دعائے امیرِ اَہلِ سُنّت

Al Quran Books Madani Channel

Magazine Courses Media

اللہ پاک نے آپ کو خاص عِلْمِ لَدُنِی عطا فرمایا، آپ پر سب حال روشن ہے، آپ وہ اُمِّی ہیں کہ دُنیا میں کسی سے کچھ نہ پڑھا، نہ سیکھا، اس کے باوُجُود عِلْم ایسا کمال ہے کہ سب عُلَما آپ ہی کے عِلْم سے روشنی لیتے ہیں، آپ اللہ پاک کے عِلْمِ غیب کے مظہر ہیں، غرض کہ اے بےمثل مَحْبُوب صَلَّی اللہ عَلَیْہِ وَ آلِہٖ وَ سَلَّم ! آپ کا نہ کوئی مثل ہے، نہ کبھی ہو گا، آپ اپنی ہر صِفَت میں، ہر خوبی میں سب سے بڑھ کر، بےمثل اور بےمثال ہیں۔

وہ سمجھتے ہیں بولیاں سب کی

پیارے اسلامی بھائیو! اللہ پاک نے اپنے محبوب صَلَّی اللہ عَلَیْہِ وَ آلِہٖ وَ سَلَّم کو جو علوم عطا فرمائے، ان میں ایک زبان کا عِلْم بھی ہے،علّامہ احمد بن محمد صاوی مالکی رحمۃُ اللہ علیہ فرماتے ہیں: بِاَنَّ اللّٰهَ عَلَّمَهٗ جَمِيْعَ اللُّغَاتِ، فَكَانَ يُخَاطِبُ كُلَّ قَوْمٍ بِلُغَتِهِمْ یعنی اللہ پاک نے آپ صلَّی اللہ علیہِ وَ آلِہٖ وَسلَّم کو تمام زبانیں سکھا دی تھیں اور آپ صلَّی اللہ علیہِ وَ آلِہٖ وَسلَّم ہر قوم سے اُسی کی زَبان میں کلام فرمایا کرتے تھے۔^{(^[1])}

مَشْہُور مُفَسِّرِ قرآن، مفتی احمد یار خان نعیمی رحمۃُ اللہ علیہ فرماتے ہیں: حضور صَلَّی اللہ عَلَیْہِ وَ آلِہٖ وَ سَلَّم قدرتی طور پر تمام زَبانیں جانتے ہیں جب حضور جانوروں، پتّھروں، کنکروں کی بولیاں سمجھتے ہیں تو انسانوں کی بولی کیوں نہ سمجھیں گے۔^{(^[2])}

وہ سمجھتے ہیں بولیاں سب کی، وہی بھرتے ہیں جھولیاں سب کی

آؤ بازارِ مصطفےٰ کو چلیں،کھوٹے سکے وہیں پہ چلتے ہیں

صَلُّوْا عَلَی الْحَبِیْب! صَلَّی اللہ عَلٰی مُحَمَّد

[1]... تفسیر صاوی،پارہ:13،الابراہیم،زیر آیت:4، جز:3، جلد:2، صفحہ:225۔

[2]... مرآۃ المناجیح،جلد: 6، صفحہ:335۔

Important

Mobile Apps

Contact Us