Share this link via
مُشڪل ڪُشا غوثِ اعظم
الله پاڪ فرمايو:
وَ کُوۡنُوۡا مَعَ الصّٰدِقِیۡنَ (۱۱۹)
ترجمو ڪنزالعرفان: ۽ سچن سان گڏ ٿي وڃو. (سيپارو: 11، سورة توبة: 119)
يعني اي منهنجي محبوب جا غلامو! سچن سان گڏ ٿي وڃو! توهان جو ايمان ۽ توهان جا اعمال خيريت سان پنهنجي منزل تي پهچي ويندا. ([1])
دِل پہ کُندہ ہو ترا نام کہ وہ دُزدِ رجیم
اُلٹے ہی پاؤں پِھرے دیکھ کے طُغْرَ اتیرا([2])
وضاحت: اي پيارا غوث پاڪ رَحمۃُ الله عَلَيْہ! اي ڪاش! توهان جو مبارڪ نالو منهنجي دل تي لکيل هجي ته جيئن شيطان لعِين، جيڪو ربَ ڪريم جي بارگاهه مان ڌڪاريل آهي، توهان جي شاهي مُهر ڏسي يڪدم واپس هليو وڃي، توهان جي صدقي مان شيطان جي شر کان محفوظ رهندس.
صحابيءِ رسول حضرت براءَ بن عازب رَضِیَ الله عنہ فرمائن ٿا: اسان بارگاهِه رسالت ۾ حاضر هئاسين ته پاڻ ڪريم صَلَّی اللہُ عَلَیْہِ وَ آلِہٖ وَ سَلَّم پڇيو: اَیُّ عُرَی الْاِسْلَامِ اَوْثَقُ يعني اسلام جي سڀ کان مضبوط رَسي ڪهڙي آهي؟ صحابه ڪرام رَضِیَ الله عنہم عرض ڪيو: * نماز. فرمايائون: نماز تمام سٺي آهي پر منهنجي سوال جو جواب اِهو نه آهي * پوءِ عرض ڪيو ويو: زڪوات ڏيڻ. فرمايائون: هي عمل به تمام سٺو آهي پر منهنجي سوال جو جواب اِهو نه آهي * پوءِ عرض ڪيو ويو: رمضان ڪريم جا روزا. فرمايائون: روزا به بهترين عبادت آهن پر منهنجي سوال جو جواب اِهو به نه آهي * پوءِ عرض ڪيو ويو: حج.
