دعائے امیرِ اَہلِ سُنّت

Al Quran Books Madani Channel

Magazine Courses Media

غير مسلمن لاءِ نه ڪا طاقت هوندي ۽ نه ئي ڪو سندن مددگار هوندو.

قبرن مان اٿڻ جا مختلف احوال

علامه ابنِ جوزي رَحمۃُ اللہِ عَلَیْہ لکن ٿا: روايتن ۾ آيو آهي ته جڏهن ماڻهو مرندو آهي ته ان جا اعمال، پوءِ اُهي سٺا هجن يا بُرا، ان جي مٿن کان اچي بيهندا آهن، جڏهن ان کي غسل ڏنو ويندو آهي، ڪفن پارايو ويندو آهي ۽ ان جي نمازِ جنازه پڙهي ويندي آهي، انهن سڀني وقتن ۾ اهي اعمال ساڻس گڏ هوندا آهن ۽ ان سان گڏ ئي سندس قبر ۾ لهي ويندا آهن. ماڻهو ته ميت کي دفن ڪري واپس موٽي ايندا آهن، پر عمل ان سان گڏ قبر ۾ رهجي ويندا آهن. پوءِ قيامت تائين ان جا اهي اعمال ان سان گڏ ئي رهندا آهن. ايسيتائين جو جڏهن قبرون کوليون وينديون، مُردن کي ٻيهر زندهه ڪيو ويندو، ان وقت ان جا عمل، سٺا هجن يا بُرا، ان سان گڏ ئي قبر مان نڪرندا. پوءِ جڏهن هي آخرت جي حساب لاءِ ميدانِ محشر ڏانهن وڌندو ته ان جا سڀئي سُٺا يا بُرا عمل گڏ ٿي ويندا. انهن مان ڪو ننڍو يا ڪو وڏو گناهه، ڪو به وساريو نه ويندو. ان جا ظاهري ۽ لڪيل سمورا عمل سامهون اچي ويندا.^{(^[1])}

عَمَل ماڻهن جو استقبال ڪندا

حضرت عَمرو بن قيس رحمۃُ اللہِ علیہ فرمائن ٿا: مسلمان جڏهن پنهنجي قبر مان نڪرندو ته ان جو عمل خوبصورت شڪل ۽ بهترين خوشبو جي صورت ۾ سندس استقبال ڪندو ۽ ان کان پڇندو: ڇا تون مون کي سڃاڻين ٿو؟ ٻانهو چوندو: تون تمام خوبصورت آهين، تمام خوشبودار به آهين، پر مان توکي نه ٿو سڃاڻان. سندس نيڪ عمل چوندو: دنيا ۾ تون به اهڙو ئي هئين، تنهنجي خوشبو (يعني تنهنجو ڪردار، تنهنجا عمل ۽ تنهنجي سيرت) تمام پياري هئي.

[1]...بستان الواعظین، مجلس فی الحساب...الخ، عمل العبد یلازمہ، صفحہ:78 بتغیر قلیل۔

Important

Mobile Apps

Contact Us