خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم چې به کله هم چرته تشريف وړلو نو حضرت عبد الله بن مسعود رَضِىَ اللهُ عَـنْهُ به د خوږ محبوب صَلَّى اللهُ عَلَيْهِ وَاٰلِهٖ وَسَلَّم تکيه مبارکه راخستله او ورسره ورسره به پۀ خِدمت کښې حاضر اوسېدلو، څنګه چې به هم نبي کريم صَلَّى اللهُ عَلَيْهِ وَاٰلِهٖ وَسَلَّم چرته د تشريف اېښودو اِراده فرمائيله نو حضرت عبد الله بن مسعود رَضِىَ اللهُ عَـنْهُ به ور وړاندې کېدلو او د ښائسته ښائسته، ښکلو ښکلو، د عرش د سترګو د تور مقدسو، مبارکو ښپو نه به يـې نَعلَېن شريف ويستل، د ځان سره به يـې محفوظ ساتل، د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم پۀ خِدمت مبارک کښې به يـې تکيه مبارکه پېش کوله، بيا به چې کله نبي کريم صَلَّى اللهُ عَلَيْهِ وَاٰلِهٖ وَسَلَّم راپاڅېدو او چرته به يـې د تشريف وړلو اِراده فرمائيله نو هغوئي به ور وړاندې کېدلو او پۀ ښپو مبارکو کښې به يـې د نَعلَېن شريف د اچولو سعادت حاصلولو او تکيه به يـې راخستله۔

سُبْحٰنَ اللہ! دا هٰغه خِدمت دے، د کوم پۀ برکت چې حضرت عبد الله بن مسعود رَضِىَ اللهُ عَـنْهُ ته هٰغه شانونه عطا شول، کوم چې بل چا ته نۀ دې ميلاو شوي۔ علامه يُوسُف بن اِسماعِيل نبهاني رَحْمَةُ اللهِ عَلَيْه ليکلي دي:

اِنِّی خَدَمْتُ مِثَالَ نَعْلِ المُصْطَفٰے                                                                   لِاَعِیْشَ فِی الدَّارَیْنِ تَحْتَ ظِلَالِہَا

سَعِدَ اِبْنُ مَسْعُوْدٍ بِخِدْمَۃِ نَعْلِہٖ                                                                وَ اَنَا السَّعِیْدُ بِخِدْمَتِیْ لِمِثَالِہَا^([1])

ترجمه: زۀ د نقشِ نعلِ پاک خادِم يم،دې دپاره چي زۀ پۀ دواړو جهانو کښې د نقشِ نعلِ پاک پۀ سوري کښې يم ۔ لکه څنګه چې حضرت عبد الله بن مسعود رَضِىَ اللهُ عَـنْهُ د نَعلَېن شريف پۀ خِدمت کولو سره د سعادتونو معراج ته ورسېدو، (اِنْ شَآءَ اللہُ الْکَرِیم!) زۀ به د نقشِ نعلِ پاک پۀ خِدمت سره سعادت بياموم۔