Share this link via
-
Home
-
Islamic Speeches
-
مُشڪل ڪُشا غوثِ اعظم
- page 18
مُشڪل ڪُشا غوثِ اعظم
هتي ڏسو! فرشتا به غير الله آهن. الله پاڪ پاڻ فرشتن کي فرمايو: اي فرشتو! ايمان وارن کي ثابت قدم رکو! مان توهان سان گڏ آهيان.
ٿورو غور ته فرمايو! الله پاڪ فرشتن کي موڪليو. الله پاڪ چاهي ها ته فرشتن کان سواءِ ئي مدد فرمائي ها. الله پاڪ چاهي ها ته غير مسلم پنهنجن گهرن ۾ ئي اونڌي مُنهُن پيا هجن ها، ميدانِ بدر ۾ اچي ئي نه سگهن ها پر الله پاڪ فرشتن کي موڪليو، ڇو؟ ان ڪري ته هُو الله آهي، هُو رَبُ آهي، هُو قدرتن وارو آهي، هُو جيڪو چاهيندو آهي سو ڪندو آهي ڪو به ان کان پڇڻ جي همت نه ٿو ڪري سگهي.
وڌيڪ غور ڪريو ته! غزوهءِ بدر ۾ مدد ڪرڻ لاءِ ڪير آيو؟ فرشتا آيا، پر الله پاڪ فرمائي ٿو:
وَ لَقَدۡ نَصَرَکُمُ اللّٰہُ بِبَدۡرٍ
ترجمو ڪنزالعرفان: ۽ بيشڪ الله بدر ۾ توهان جي مدد ڪئي
(سيپارو: 4، سورة آل عمران: 123)
مدد ڪرڻ ڪير آيا؟ فرشتا. الله پاڪ ڇا ٿو فرمائي؟ الله پاڪ مدد ڪئي. معلوم ٿيو ته الله پاڪ جا مقرب ٻانها، الله پاڪ جي عطا سان، الله پاڪ جي ڏنل طاقت سان مدد ڪن ته اُها غيرُ الله جي مدد نه آهي بلڪ اُها الله پاڪ جي ئي مدد آهي جيڪا هو پنهنجن ٻانهن جي ذريعي ڪرائيندو آهي.
هڪ ڀيري حُضور غوثِ پاڪ رَحمۃُ اللہِ عَلَیْہ بيان فرمائي رهيا هئا ته بيان جي دوران پاڻ اوچتو خاموش (Silent) ٿي ويا ۽ فرمايائون: 100 اشرفيون پيش ڪيون وينديون ته اڳتي بيان ڪندس. ايترو ٻڌڻ جي دير هئي ته هڪ، ٻه نه، پر 40
