سيرت پڙهي ڏسو! اُهي اداءِ مصطفيٰ (صَلَّى اللهُ عَلَيْهِ وَاٰلِهٖ وَسَلَّم) کي اختيار ڪرڻ ۾ اهو نه سوچيندا هئا ته اسان ائين ڪنداسين ته اسان کي ڇا ملندو. سندن عشق ڀري سوچ اِها هوندي هئي ته هي ڪم اسان جي محبوب (صَلَّى اللهُ عَلَيْهِ وَاٰلِهٖ وَسَلَّم) ڪيو آهي، بس اسان کي به اِهو ڪرڻو آهي. ڇو ڪرڻو آهي؟ ڪنداسين ته ڇا ملندو؟ نه ڪنداسين ته ڪهڙو نقصان ٿيندو؟ انهن چڪرن ۾ هي بزرگ پوندا ئي نه هئا * مسلمانن جا پهريان خليفا، عاشق اڪبر، حضرت صديقِ اڪبر رَضِىَ الـلّٰـهُ عَـنْهُ فرمائن ٿا: جنهن امر تي آقا صَلَّى اللهُ عَلَيْهِ وَاٰلِهٖ وَسَلَّم عمل ڪندا هئا، مان ان کي ڪرڻ کان سواءِ نه ڇڏيندو آهيان. جيڪڏهن مان پاڻ سڳورن صَلَّى اللهُ عَلَيْهِ وَاٰلِهٖ وَسَلَّم جي حالات مان ڪنهن امر کي ڇڏي ڏيان ته مون کي خوف آهي ته مان سنت کان مُنهن موڙڻ وارو ٿي ويندس. ^([1])

اللہ اللہ یہ شوقِ اتباع                                                                                                            کیوں نہ ہو صدیقِ اکبر تھے

* مسلمانن جي ٻئي خليفي حضرت عمر فاروقِ اعظم رَضِىَ الـلّٰـهُ عَـنْهُ فرمايو: جڏهن کان مون سرڪارِ عالي وقار، مڪي مدني تاجدار صَلَّى اللهُ عَلَيْهِ وَاٰلِهٖ وَسَلَّم کي اَڻَ ڇڻيل اٽي جي ماني کائيندي ڏٺو آهي، ان کان پوءِ ڪڏهن به منهنجي لاءِ ڇڻيل اٽي جي ماني نه ٺاهي وئي آهي.^([2]) * مسلمانن جي ٽئين خليفي حضرت عثمانِ غني رَضِىَ الـلّٰـهُ عَـنْهُ هڪ ڏينهن ٻڪريءَ جي دَستِيءَ جو گوشت گهرايو ۽ مسجد جي دروازي تي ويهي کائي ڇڏيائون، پوءِ تازو وضو ڪرڻ کان بغير ئي نماز ادا ڪيائون ۽ فرمايائون: هڪ ڏينهن رسولِ اڪرم، نورِ مجسم صَلَّى اللهُ عَلَيْهِ وَاٰلِهٖ وَسَلَّم به انهيءَ جاءِ تي ويهي ٻڪريءَ جي دَستِيءَ جو گوشت کاڌو هو ۽ پوءِ ائين ئي ڪيو هئائون، تنهنڪري مون به سندن اَدا کي اَدا ڪيو. ^([3])* هڪ ڀيري حضرت عبدالله بن عمر رَضِیَ اللهُ عَنْهُما مڪي شريف وڃي رهيا هئا، رستي ۾ هڪ وڻ آيو، پاڻ ڄاڻي واڻي ان جي ٽارين ۾ پنهنجو عمامو شريف