دعائے امیرِ اَہلِ سُنّت

Al Quran Books Madani Channel

Magazine Courses Media

سننے سے پہلے کچھ اچھّی اچھّی نیّتیں کر لیتے ہیں، نیّت کیجیے!*رضائے الٰہی کے لیے بیان سُنوں گا*بااَدَب بیٹھوں گا* خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب! صَلَّی اللہ عَلٰی مُحَمَّد

سب سے بڑھ کر عقل والے

پیارے اسلامی بھائیو! دُنیا جہان کی تمام تَر مخلوقات جن میں* جنّات بھی شامِل ہیں*انسان بھی شامِل ہیں *اور فرشتے بھی شامِل ہیں بلکہ فرشتوں کے سردار حضرت جبرائیل امین علیہ السَّلام بھی شامِل ہیں، اِن سب مخلوقات میں سب سے زیادہ، سب سے کامِل و اکمل عقل، ہمارے آقا و مولیٰ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کو عطا کی گئی ہے۔

آپ صَلَّی اللہ عَلَیْہِ وَ آلِہٖ وَ سَلَّم کے پیارے پیارے پاکیزہ ناموں میں سے ایک مبارَک نام ہے: اَرْجَحُ النَّاسِ عَقْلاً یعنی لوگوں میں سب سے زیادہ عقل والے۔^{(^[1])}

حضرت وَہْب بن مُنَبِّہرَحمۃُ اللہ عَلَیْہ فرماتے ہیں: میں نے (پچھلی آسمانی کتابوں اور صحیفوں میں سے) 71 کتابوں اور صحیفوں میں یہ بات پڑھی ہے (جس کا خُلاصہ ہے): اگر عقل کو ایک بڑا ریگستان تَصوُّر کیا جائے تو اس ریگستان میں سے صِرْف ایک چھوٹا سا ذرَّہ تمام دُنیا کو عطا کیا گیا ہے، باقی ساری کی ساری عقل رسولِ ذیشان، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم کو عطا کر دی گئی ہے۔^{(^[2])}

عقلِ عالَم کی رسائی اُن کے رُتبے تک مُحال ہاں! خُدا سے پوچھیے! شانِ حبیبِ کبریا^{(^[3])}

[1]... مواہب لدنیہ، مقصد ثانی، فصل فی ذکر اسمائہ...الخ، جلد:1، صفحہ:366۔

[2]... الشریعۃ للآجری، جلد:3، صفحہ:1516-1517، رقم:1025۔

[3]...قبالۂ بخشش، صفحہ:62۔

Important

Mobile Apps

Contact Us