشفۂ جلیلہ سے  کشفِ حقیقی کی صورت میں  گم شدہ قافلہ کو تاریک راستوں  سے  نکال کر شمشیر ہدایت کی روشنائیوں  میں  لا کر ہدایت کا مینارہ نور ہے۔اللہ عَزَّوَجَلَّ  اہلِ سُنَّت و جماعت کو اس  مَدَنی   چینل    سے  کماحقہ فیضیاب فرمائے، آمین۔