دعائے امیرِ اَہلِ سُنّت

مکی مَدَنی مصطفےٰ صَلَّی اللہ عَلَیْہِ وَ آلِہٖ وَ سَلَّم ہمارے درمیان کھڑے ہوئے اور بیان فرمانا شروع کیا، آپ صَلَّی اللہ عَلَیْہِ وَ آلِہٖ وَ سَلَّم نے ہمیں سب کچھ بتایا، یہاں تک کہ قیامت قائِم ہونے تک کے سب واقعات بتا دئیے۔

حضرت حذیفہ رَضِیَ اللہ عنہ فرماتے ہیں: جیسے کوئی بندہ کسی بہت پُرانے جاننے والے کو دیکھتا ہے تو اسے اچانک محسوس ہوتا ہے کہ اسے میں نے کہیں دیکھا ہے، پِھر تھوڑاذہن پر زور دینے سے یاد آجاتا ہے، اس واقعہ کے بعد میری یہی حالت ہو گئی تھی، میں جب بھی کوئی نیا معاملہ دیکھتا تو لگتا یہ معاملہ تو میں نے کہیں سُنا ہے، پِھر جب غورکرتا تو یاد آتا کہ ہاں! اُس دِن محبوبِ کریم صَلَّی اللہ عَلَیْہِ وَ آلِہٖ وَ سَلَّم نے یہ بات بھی ہمیں بتائی تھی۔ ^{(^[1])}

ہر ذَرَّہ پر تیری نظر ہے، ہر قطرہ کی تجھ کو خبر ہے

ہو عِلْمِ لَدُنِی کے تم دانا صَلَّی اللہ عَلَیْکَ وَسَلَّم

عیب سے تم کو پاک کیا ہے غیب کا تم کوعِلْم دیا ہے

اور خود حق بھی تم سے چھپا کیا؟ صَلَّی اللہ عَلَیْکَ وَسَلَّم^{(^[2])}

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

پیارے آقا پڑھنا لکھنا جانتے تھے

پیارے اسلامی بھائیو! شروع میں سُنی ہوئی حدیثِ پاک پر اب مزید غور فرمائیے! آپ صَلَّی اللہ عَلَیْہِ وَ آلِہٖ وَ سَلَّم کے دونوں ہاتھوں میں 2بڑی بڑی کتابیں تھیں، فرمایا:

هَذَا كِتَابٌ مِّنْ رَبِّ الْعَالَمِينَ

[1]...مسلم،کتاب الفتن و اشراط الساعۃ،باب اخبار النبی ...الخ،صفحہ:1107،حدیث:2891 خلاصۃً۔

[2]... سامانِ بخشش، صفحہ:108۔

Important

Mobile Apps

Contact Us