Share this link via
-
Home
-
Islamic Speeches
-
مُشڪل ڪُشا غوثِ اعظم
- page 25
مُشڪل ڪُشا غوثِ اعظم
اَلحمدُ لِلّٰہ! اميرِ اهلسنت دَامَت بَرَکَاتُهمُ الْعَالِيَہ جي خصوصيت آهي ته هُو پاڻ به علمِ دين جا تمام گهڻا شوقين آهن ۽ عاشقانِ رسول کي به ديني ڪتاب پڙهڻ جو شوق ڏياريندا آهن * پاڻ هر هفتي هڪ ديني رسالو پڙهڻ جي لاءِ فرمائيندا آهن * مختصر رسالو هوندو آهي * ڪجهه ئي منٽن ۾ پڙهجي ويندو آهي. توهان به پڙهندا ڪريو! اِنْ شَآءَ الله الْکَرِيم! تمام گهڻو فائدو ٿيندو * ديني معلومات وڌندي * علمِ دين سکڻ جو ثواب ملندو * ديني ڪتاب پڙهڻ سان دماغ به کلندو آهي * نظر تيز ٿيندي آهي * حڪمت نصيب ٿيندي آهي * سوچ پاڪيزه ٿيندي آهي ۽ * زندگيءَ ۾ نکار ايندو آهي * جديد سائنسي تحقيق مطابق ڪتاب پڙهڻ سان دماغي بيمارين کان حفاظت ٿيندي آهي.
هر هفتي پابنديءَ سان هفتيوار رسالو پڙهڻ جي نيت ڪري وٺو! اچو ته ترغيب لاءِ هڪ مدني بهار ٻڌون ٿا:
هند جي هڪ اسلامي ڀاءُ جو بيان آهي ته مان ڪفر جي اونداهين ۾ ڀٽڪي رهيو هئس، هڪ ڏينهن ڪنهن شيخِ طريقت، امير اهلسنت مولانا محمد الياس عطار قادري رضوي دَامَتْ بَرَکَاتُهمُ الْعَالِيَہ جو رسالو احترامِ مسلم تحفي طور ڏنو. مون جڏهن ان کي پڙهيو ته حيران ٿي ويس ته جن مسلمانن کي مان هميشه نفرت جي نظر سان ڏٺو آهي، انهن جو مذهب اسلام ايتري قدر امن جو پيغام ڏئي رهيو آهي! رسالي ۾ لکيل ڳالهيون تاثير جو تير بڻجي منهنجي دل ۾ لَهِي ويون ۽ دل ۾ اسلام جي محبت گهَر ڪري وئي. هڪ ڏينهن مان بس ۾ سفر ڪري رهيو هئس ته ڏاڙهي ۽ عمامي وارن ڪجهه اسلامي ڀائرن جو قافلو به بس ۾ سوار ٿيو. مان ڏسڻ سان ئي سمجهي ويس ته هي مسلمان آهن.
