به ڳالهائيندا هئا ته مُسڪرائيندا هئا. مون عرض ڪيو: توهان رَضِىَ الـلّٰـهُ عَـنْهُ هن عادت کي ڇڏي ڏيو، نه ته ماڻهو اوهان کي بيوقوف سمجهڻ لڳندا، جنهن تي حضرت ابو درداء رَضِىَ الـلّٰـهُ عَـنْهُ فرمايو: مون جڏهن به الله پاڪ جي محبوب صَلَّى اللهُ عَلَيْهِ وَاٰلِهٖ وَسَلَّم کي ڳالهائيندي ڏٺو يا ٻڌو ته پاڻ صَلَّى اللهُ عَلَيْهِ وَاٰلِهٖ وَسَلَّم مُسڪرائيندا هئا.^[1] (تنهنڪري مان به انهيءَ سنت تي عمل ڪرڻ جي نيت سان ائين ڪندو آهيان.)

سرڪار جي پسند، پنهنجي پسند

حضرت انس بن مالڪ رَضِىَ الـلّٰـهُ عَـنْهُ کان روايت آهي ته هڪ درزيءَ رسولُ الله صَلَّى اللهُ عَلَيْهِ وَاٰلِهٖ وَسَلَّم جي دعوت ڪئي. (حضرت انس رَضِىَ الـلّٰـهُ عَـنْهُ فرمائن ٿا:) مان به پاڻ صَلَّى اللهُ عَلَيْهِ وَاٰلِهٖ وَسَلَّم سان گڏ دعوت ۾ شريڪ ٿي ويس. درزيءَ پاڻ صَلَّى اللهُ عَلَيْهِ وَاٰلِهٖ وَسَلَّم جي اڳيان ماني، ڪَدُو (لوڪي شريف) ۽ گوشت جو ٻوڙ رکيو. مون ڏٺو ته نبيِ ڪريم صَلَّى اللهُ عَلَيْهِ وَاٰلِهٖ وَسَلَّم ٿانوَ مان ڪدو شريف ڳولي ڳولي کائي رهيا آهن (ان کان پوءِ پاڻ رَضِىَ الـلّٰـهُ عَـنْهُ پنهنجو عمل بيان ڪندي فرمائن ٿا:) فَلَمْ اَزَلْ اُحِبُّ الدُّبَّاءَ مِنْ يَوْمِئِذٍ يعني ان ڏينهن کان پوءِ مان ڪدو شريف کي پسند ڪندو آهيان.

مصطفيٰ جي اَدا سان محبت

پيارا اسلامي ڀائرو! ڏٺو توهان ته صحابه ڪرام رَضِیَ اللهُ عَنْهُم سرڪارِ ذي وقار، مڪي مدني تاجدار صَلَّى اللهُ عَلَيْهِ وَاٰلِهٖ وَسَلَّم جي هڪ هڪ ادا ۽ هڪ هڪ سنت کي ديوانگيءَ سان اختيار ڪندا هئا. صحابه ڪرام رَضِیَ اللهُ عَنْهُم جي مبارڪ زندگين جو هي نرالو ۽ عشق سان ڀرپور انداز آهي. بس کين صرف خبر پوڻ جي دير هوندي هئي ته هي ڪم پياري آقا، مديني واري مصطفيٰ صَلَّى اللهُ عَلَيْهِ وَاٰلِهٖ وَسَلَّم ڪيو آهي، پوءِ اهو ڪم ڪرڻ، اداءِ مصطفيٰ کي اختيار ڪرڻ ڄڻ ته سندن زندگيءَ جو نصب العين (يعني مقصد) بڻجي ويندو هو. صحابه ڪرام رَضِیَ اللهُ عَنْهُم جي