Share this link via
-
Home
-
Islamic Speeches
-
مُشڪل ڪُشا غوثِ اعظم
- page 13
مُشڪل ڪُشا غوثِ اعظم
معلوم ٿيو ته شهيد صرف اُهو ناهي جيڪو جنگ ۾ شهادت ماڻي بلڪ امت جا اڪثر شهيد اُهي آهن جن کي فِيْ سَبِیْلِ الله (يعني نيڪيون ڪندي، الله ۽ رسول جي فرمانبرداري ۾) بستري تي موت ايندو آهي. توهان پاڻ غور فرمايو حديث پاڪ ۾ پنهنجي نفس سان جهاد ڪرڻ (يعني نفس کي سڌارڻ) کي جهادِ اڪبر قرار ڏنو ويو آهي.([1]) ته پوءِ جيڪو جهادِ اصغر ڪري يعني غير مسلمن سان جنگ ڪري، شهيد ٿي وڃي اهو ته زندهه آهي، رب فرمائي ٿو: ان کي هرگز مئل نه چئو! ته پوءِ جيڪي جهادِ اڪبر ڪرڻ وارا آهن، اهي زندهه ڇو نه هوندا...؟
يقيناً اولياءِ ڪرام رَحمۃُ اللہِ علیہم پنهنجين مزارن ۾ زندهه آهن ۽ الله پاڪ جي عطا سان، ان جي توفيق سان، ان جي فضل ۽ ڪرم سان اسان غلامن جي مدد به فرمائيند آهي. ڊاڪٽر اقبال چوي ٿو:
موت کو سمجھے ہیں غافِل اختتامِ زندگی
ہے یہ شامِ زندگی، صبحِ دوامِ زندگی([2])
وضاحت: يعني اُهي غافل (Heedless) ماڻهو آهن جيڪي موت کي زندگيءَ جو اختتام (End) سمجهندا آهن. موت اصل ۾ هن دنياوي ظاهري زندگيءَ جي شام آهي پر هميشه رهڻ واري زندگيءَ لاءِ هڪ نئون صبح هوندو آهي، يعني موت کان پوءِ هڪ اهڙي زندگيءَ جي شروعات ٿيندي آهي، جنهن کان پوءِ ڪڏهن به موت نه ايندو.
يا شيخ عبدالقادر جيلاني! شَیْئًا لِلّٰہ!
ميان شير محمد شرقپوري رَحمۃُ اللہِ عَلَيْہ هڪ ڪامل ولي ٿي گذريا آهن. هڪ ڏينهن
