یوم تلاوت قرآن
دعوت اسلامی کے تحت عالمی سطح پر14 جولائی کو یوم تلاوت قرآن منایا گیا
عازمین حج2024 کی تربیت کے لئےعالمی مدنی مرکز فیضان مدینہ کراچی میں حج تربیتی اجتماع 5مئی بعد نماز ظہر ہوگا
چوتھے رکن اسلام حج کی فرضیت ہر مالدار عاقل بالغ مسلمان پر ہے اس اہم فریضہ کی ادائیگی خوش نصیب مسلمانوں کوسال میں ایک بار نصیب ہوتی ہے۔حج اسلام کو ادا کرنے کےلئے مناسک حج اور سفر حج کے بارے میں مکمل معلومات ہونی چاہئے تاکہ اس جانی ومالی عبادت کو شریعت کے بتائے ہوئے طریقہ کار کے مطابق ادا کیا جاسکے۔اطلاع کے مطابق عازمیں حج کی سہولت اور تربیت کےلئے عاشقان رسول کی دینی تحریک دعوت اسلامی کے زیر اہتمام عالمی مدنی مرکز فیضان مدینہ کراچی میں5مئی 2024 بعد نماز ظہر حج تربیت اجتماع کا انعقاد کیا جارہاہے ۔اس حج تربیتی اجتما میں شرکت کرنے والے عازمین حج کو مناسک حج کی عملی تربیت کروائی جائے گی۔اس اجتماع میں جہاں مبلغین دعوت اسلامی حج کی فضیلت اوراہمیت پر روشنی ڈالیں گے وہیں مبلغ اسلام ، دینی وسماجی رہنما جناب عبد الحبیب عطاری صاحب سفرحج کے مسافروں کو عملی طور پر حج سے متعلق اہم معلومات فراہم کریں گے۔
5مئی 2024 بعد نماز ظہر عالمی مدنی مرکز فیضان مدینہ میں عازمین حج کے ساتھ شوق حج کی تمنا لئے آپ بھی ضرور شرکت کریں