دعائے امیرِ اَہلِ سُنّت

Al Quran Books Madani Channel

Magazine Courses Media

تمام اسلامي ڀائرن کي گذارش آهي ته پنهنجي علائقي ۾ ٿيندڙ اجتماعِ غوثيه ۾ ڀرپور شرڪت فرمايو ۽ ٻين کي به دعوت ڏيو.

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

اِيصالِ ثواب جا مدني گُلَ

پيارا اسلامي ڀائرو! وڏي يارهين شريف تشريف کڻي اچي رهي آهي، عاشقانِ غوثِ اعظم ڀرپور انداز ۾ يارهين شريف تي نياز جو اهتمام ڪندا آهن. ياد رکو! يارهين شريف به ايصالِ ثواب جي ئي هڪ صورت آهي، اچو ته اوهان کي ايصالِ ثواب جا ڪجهه مدني گل عرض ڪريان: حديث پاڪ ۾ آهي: پياري نبي، رسولِ هاشمي صلَّی اللہُ علیہِ وَ آلِہٖ وَسلَّم 2 گهَيٽا ذبح فرمايا، هڪ جو ثواب سڄي امت کي پهچايائون ۽ هڪ پنهنجي ۽ پنهنجي اهلِ بيت لاءِ ذبح فرمايائون. ^{(^[1])}

صحابه ڪرام رَضِیَ اللہُ عنہم جي مبارڪ دور ۾ ايصالِ ثواب جا مختلف طريقا رائج هئا، مثلاً * هِي حضرات ميت جي طرفان ستن ڏينهن تائين کاڌو کارائيندا هئا. ^{(^[2])} * فوت ٿيڻ واري شخص جي قبر تي قرآن ڪريم جي تلاوت ڪندا هئا. ^{(^[3])}* حضرت امام حسن ۽ امام حسين رَضِیَ اللہُ عنہما پنهنجي والدِ محترم يعني حضرت موليٰ علي، شيرِ خدا رَضِیَ اللہُ عنہ جي ايصالِ ثواب لاءِ غلام آزاد ڪندا هئا. ^{(^[4])}* حضرت سعد رَضِیَ اللہُ عنہ پنهنجي والده جي وفات کان پوءِ سندن ايصالِ ثواب لاءِ پاڻيءَ جو کوهه کوٽايو.^{(^[5])}

[1]...ابن ماجہ، کتاب الاضاحی، باب اضاحی رسول اللہ صَلَّی اللہُ عَلَیْہِ وَ آلِہٖ وَ سَلَّم، صفحہ:509، حدیث:3222۔

[2]...الحاوی للفتاویٰ، طلوع الثریا باظہار ماکان خفیا، صفحہ:591۔

[3]... شرح الصدور، باب فی قراءۃ القرآن للمیت...الخ، صفحہ:218۔

[4]... مصنف ابن ابی شیبۃ، کتاب الجنائز، باب ما یتبع المیت بعد موتہ، جلد:3، صفحہ:262، حدیث:12۔

[5]... ابو داود، کتاب الزکاۃ، باب فی فضل سقی الماء، صفحہ:274، حدیث:1681مختصراً۔

Important

Mobile Apps

Contact Us