دعائے امیرِ اَہلِ سُنّت

Al Quran Books Madani Channel

Magazine Courses Media

بَرَکت زبان سے بھی آتی ہے

پیارے اسلامی بھائیو! ایک سوچنے کی بات ہے، حضرت اَبُو ہُریرہ رَضِیَ اللہ عنہ کے پاس صرف 21 کھجوریں تھی، آپ اِن کھجوروں میں برکت چاہتے تھے، بتائیے! *.رِزْق میں بَرَکت ڈالنا کس کا کام ہے؟ اللہ پاک کا *.برکت ملتی کہاں سے ہے؟ اللہ پاک کی بارگاہ سے۔ تو سوچنے کی بات ہے کہ حضرت اَبُو ہُریرہ رَضِیَ اللہ عنہ جب جانتے تھے کہ بَرَکت اللہ پاک کے حُضُور سے ملنی ہے اور اللہ پاک میری بھی سُنتا ہے تو آپ نے خُود ہی بَرَکت کی دُعا کیوں نہ کر لی؟ پیارے آقا، مکی مَدَنی مصطفےٰ صلَّی اللہ علیہِ وَ آلِہٖ وَسلَّم ہی سے دُعا کیوں کروائی...؟

اِس لیے کیونکہ آپ جانتے تھے کہ *.جو زبان رسولِ ذیشان صلَّی اللہ علیہِ وَ آلِہٖ وَسلَّم کے پاس ہے، وہ اَبُو ہُریرہ کے پاس نہیں ہے *.جو مقدّس ہاتھ مَحْبُوبِ ذیشان صلَّی اللہ علیہِ وَ آلِہٖ وَسلَّم کے ہیں، وہ اَبُو ہُریرہ کے نہیں ہیں، لہٰذا آپ صلَّی اللہ علیہِ وَ آلِہٖ وَسلَّم کے ذریعے جو بَرَکت نصیب ہو جائے گی، وہ بَرَکت میری دُعا سے حاصِل نہیں ہو سکے گی، لہٰذا آپ نے مَحْبُوب صلَّی اللہ علیہِ وَ آلِہٖ وَسلَّم سے دُعا کروائی۔ ^{(^[1])}

سُبْحٰنَ اللہ! پیارے اسلامی بھائیو! اِس سے ہمیں سیکھنے کو ملتا ہے کہ بَرَکت حاصِل کرنے کے لیے *.خُود اپنی زبان سے دُعائیں کرنا بھی ٹھیک ہے *.خُود وَظیفے پڑھنا بھی ٹھیک ہے *.خُود تِلاوت کرنا بھی ٹھیک ہے، البتہ! زیادہ بَرَکت کا ذریعہ یہ ہے کہ اپنے سے زیادہ نیک، زیادہ متّقی، زیادہ پرہیزگار بزرگوں، اللہ والوں سے دُعا کروائی جائے کہ ان کی زبانیں پاک اور دِل صاف ہوتے ہیں۔ لہٰذا اُن کی دُعا سے بَرَکت زیادہ ہو جائے گی۔

[1]...مرآۃ المناجیح، جلد:8، صفحہ:252 مفصلاً۔

Important

Mobile Apps

Contact Us