دعائے امیرِ اَہلِ سُنّت

اب آپ خُود غور فرمائیے! ایک کام شیطان کا پسندیدہ ہے، ایک کام اللہ پاک کو مَحْبُوب ہے۔ ہم کونسا کام اِخْتیار کریں گے...؟ ظاہِر ہے ہم مسلمان ہیں، ہم اللہ پاک کے بندے ہیں، ہم اپنے رَبِّ کریم ہی کی رضا چاہیں گے۔ لہٰذا ہمیں قَہقَہہ لگانے سے بچنا چاہیے۔ مسکرائیں!مسکرائیں اور خُوب مسکرائیں۔

مسکرا کر ملنا صدقہ ہے

پیارے نبی، اچھے نبی، سچّے نبی صَلَّی اللہ عَلَیْہِ وَ آلِہٖ وَ سَلَّم نے فرمایا:

وَتَبَسُّمُكَ فِي وَجْهِ اَخِيْكَ صَدَقَةٌ

ترجمہ: تمہارا اپنے بھائی کے سامنے مسکرانا صدقہ ہے۔ ^{(^[1])}

ایک مالی صدقہ ہوتا ہے۔ وہ ایک الگ نیکی ہے مگر اور بھی بہت ساری چیزوں کو صدقہ قرار دیا گیا ہے۔ انہیں میں سے مسکرا کر ملنا بھی ہے۔ جب ہم کسی مسلمان بھائی سے مسکرا کر ملتے ہیں تو اللہ پاک صدقے کا ثواب عطا فرماتا ہے۔

اللہ پاک کا پیارا بندہ

اللہ پاک کے مَحْبُوب نبی، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے فرمایا: جب 2مسلمان آپس میں ملیں، دونوں ہاتھ ملائیں، ایک دوسرے کو سلام کہیں، ان میں سے جو زیادہ خَنْدَہ پیشانی (مثلاً مسکراتے ہوئے، کِھلے کِھلے چہرے) کے ساتھ ملے گا، وہ اللہ پاک کا زیادہ پیارا ہے۔

مزید فرمایا: ان پر اللہ پاک 100 رحمتیں نازِل فرماتا ہے، اس میں سے 90 رحمتیں اس کے لیے ہیں، جس نے سلام میں پہل کی اور 10 رحمتیں جواب دینے والے کے لیے ہیں۔ ^{(^[2])}

[1]...الادب المفرد، باب من ھدی زفافا او طریقا، صفحہ:262، حدیث:891۔

[2]...موسوعہ ابن ابی الدنیا، کتاب مدارۃ الناس، باب المدارۃ بطلاقۃ...الخ، جلد:7، صفحہ:530، حدیث:65۔

Important

Mobile Apps

Contact Us