Share this link via
-
Home
-
Islamic Speeches
-
مُشڪل ڪُشا غوثِ اعظم
- page 16
مُشڪل ڪُشا غوثِ اعظم
حديث شريف آهي؟ ٻڌو! بدري صحابي حضرت عُتبه بن غَزۡوان رَضِیَ اللہُ عنہ فرمائن ٿا: الله پاڪ جي محبوب نبي، رسولِ هاشمي صَلَّی اللہُ عَلَیْہِ وَ آلِہٖ وَ سَلَّم فرمايو: جڏهن توهان مان ڪنهن جي ڪا شيءِ گم ٿي وڃي ۽ هجي به ويران جڳهه (Deserted Place) تي جتي ڪو مددگار به نه هجي، اهڙي حالت ۾ جيڪڏهن توهان مدد چاهيو ته هيئن چئو: يَا عِبَادَ الله أَغِيثُونِي، يَا عِبَادَ الله أَغِيثُونِي اي الله جا ٻانهؤ! منهنجي مدد ڪريو! اي الله جا ٻانهؤ! منهنجي مدد ڪريو. ([1])
هاڻي ڏسو ته اِها تعليم ڪير ڏئي رهيو آهي؟ * اسان جا آقا، اسان جا هادي، اسان جا راهنما نبي صَلَّی اللہُ عَلَیْہِ وَ آلِہٖ وَ سَلَّم! دنيا جي اُها هستي جيڪا سڀ کان وڏي توحيد مڃيندڙ آهي * اُهي آقا صَلَّی اللہُ عَلَیْہِ وَ آلِہٖ وَ سَلَّم جيڪي سڀ کان وڌيڪ الله پاڪ جي معرفت رکڻ وارا آهن * اُهي آقا صَلَّی اللہُ عَلَیْہِ وَ آلِہٖ وَ سَلَّم جيڪي سڀني کان وڌيڪ توحيد جو چرچو ڪرڻ وارا آهن * اُهي هادي ۽ راهنما صَلَّی اللہُ عَلَیْہِ وَ آلِہٖ وَ سَلَّم اسان کي تعليم ڏئي رهيا آهن ته جيڪڏهن توهان ڪنهن اهڙي جاءِ تي هجو جتي ظاهري طور ڪو مددگار نظر نه اچي رهيو هجي ته اهڙي جاءِ تي جيڪڏهن مدد گهرجي ته ڪنهن کي سڏيو! الله جي ٻانهن کي...!
غور ڪريو ته ڇا محبوبِ ذيشان صَلَّی اللہُ عَلَیْہِ وَ آلِہٖ وَ سَلَّم (مَعَاذَ اللہ!) نه ٿا ڄاڻن ته الله پاڪ مددگار آهي ته ان کان ئي مدد گهري وڃي، انهن ئي ته اسان کي الله پاڪ کان گهرڻ سيکاريو آهي. يعني جن محبوب صَلَّی اللہُ عَلَیْہِ وَ آلِہٖ وَ سَلَّم اسان کي الله پاڪ کان گهرڻ سيکاريو آهي، اهي ئي محبوب صَلَّی اللہُ عَلَیْہِ وَ آلِہٖ وَ سَلَّم اسان کي ترغيب (Motivation) ڏياري رهيا آهن ته الله پاڪ جي ٻانهن کان گهرندا ڪريو! ۽ ٻانها به اهي، جيڪي ظاهري طور نظر به نه اچي رهيا آهن، اکين کان غائب
